MANNANASE 9:2 - WUKE SUSI WATTI'U AL᷊AL᷊USASSA

² Atonna, pal᷊addu pabbiaṛṛannu suapan taumata: Taumata matul᷊idda ara'e lai taumata lal᷊eo, taumata mapia ara'e taumata lal᷊eo, taumata waresi ara'e lai taumata kotore, taumata apan mangngonggollu sasamba ara'e lai tawe. Taumata mapia tawe mallal᷊umannaana wuassu taumata apan marosa, taumata apan massalu uasul᷊ungngu ringannu taumata apan maddiri massalu.

MANNANASE 9:2 Iomraidhean Croise

PANDARIADDI 24:3

Passalute ringannu arannu Mawu, Ruata apan uataṛṛino langitta wuṛṛu runia, manungku i'o tawe madea'a awingngi Ishak ana'u wuassu wallatu manga taumatan Kanaan indi.

DARALO 73:3

ana waugu naungku lal᷊eo su taumata mawunga, sutempo i ya'u naasilo aauntungannu taumata lal᷊eo.

MANNANASE 2:26

Ruata nangonggollu apande, asingkatta wuṛṛu lal᷊umanna'a taumata apan maal᷊uassa naung-Nge. Arawe taumata marosa nirolokku Mawu mammanara maddea'a anna mangngombon hessine tadea'u itantilla su taumata apan maal᷊uassa naungngu Ruata. Nariaddi, sarangkanambone udde tawe gunane ere manara mangngenggenna anginna.

MANNANASE 3:19

Salaiwe ereapa lai, pal᷊adu pabbiaṛṛannu taumata wuṛṛu winatangnga uddewe uasul᷊ungnga. Iapa sambau sarun mate, aroddi lai iapa waine. Itarua udde suaddio'a riaddianna. Nariaddi taumata ta'e ma'untunganna wuassu winatangnga, ana waugu sitarua pabbiaṛṛanna udde tawe gunane.

MANNANASE 6:6

Wuṛṛu udde mappianne wuassu taumata apan nabbiakka dua ṛasutta su tonnane, arawe tawe naapendamma al᷊al᷊uassa. Wal᷊inewe itarua inai watukku tampa apan uasul᷊ungnga lai?

MANNANASE 7:18

Pangindauten olangnge darua tanginna. Amungkangngu i ite matta'uttu Ruata, i ite sarun maasomba apapia.

MANNANASE 7:2

Mapianne inai su wal᷊en taumata nate wuassu inai su tampan andeangnga. Ana waugu i ite ṛinone sidutu mannaungnga manungku papate uaṛṛaddo suapan taumata.

MANNANASE 9:11

Su runia indi piaddu lai apan ta'u niasiloanna: patatalumma tawe sidutu asombangannu tumatal᷊angnga mal᷊ihakka, pangalo tawe sidutu auntungannu taumata apan matohassa. Taumata pande tawe sidutu maasomba manarane. Taumata masiṛṛungnga tawe sidutu maasomba paa'ala. Wuṛṛu lai manga mapapande tawe sidutu tumelengnga. Ana waugu suapan taumata wotongnge aṛṛiaannu pal᷊addu pabbiaṛṛanna lal᷊eo.

MANNANASE 9:3

Nariaddi, pal᷊addu pabbiaṛṛanna apan uasul᷊ungnga lai sarun maṛṛia'a si mangitou sarangkanambone. Wuṛṛu udde sambau inolaanna apan maasusa ere lai al᷊awo'u arariaddianna su runia. Su al᷊o'engngu pabbiaṛṛanne naungngu taumata napenen al᷊al᷊eo, wuṛṛu ṛingiranne lai napenen awawoddo. Ana see inaṛṛombanganne i tou naasomba papatene.

YEREMIA 43:6

Esakka, wawine, al᷊aṛṛana'a, manga sinangianna apan nitantilli Nebuzaradan su lu'addi Gedalya, nasutta i ya'u wuṛṛu i Barukh, sarangkanambone niapidda su Mesir.

MALEAKHI 3:15

I ite maasilo sassane manungku manga taumata mawunga su lal᷊umanna'a. Taumata lal᷊eo tawe tumba'u mabbiakka su al᷊al᷊uassa, arawe amungkangngu i mangitou manal᷊u'atta asasabaren Duata ringannu ma'ola'a al᷊al᷊eo, i mangitou nal᷊iu lai.’ ”

MALEAKHI 3:18

Uma-U sarun maasilo apia ereapa paṛṛalane pal᷊addu taumata mapia wuṛṛu taumata lal᷊eo, suwallattu taumata apan mattaṛṛamawu si Ya'u wuṛṛu tawe.”

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

1 SAMUEL 14:26

arawe tawe saran sangkatou apan na'inumma pul᷊a udde, ana waugu matta'uttu aṛṛinoannu tatal᷊an Saul.