MANNANASE 7:18 - WUKE SUSI WATTI'U AL᷊AL᷊USASSA

¹⁸ Pangindauten olangnge darua tanginna. Amungkangngu i ite matta'uttu Ruata, i ite sarun maasomba apapia.

MANNANASE 7:18 Iomraidhean Croise

AMSAL 12:21

Taumata mapia sarun tawe aṛṛiaannu asasilaka; taumata lal᷊eo mangke aaṛṛiaannu asasusa.

AMSAL 8:20

I ya'u uatantuṛṛutta lal᷊annu atatul᷊idda, i ya'u lullempangnga su lal᷊annu apapia.

MANNANASE 11:6

Pangasi'en bualanna sutempo marua allo wuṛṛu arie pangillol᷊o sutempo ṛabbi. Ana waugu i ite wagga wualanna suapa apan mapia tatuwone. Asinungka darua udde tinumuwo ringannu mapia.

MANNANASE 12:13

Napewe sarangkanambone buatte ta'u niṛṛingidda, eteindi aunne apan ta'u niasombanganna. Ata'utten Duata wuṛṛu tuṛṛutte al᷊awo'u parenta-Ne. ana waugu tumba'u udde taumata niriaddi-Ne.

MANNANASE 3:14

I ya'u masingkatta manungku al᷊awo'u manaran Duata siditu sarun mal᷊annu-l᷊annu. Taumata tawe maatamba ara'e maahaingnga. Wuṛṛu mammanara aroddi tadea'u i ite mata'utti Tou.

MANNANASE 5:7

Arie tumiangnga maasilo tembonanne mangngallangnga taumata asiangnga, mangngaṛṛo pussa'an mangitou wuṛṛu tawe mangongnggolla si mangitou atatul᷊idda. Suapan mamanara lal᷊u'arannu tembonanne wuṛṛu itarua lal᷊u'arannu tembonanne apan mattaggaṛṛanna pangkanne.

MANNANASE 8:12

Salaiwe maṛṛasutta al᷊al᷊eo a'olaannu sangkatou marosa, i tou sidutu mabbiakka ewe'e lai uukke mal᷊o'engnga. Naudde, isai apan matuṛṛutta Ruata, al᷊awo'u pabbiaṛṛanne mangke mal᷊uassa.

MANNANASE 8:13

Arawe mawal᷊i'a taumata lal᷊eo maasomba manambo asasusa. Pabbiaṛṛanne mal᷊ihakka mal᷊iudda ere lintau. I tou sarun mate ta'e saṛṛen tumuwo ana waugu i tou tawe matuṛṛutta su Mawune.

YEREMIA 32:40

I Ya'u sarun ma'ola'a paaire apan tawe pattaal᷊anne ringanni mangitou. I Ya'u tawe mangillol᷊o ma'ola'a apapia si mangitou. I Ya'u sarun ma'ola'a si mangitou matta'utta wuṛṛu maaddatta si Ya'u ringannu ahewallu naungnga tadea'u i mangitou tawe mangindau-U.

MALEAKHI 4:2

Arawe si yamiu apan matuṛṛutta si Ya'u, taṛṛino-U apan mannal᷊amatta sarun sumabbangnga ere matannallo, wuṛṛu semakke mangngapiddu apapia. I yamiu sarun mapallossa wuṛṛu lumuassa ere ana'u sapi apan wakku niapasabbangnga wuassu tatandange.

LUKAS 1:50

Papapulunna sansunannu papapulunna Mawu napaal᷊iatta'u darangngu-Ne su taumata apan matta'un-Ne.

LUKAS 11:42

Nasilakate i yamiu manga taumatan Farisi! Wuan sinuanannu ere salasih wuṛṛu inggu wuṛṛu rampa-rampa waine, i yamiu mangngagillu sambageanganna su Ruata, arawe atatul᷊idda wuṛṛu darangngu su Ruata tawe ia'ola'i yamiu. Sumbal᷊i eteudde ṛinone olaanni yamiu, ringannu tawe manantangngu atoranna waine lai.