MARKUS 1:44 - WUKE SUSI WATTI'U AL᷊AL᷊USASSA

⁴⁴ “Naunge, arie mabatti'a sisai-sai, arawe roote ringannu imam wuṛṛu padorongnga si tou manantunna manungku i'o napiate. See matataṛṛino su inapiannu wuassu radangngu udde, pangapidden sasamba tumuṛṛuttu ere suete niparenta Musa, maola'a sambau pananaunganna su manga taumata manungku i'o atonna-tonna napiate.”

MARKUS 1:44 Iomraidhean Croise

MATIUS 8:4

See Mawu Yesus nabbisara si tou, “Naunge! Arie pabbatti'a sisai-sai. Arawe roote ringannu imam, wuṛṛu paddorongnga si tou manantunna manungku i'o napiate. Wua'udde anggil᷊a'e sasamba apan suete nitita Musa, maola'a manga tatiala su taumata manungku i'o napiate atonna!”

MARKUS 1:43

See Mawu Yesus nandolokki tou napul᷊e ringannu tanata indi,

LUKAS 17:14

Su tempo Mawu Yesus naasilo si mangitou, i Tou nabbisara, “Roote ringannu manga imam, padorongke i mangitou mamarikissa wadangngi yamiu.” Tantal᷊anna i mangitou u'amatta, nawul᷊ite rada'i mangitou.

LUKAS 5:14

See Mawu Yesus naningaddu taumata udde mabatti'u olangnge udde su manga taumata, tanatane, “Roote ringannu imam, wuṛṛu padorongnga si tou manantunna manungku i'o napiate. See roote pangagillu sasamba ere suete nirolokki Musa, maola'a pananaunganna su taumata manungku i'o atonna-tonna napiate.”

WATTI'U MANGA RASUL 23:22

Tembonannu tantara udde nabbisara, “Arie pabbal᷊oa'a sisai-sai manungku i'o suete nangalae si ya'u.” See i tou nandolokku ana'a umbasanna udde niapaapul᷊e.

ROMA 15:4

Sarangkanambone apan nawoṛṛette sulal᷊ummu Wuke Susi udde ipannantiro si ite. Ana waugu al᷊aṛṛa'a apan nisengkammi ite wuassu Wuke Susi mammal᷊u si ite maola'a masabbare wuṛṛu matohassa na'oman sara i ite wotongnge mangngantimma Ruata.

1 KORINTUS 10:11

Sarangkanambone udde mariaddi si mangitou, maola'a tul᷊ada su manga taumata waine. Wuṛṛu sarangkanambone udde uawoṛṛetta lai, maola'a pananaunganna si ite. Ana waugu i ite orassa indi mabbiakka su tempo panginsueanne.