MANNANASE 9:15 - WUKE SUSI WATTI'U AL᷊AL᷊USASSA

¹⁵ Su soa udde pia sangkatou asiangnga apan pande. I tou wotongnge napanal᷊amatta soa udee. Arawe ana waugu i tou asingnga, sahadde lapiddu tinimbul᷊iananna wuṛṛu tawe saran sangkatou apan mannaungnga si tou.

MANNANASE 9:15 Iomraidhean Croise

PANDARIADDI 40:23

Arawe mangangimben ua'e udde tate naanaungnga si Yusuf. I tou mangke naabul᷊in tou.

2 SAMUEL 20:22

Ana see i tou inaite, wuṛṛu ringannu apandene namasingkattu pandumanne su tumana'u soa. Wua'udde puan Seba niponggo'a ana see niwareta si Yoab. Wua'udde i Yoab nattiuppa trompetta ne tantarane nanantangken soa udde ana see napul᷊ete su wal᷊ene sambau-sambau. I Yoab napul᷊ete lai watukku Yerusalem sinumaruanna ratu.

AMSAL 21:22

Taumata pande wotongnge mapangaṛṛo soa apan rariagannu tantara apan matohassa; i tou naṛṛa'an manga tanda'a watu apan ipangngasakki mangitou.

MANNANASE 2:16

Taumata woddo sarun mal᷊ihakka timbul᷊ianna, arawe taumata apan pia asingkatta lai tawe sidutu nannaunganna. Mal᷊annu-l᷊annu sarangkanambone sarun mawul᷊i wuassu naungnga. I ite sarangkanambone sarun mate, mawae taumata pande ara'e lai taumata longonna.

MANNANASE 4:13

Taumata asingnga wotongnge maola'a ratu, wuṛṛu sangkatou taumatan tuttupanna wotongnge uma'ianna su adderan araratuanna. Arawe napewe timmaddete ratu udde tumaniten woddo manarimmattu tatantiro, ne pal᷊addu pabbiaṛṛanne maddal᷊eoanna wuassu umbasanna asiangnga arawe pande.

MANNANASE 7:19

Asingkatta maaola'a tatahuanne lembon matohassa wuassu mapul᷊o tembonanne su sambau soa.

MANNANASE 8:10

Su paassa i ya'u naasilo taumata lal᷊eo nate wuṛṛu nilabbinga. Arawe sutempo manga taumata napul᷊e wuassu pallal᷊abbinge, i mangitou maddalo si tou su soa su tampa i tou ma'ola'a al᷊al᷊eo. Nariaddi, udde lai tawe gunane.