MARKUS 1:13 - WUKE SUSI WATTI'U AL᷊AL᷊USASSA

¹³ Appattu pul᷊o su allone i Tou isudde, wabono'annu Setanna. Manga winatangnga matengnga, isudde lai su sampunna ringanni Tou, wuṛṛu manga mala'ekatta sidutu lai mangngimbe si Tou.

MARKUS 1:13 Iomraidhean Croise

SASABANGNGA 24:18

Ana see i Musa sidutu sussa'a na'oman sara i tou sinumutta sulal᷊ummu winabbawa udde. Appatu pul᷊o su allone appatu pul᷊o su ṛabbine i Musa uatana'a isudde.

SASABANGNGA 34:28

Appatu pul᷊o su allone appatu pul᷊o su ṛabbine i Musa uatana'a isudde suadio'a ringannu Mawu, wuṛṛu su al᷊annune udde i tou tawe umanna wuṛṛu tawe ma'inumma. Manga wisara pa'aire udde, eteudde Mapul᷊o Titan Duata, niwoṛṛetti su watu.

MATIUS 26:53

Su naungngu i Ya'u tawe maarorongnga tul᷊unganna wuassi Iamangku, wuṛṛu i Tou ringannu mal᷊ihakka mandolokku mapul᷊o dua pia lebbene wageangngu tantara mala'ekatta?

MATIUS 4:1

Wua'udde Mawu Yesus niehettu Ghaṛṛahon Ruata watukku wadda'a, ana see iapawono'a su Setanna.

LUKAS 4:1

Mawu Yesus niintaṛṛoannu Ghaṛṛahon Ruata su tempo i Tou nanantangken Sal᷊ukku Yordan. Ghaṛṛahon Ruata nangehetta si Tou watukku wadda'a mal᷊alangnga.

TAHIUL᷊E 9:11

Ore, napawe nal᷊iute appatu pul᷊o su allone wuṛṛu aapatu pul᷊o su ṛabbine, Mawu nangonggolu darua watu pa'aire udde si ya'u.

TAHIUL᷊E 9:18

Ana see paassa lai ya'u niumal᷊intudda su saruannu Mawu su puiddu wowone al᷊annune appatu pul᷊o su allone wuṛṛu appatu pul᷊o su ṛabbine, tawe umanna ara'e ma'inumma. Udde ta'u niola'a ana waugu i yamiu buatte na'ola'a rosa su saruannu Mawu ringannu na'ola'a al᷊al᷊eo, na'omana sara i Tou nasa'u.

TAHIUL᷊E 9:25

I ya'u masingkatta Mawu pia pandumma mamate si yamiu. Ne su al᷊annune appatu pul᷊o su allone wuṛṛu appatu pul᷊o su ṛabbine i ya'u niumal᷊intudda su saruannu Mawu

1 TIMOTIUS 3:16

Taweddu saran sangkatou wotongnge massinaada, aroddi ahewalle addapingu agaman kite: I tou namasilon batanganne sulal᷊ummu lihiddu taumata, wuṛṛu niapaal᷊iatta'u Ghaṛṛahon Duata, see aellehannu manga mala'ekatta. Wattinge niapararingikka su wallatu manga walahanna, wuṛṛu i Tou apangimananna su ahewallu runia wuṛṛu niapaasengkenga su surga.

IBRANI 4:15

Imam Bahewalli ite udde wal᷊inewe imam apan tawe maapendama manga al᷊allomeng kite. Arawe i Tou suete niwono'anna sulal᷊ummu al᷊awo'u inolaanna, ere i ite lai sassane; tumba'u i Tou tawe na'ola'a rosa!