MANNANASE 9:10 - WUKE SUSI WATTI'U AL᷊AL᷊USASSA

¹⁰ Pammanarate al᷊awo'u manaranu ringannu anambon auatannu. Ana waugu sal᷊immurine tate lai ṛingiranna wuṛṛu manara. Tate apende wuṛṛu asingkatta su runian taumata nate. Wuṛṛu ete poiaroddi i'o sarun inai.

MANNANASE 9:10 Iomraidhean Croise

PANDARIADDI 37:35

Anambon anangnge, mawae esakka aroddi lai wawine nirumanta mallimbatta, arawe i tou tawe al᷊imbatanna. Wisarane, “Maddatingngu papate'u i ya'u sidutu lulluain ana'u.” Aroddite i tou sidutu lullal᷊o ana waugu anangnge.

1 TAWARIKH 22:19

Nariaddi, yamiu ṛinone mattaṛṛamawu Mawu Ruatanu ringannu ahewallu naungngu. Tattaṛṛa'e mapararisikku Wal᷊en Mawu, tadea'u Wantallu Pa'aire wuṛṛu anambon saranapa waine apan ipaatta mattaṛṛamawu wotongnge sahipunanna isudde.”

1 TAWARIKH 28:20

Wua'udde i Ratu Daud nabbisara apia si Salomo anangnge, “I'o ṛinone pia pangangimanna wuṛṛu awawaṛṛani. Panattakke mammanara udde wuṛṛu arie mata'uttu al᷊awo'u manga apa. Mawu Ruata apan ta'u sassubbanna sarun mantul᷊ungngu. I tou tawe manantangngu. I tou sidutu su sandiṛṛannu maddatingngu anambon manara udde muddussa.

NEHEMIA 2:12

Su al᷊annune udde i ya'u tawe namasingkatta sisai-sai manungku Ruata nangonggollu asingkatta si ya'u ipa'ola'a apia soa Yerusalem. Tiṛṛabine maranduma i ya'u napu'ote ana see nangahe manga pira hawe inai watukku liuddu soa. Wal᷊ine wuassu apan ta'u sasa'enna, i yami tawe nangapiddu winatangnga sasa'eanna wal᷊ine.

NEHEMIA 4:2

Su saruannu manga hawene wuṛṛu tantaran Samaria, i tou nabbisara, “Apa apan tantal᷊anna mammanarannu taumatan Yahudi silaka apan tawe maal᷊ore udde? Apa i mangitou mappulu mapararisikku soa indi apia? Sunnan mangitou manara udde wotongnge masue sulal᷊ummu allo massallo, tumba'u ringannu mangngonggollu sasamba? Apa ombon sapadda apan nepodde udde wotongnge olaanni mangitou manga watun darandungnga?”

NEHEMIA 4:6

Tantal᷊anna udde i yami sidutu mangngapia darandungnga udde, wuṛṛu tawe nal᷊annu ahewallu darandungnga udde nasue niola'a na'oman sara mattangnga atanggakke, ana waugu tumana'a mammanara ringannu naungnga wahewalla.

AYUB 10:21

Tate mal᷊annu lai i ya'u inaite wuṛṛu tate mabbelengnga apia, mattuddan banua apan marandumma wuṛṛu tumaniten mal᷊abbukka,

AYUB 10:22

wanua apan mal᷊abbukka, napenen linta'u wuṛṛu aal᷊iba'ukka, isudde asasemakka uasul᷊ungngu ararandumma.”

AYUB 21:13

Manga allone a'insueanna sulal᷊ummu lal᷊umanna'a, wuṛṛu i mangitou mate sulal᷊ummu paddarame.

DARALO 6:5

Pabbelengke, Mawu, wuṛṛu liuaawe i ya'u, sal᷊amatewe i ya'u ana waugu darangngu-Nu.

AMSAL 3:28

Ariewe mandolokku sansul᷊ungngu taumata maṛṛaddo sara tiṛṛabbi, amungkangngu su orassa udde lai i'o wotongnge mantul᷊ungnge.

MANNANASE 11:3

Watukkuapa punu alu udde maṛṛa'a, sidutu ta'e lai uawantangnga su tampa i tou naṛṛa'a. Napewe winabbawa pia ua'ene sara nasaddatta, ne uranna mangansalla su runia ringannu masassagga.

MANNANASE 11:6

Pangasi'en bualanna sutempo marua allo wuṛṛu arie pangillol᷊o sutempo ṛabbi. Ana waugu i ite wagga wualanna suapa apan mapia tatuwone. Asinungka darua udde tinumuwo ringannu mapia.

YESAYA 38:10

“Wisara'u, wakkute saṛṛen tumuwo i ya'u mapul᷊ete, manginsue lamben pabbiaṛṛangku su runian taumata nate.

YEREMIA 29:13

I yamiu sarun maddea'a si Ya'u wuṛṛu maasomba si Ya'u, ana waugu i yamiu maddea'a ringannu ahewallu naungnga.

REENGANNA 13:30

Arawe i Kaleb napaatammudu naungngu manga taumata apan sussal᷊iomanna si Musa. Unni Kaleb, “Wanua udde ṛinone pangaloanni ite wuṛṛu aṛṛoanni ite orassa indi lai ana waugu i ite lembon mattohassanna mamaddon mangitou.”

MATIUS 20:7

Manga taumata udde sinumimbakka, ‘Tawe taumata mapamanarang kami.’ ‘Amungkangngu aroddi,’ unnu tatahuannu wailla udde, ‘roote i yamiu pammanara su waillu anggore'u.’

MATIUS 6:33

Nariaddi paddea'e dorone tadea'u Ruata mamarenta sulal᷊ummu wiakku wuṛṛu tuṛṛutte apulu-Ne. Ne al᷊awo'u darotongnga waine lai sarun ionggolu Ruata si yamiu.

YOHANES 4:34

See Mawu Yesus nabbisara, “Angku eteudde tuttuṛṛutta apulun Tou apan nadolo-U, wuṛṛu mangnginsue manara apan tinantilli Tou si Ya'u.

YOHANES 5:4

Ana waugu wiasane mala'ekattu Mawu sussossokka su li'u udde wuṛṛu mangngio'u ua'ene. Wuṛṛu taumata marada'a apan paarorone umurumma sulal᷊ummu li'u udde su tempo ua'e rudal᷊ua'a, sarun mapia wuassu radangnge.]

YOHANES 9:4

Tantal᷊anna ta'e allo, i ite ṛinone mammanara manaran Tou apan nandolo-U. Ṛabbi sarun dumanta, wuṛṛu tawe saran sangkatou apan wotongnge maapammanara.

ROMA 12:11

Pammanarate ringannu maṛṛimadda. Arie mangkete wolo'a. Pammanara su Mawu ringannu atatohassa wuassu Ghaṛṛahon Ruata.

1 KORINTUS 15:10

Arawe ana waugu al᷊amattu Ruata, i ya'u naola'a lai ere olangnge i ya'u orassa indi. Wuṛṛu talawe tawe gunane Ruata nangampunga si ya'u. Ewe'e ete i ya'u mammanara maṛṛimadda wuassu anambo manga rasul waine. Arawe udde ṛinone wal᷊ine ya'u mattinsahadda, udde sahaddu Ruata apan marangngu si ya'u wuṛṛu mammanara suadio'a ringangku.

1 KORINTUS 16:10

Amungkangngu Timotius rumanta, sal᷊ohoi i tou ringannu mapia tadea'u i tou maapendama mal᷊uassa matana'a ringanni yamiu ana waugu i tou ere lai ya'u mammanara manara Mawu.

1 KORINTUS 9:24

Tuṛṛangnga lai masingkatta manungku sulal᷊ummu tandinganna anambon matatalumma tuttal᷊angnga, arawe tumba'u sangkatou manengkamma lal᷊antake. Ana waugu udde tal᷊angke aroddi apiane, ma'oman sara i'o maasengkamma lal᷊antake.

1 KORINTUS 9:26

Ana waugu udde i ya'u tuttal᷊angnga ringannu tudda apan natantunna. Ere su tandingannu uaa'o'a, i ya'u tawe walate ao'ane.

EFESUS 5:16

Paahuna'a mapia-pia tempo apan tatahuanannu, ana waugu tempo indi tempo apan lal᷊eo.

KOLOSE 3:23

Al᷊awo'u manara apan nionggolla si yamiu, ṛinone manaranni yamiu ringannu ahewallu naungnga, paṛṛimaunnapa eteudde Mawu apan a'imbeanni yamiu, wuṛṛu wal᷊ine tumba'u taumata.

1 SAMUEL 10:7

Napawe sarangkanambone udde matipusse, ola'e manara tumuṛṛuttu apendammu mapia, ana waugu Ruata uaṛundinganna si'o.