MANNANASE 9:1 - WUKE SUSI WATTI'U AL᷊AL᷊USASSA

¹ Sarangkanambone udde ta'u niṛṛingidda ringangu maaddunna. Ruata mangngatokku pabbiaṛṛannu taumata apan mapia wuṛṛu pande, ewe'e lai amungkangngu taumata udde maddantinna ara'e mandangngu. Taweddu masingkatta apa apan sarun mariaddi su allon sal᷊immurine.

MANNANASE 9:1 Iomraidhean Croise

AYUB 12:10

I Tou mangngatokku wiakku al᷊awo'u riaddianna su runia; I Tou uataṛṛino niawan anambon taumata.

AYUB 27:12

Arawe, i yamiu sarangkanambone buatte naasilo sassane. Nariaddi, anio i yamiu nangonggollu tatantiro apan tawe mangal᷊ene?”

AYUB 5:8

Amungkangngu i ya'u erete i'o udde su Ruata i ya'u sumal᷊ande. Ete si Tou i ya'u sarun mangalae, lapiddu manantillu hatto'u.

DARALO 10:14

Arawe I'o naasilo si tou; I'o ua'ellega asasusa wuṛṛu asasansara, wuṛṛu sidutu uasaddia mantul᷊ungnga. Taumata apan lome nanantillu watanganne su Mawu, I'o sidutu mantul᷊ungngu taumata asiangnga.

DARALO 119:109

Niawa'u sidutu maola'a wataṛṛu, arawe i ya'u tawe maabul᷊in tita-Nu.

DARALO 31:5

Pallosaawe i ya'u wuassu sedda apan nitaingnga si ya'u, ana waugu ete I'o tampa i ya'u uasirungnga.

DARALO 73:3

ana waugu naungku lal᷊eo su taumata mawunga, sutempo i ya'u naasilo aauntungannu taumata lal᷊eo.

AMSAL 16:3

Pangimana'e su Mawu anambon hol᷊agu, ne i'o sarun wotongnge maaola'a.

MANNANASE 1:17

Ne mappandumma tadea'u maasingkatta paṛṛalane suwallattu asingkatta wuṛṛu awawoddo, suwallattu apande wuṛṛu al᷊allongonna. Arawe inauranna i ya'u indi tumba'u ere mangngenggenna anginna.

MANNANASE 10:14

Atonna, taumata woddo mangke matal᷊imoṛṛongana. Allo addantane uawuni si ite sarangkanambone. Taweddu wotongnge maramallu arariaddianna napawe i ite natete.

MANNANASE 7:15

Pabbiaṛṛangku tawe gunane, arawe su al᷊o'engngu pabbiaṛṛangku udde i ya'u naasilo ere manansunna indi; Pataṛṛa assa taumata mapia mate salaiwe i tou ma'imanna. Pataṛṛa assa taumata lal᷊eo uukke mal᷊o'engnga, salaiwe i tou sidutu ma'ola'a rosa.

MANNANASE 7:25

Arawe i ya'u maṛṛimadda massal᷊umma wuṛṛu maddea'a apande, tadea'u maasomba asingkatta wuṛṛu sasimbakku al᷊awo'u aiwal᷊o, I ya'u maannamma massunna manungku rosa udde awawoddo, wuṛṛu al᷊al᷊eo uddewe ipaapulu.

MANNANASE 8:14

Arawe sarangkanambone udde mangke awusu atonna. Pa'ellege apa apan tantal᷊anna nariaddi su runia: Pia taumata ma'imanna apan niṛṛuumanna ere taumata lal᷊eo, pia taumata lal᷊eo apan nionggol᷊annu hadiah ere taumata ma'imanna. Nariaddi, udde lai sia-sia.

MANNANASE 8:16

Sutempo i ya'u mattinsahadda maddea'a asingkatta, wuṛṛu i ya'u mannutukka al᷊awo'u arariaddianna su runia indi, ne i ya'u naatutukke manungku salaiwe i ite mattinsahadda allo ṛabbi ringangu tawe mangillol᷊o,

MANNANASE 8:7

Tawe saran sangkatou masingkatta pal᷊addu pabbiaṛṛanna ereapa apan uaṛṛaddo, wuṛṛu taweddu wotongnge mabbisara apa apan sarun mariaddi.

MANNANASE 9:6

Apendamma mandangngu, maddantinna see apulune sarangkanambone mate suaddio'a ringanni tou. I tou tate lai manganu wageangnge apa-apa su al᷊awo'u arariaddianna su runia.

YESAYA 26:12

Mawu, I'o sarun ma'ola'a si yami su lal᷊umanna'a; sarangkanambone apan mammanaranni yami, ete I'o apan mangngaṛṛa'u udde si yami.

YEREMIA 43:6

Esakka, wawine, al᷊aṛṛana'a, manga sinangianna apan nitantilli Nebuzaradan su lu'addi Gedalya, nasutta i ya'u wuṛṛu i Barukh, sarangkanambone niapidda su Mesir.

TAHIUL᷊E 33:3

Atonna, Mawu marangngu walahan-Ne I Tou mallu'adda anambon taumata apan naola'a pussa'a-Ne. Wette i ite umal᷊intudda su saruannu ledda-Ne wuṛṛu tumuṛṛutta manga parenta-Ne.

2 TIMOTIUS 1:12

Ana waugu udde i ya'u natataṛṛangu sarangkanambone indi, arawe i ya'u sidutu mangngimanna, ana waugu i ya'u masingkata atonna, isai apan pangimanangku. I ya'u mangantimma manungku apa apan suete nitantilli Tou si ya'u, i Tou lai wotongnge maariaga udde saran Allon Kiamatta.

1 PETRUS 1:5

Sarangkanambone udde ionggola si yamiu, ana waugu i yamiu mangngimanna Ruata. Ne i yamiu rariagannu taṛṛinon Duata tadea'u i yamiu manengkamma asasal᷊amatta apan nasaddiate iapaal᷊iatta'a su allo pangudusanne.

1 SAMUEL 2:9

Taumata matuṛṛutta sidutu matammudda sulal᷊ummu sasirungngu Mawu. Arawe al᷊al᷊eo natete naṛṛimunsa'a sulal᷊ummu ararandumma wuṛṛu wasa tu'udda. Atatohassa sassane tawe iawansaga atatohassu taumata tawe maapangonggolu auntunganna.