MANNANASE 9:12 - WUKE SUSI WATTI'U AL᷊AL᷊USASSA

¹² Taumata wagga tingngera tempone rumanta. Ere manu'u winalanganna nasongnganna wuṛṛu inassa nasomanna, aroddi lai taumata aṛṛiaannu asasilaka sutempo apan niawagananna.

MANNANASE 9:12 Iomraidhean Croise

DARALO 11:6

Taumata lal᷊eo niṛṛuuman-Ne ringannu asasilaka, ringannu putungnga, mal᷊elanga wuṛṛu anginna apan maaepodda.

AMSAL 24:22

Taumata ereudde wotongnge mate sulal᷊ummu sangkaṛṛondapa, ana waugu silaka apan niaparantan Duata ara'e ratu wal᷊ine hatto addio'a.

AMSAL 29:6

Taumata lal᷊eo niasongngannu sedda ana waugu rosane, taumata matul᷊idda uapendamma mal᷊ussa wuṛṛu lal᷊umanna'a.

AMSAL 6:15

Sarangkanambone udde maola'a silaka maṛṛia'a su watanganne ringannu mal᷊ihakka, wuṛṛu i tou mangke maṛṛimunsa'a.

MANNANASE 3:19

Salaiwe ereapa lai, pal᷊adu pabbiaṛṛannu taumata wuṛṛu winatangnga uddewe uasul᷊ungnga. Iapa sambau sarun mate, aroddi lai iapa waine. Itarua udde suaddio'a riaddianna. Nariaddi taumata ta'e ma'untunganna wuassu winatangnga, ana waugu sitarua pabbiaṛṛanna udde tawe gunane.

MANNANASE 8:11

Anio aroddi al᷊uanne taumata ma'ola'a al᷊al᷊eo? Ana waugu ṛuumanne tawe lapiddu ionggolla.

MANNANASE 8:8

Tawe saran sangkatou apan wotongnge manaṛṛangnga ara'e manoṛṛottu papatene. Udde manara apan tawe iaal᷊inda'i tou, i tou tawe maal᷊iu wuassi tou, salaiwe ringannu aalla wuṛṛu wawahia.

MANNANASE 9:13

Manansunna indi pia sambau sonto apan mapia ereapa taumata mangareggan asingkatta:

YESAYA 24:18

Taumata apan tumal᷊angngu watanganne wuassu pagahahio udde sarun umul᷊ussa sulal᷊ummu sedda, wuṛṛu taumata apan mal᷊iu wuassu sedda sarun asongnganna. Uranna masaddatta sarun mawambinna wuassu langitta, wuṛṛu rapappakku runia sarun umio'a.

YESAYA 30:13

Ana waugu udde i yamiu nassal᷊a. I yamiu naal᷊ihidda tanda'a matanggakka apan nawa'a wua doso naddatingngu wowane; ringannu sangkaṛṛondappa i yamiu sarun maṛṛa'a.

YEHEZKIEL 32:3

Sutempo manga walahanna uaammulla, i Ya'u sarun manametta si'o ringannu soma-U, wuṛṛu mamalan manga walahanna udde wol᷊engannu watukku ammaranne.

HOSEA 7:12

Arawe suapan i mangitou sumabbi, i Ya'u sarun mantaingngu sedda wuṛṛu manamentta si mangitou ere taumata manametta manu'u winalanganna. I Ya'u sarun makkuumanni mangitou ana manga al᷊al᷊eon mangitou apan buatte Tau niasingkatanna.

HOSEA 9:8

Ruata nandolo'u maola'a nabi tadea'u mapaanaungnga si yamiu uman-Ne, arawe watukku apa i ya'u inai, i yamiu maddea'a manongnga si ya'u ere manu'u winalanganna. Su wanua pussa'an Duata sassane, i yamiu manga nabi ipasseettu tumanangnge.

LUKAS 12:20

Arawe Ruata nabbisara si tou, ‘Ei taumata woddo! Ṛabbi indi lai i'o sarun mate, see isai sarun manahuanna paa'ala apan suete niammullu hunam badangngu?’

LUKAS 12:39

Paanaunge indi! Unnu wisara tatahuannu wal᷊e masingkatta orassa tingngera taṛṛa ta'o rumanta, i tou sarun mandiaga tadea'u taṛṛo ta'o udde tawe maasutta sulal᷊ummu wal᷊ene.

2 KORINTUS 6:2

Sulal᷊ummu Wuke Susi, Ruata nabbisara, “Su tempo apan ipaapulu, i Ya'u buatte naddaringikka Si'o, wuṛṛu su allon pananal᷊amatta, i Ya'u buatte nantul᷊ungngu.” Naunge paapia-pia, ete orassa indi tempo apan ipaapulu-U udde. Ete orassa indi tempone ipanal᷊amatta.

1 TESALONIKA 5:3

Amungkangu taumata mabbisara, “Sarangkanambone mal᷊annabba wuṛṛu matammudda,” ne ete su tempo udde inaṛṛombanganne i mangitou sarun aṛṛiaannu papate wuṛṛu tawe saran sangkatou apan wotongnge maatal᷊angnga. Olangnge udde sarun mariaddi sangkaṛṛondapa, ere taddu'u sangkatou wawine apan sarun mangunsiwe.

2 TIMOTIUS 2:26

Ringannu aroddi i mangitou maatutukke apia, wuṛṛu napallose wuassu seddan Setanna apan suete nangiitta si mangitou wuṛṛu mammata'i mangitou tumantalongnga apulune.

1 PETRUS 2:12

Pallal᷊agunu su wallatu taumata apan tawe maaillal᷊a Mawu ṛinone lembon mapia, na'oman sara napawe i mangitou mangngadio'a si yamiu ere taumata lal᷊eo, i mangitou lai sarun manga'u inolaannu apan mapia na'oman sara i mangitou sarun maddalo Ruata su allo daranta-Ne.

2 PETRUS 2:12

Arawe manga huru udde wal᷊ine hampa! I mangitou ere winatanga niasungkanga see sametanna wuṛṛu pateanna. I mangitou tawe maṛṛingidda, arawe tumba'u mammanara tuttuṛṛuta apulun naungnga, na'oman sara i mangitou mando'appa manga hatto apan tawe iasunna mangitou ringannu manga wisara aal᷊uandaga. Ana waugu udde wuassu manga pallal᷊agu mangitou sassane, i mangitou sarun mate ere manga winatangnga mal᷊aṛṛaga.