MANNANASE 7:14 - WUKE SUSI WATTI'U AL᷊AL᷊USASSA

¹⁴ Nariaddi, lalluasse amungkangngu i'o tantal᷊anna su lal᷊umanna'a. Arawe amungkangngu i'o niaṛṛiannu asasilaka, arie paabbul᷊iane manungku Ruata nangonggollu darua udde. I ite wegga apa apan sarun mariaddi manansunna.

MANNANASE 7:14 Iomraidhean Croise

1 MARARATU 8:47

antimanna I'o maddaringikka aal᷊iomanni mangitou. Amungkangngu su wanua udde i mangitou manantangngu manga rosa mangitou, wuṛṛu umal᷊iomanna Si'o lapiddu manga'u manungku i mangitou buatte na'ola'a al᷊al᷊eo, daringiṛṛewe aal᷊iomanni mangitou, oh Mawu.

AYUB 2:10

Sasimbakki Ayub, “I'o mabbisara naal᷊ihidda taumata longonna! Ṛatadde i ite tumba'u mappulu manengkamma apa apan apianne wuassu Ruata, wuṛṛu al᷊eoanne i ite maddiri?” Nariaddi, salaiwe i Ayub uapasanna anambon asasilaka udde, i tou tawe mapasabbangngu wisara apan lullawangnga Ruata.

DARALO 119:71

Atonna mappianne I'o makkuumangku, tadea'u i ya'u maaillal᷊a manga tita-Nu.

DARALO 40:3

I Tou namatunna si ya'u wuassu loṛṛangnga apan maasilaka, wuassu labbon lota. I Tou nangaddo'u su wowon wuiddu watu, na'oman sara lempangku naatokka.

MANNANASE 10:14

Atonna, taumata woddo mangke matal᷊imoṛṛongana. Allo addantane uawuni si ite sarangkanambone. Taweddu wotongnge maramallu arariaddianna napawe i ite natete.

MANNANASE 11:9

Paata'e temponu dario'a, ei umbasanna! Lalluasse tantal᷊anna i'o ta'e saṛṛentumuwo. Loṛṛoite al᷊awo'u hol᷊aggu ṛimuuddu, amata'e anambon apulun naungngu. Arawe naunge, Ruata apan su surga, sarun makkuungngu anambon manaranu.

MANNANASE 12:13

Napewe sarangkanambone buatte ta'u niṛṛingidda, eteindi aunne apan ta'u niasombanganna. Ata'utten Duata wuṛṛu tuṛṛutte al᷊awo'u parenta-Ne. ana waugu tumba'u udde taumata niriaddi-Ne.

MANNANASE 12:8

Wisara'u, atonna sarangkanambone udde tawe gunane, sarangkanambone tawe gessine, tawe atappasanne.

MANNANASE 3:22

Ana waugu udde i ya'u naatutukke manungku taweddu mappianne su taumata wuassu mattemma hessin manarane. Wal᷊ine wua isudde taweddu apan wotongnge olaanne. Tawe mariaddi i tou maasingkatta apa apan sarun mariaddi napawe i tou natete.

MANNANASE 3:4

Ruata nanantunnu tempo lumuai wuṛṛu tempo lullagge, tempo sussangitta wuṛṛu tempo massal᷊aingnga,

MANNANASE 5:17

Ne i ya'u naasunnate manungku apa apan apianne si ite tumba'u anna, ua'e wuṛṛu mattemma hessin inasaharanni ite su al᷊o'engngu paabiaṛṛanna maautta apan nionggollu Ruata si ite; eteudde pal᷊addu paabbiaṛṛanni ite.

MANNANASE 8:7

Tawe saran sangkatou masingkatta pal᷊addu pabbiaṛṛanna ereapa apan uaṛṛaddo, wuṛṛu taweddu wotongnge mabbisara apa apan sarun mariaddi.

MANNANASE 9:7

Wette, ante wuṛṛu lalluasse, pa'inumpe anggore ringannu lullala'a. Ruata tawe mamulo, ewe'e i tou lai mandolokka.

YESAYA 26:11

Mawu, I'o nasaddiate makkuumannu seen-Nu, arawe i mangitou waggate. Wala'ewe i mangitou masili maasilo darangngu-Nu su uman-Nu. Wala'ewe i mangitou masue maṛṛadda'a ringannu ṛuumanna apan buatte nisaddia-Nu si mangitou.

YESAYA 42:25

Ne i Tou na'ola'a si ite maapendamma asasa'u-Ne apan bahewalla, wuṛṛu uatataṛṛangnga susa ana waugu pangalo apan masaddatta. Asasa'u-Ne mannoṛṛobba su Israel naal᷊ihidda putungnga, arawe i ite tawe maatutukka, wuṛṛu tawe mapangurumma wuassu ola'u pabbiaṛṛanni ite.

YEREMIA 23:20

Asasa'u-Ne tawe umompo'a tantal᷊anna sarangkanambone apan niṛṛiinne taambe niola'a. Su allo addantane umattu Mawu sarun maasunna olangnge udde ringannu matualaga.”

LAL᷊ALLU 3:38

Apapia wuṛṛu al᷊al᷊eo niapaamatta tumba'u su parentan Mawu.

MIKHA 6:9

Apan lembon apianne eteudde matta'uttu Mawu. I Tou nabbisara su tumana'u soa, “Paddaringikke, ei i yamiu apan uasemodda su soa!

MATIUS 9:13

Ṛingiṛṛa'o apa atappasannu wageangngu Wuke Susi indi: ‘I Ya'u mappandumma darangngu, wal᷊ine sasamba wuassu winatangnga’. Ana waugu i Ya'u nirumanta wal᷊ine mamaggo taumata apan massunna ririne mapiate, ewe'e taumata apan sassunanna maṛṛusal᷊a.”

WATTI'U MANGA RASUL 14:22

Su manga soa udde i mangitou mannohassa naungngu mallal᷊aṛṛenggennu Mawu Yesus wuṛṛu mannantiro mallal᷊aṛṛenggenna udde tadea'u sidutu mangngimanna Mawu Yesus. “I ite ṛinone matataṛṛangnga rorone, wakkute udde i ite wotongnge mamendamma al᷊al᷊uassa su Runian Wakku Ruata,” aroddi manga rasul udde mangngaṛṛa'a manga mallal᷊aṛṛenggennu Mawu Yesus su soa udde.

TAHIUL᷊E 26:11

Pa'adiangkamante su al᷊awo'u wiakka apan nionggolu Mawu Ruatanu si yamiu wuṛṛu su amonannu. Aheite taumatan Lewi wuṛṛu taumata raho apan uatana'a suwallati yamiu apan uatantalongnga sulal᷊ummu ramea udde.

TAHIUL᷊E 28:47

I yamiu buatte nial᷊amatannu Mawu Ruatanu sulal᷊ummu al᷊awou manaranu, arawe i yamiu maddiri mattaṛṛamawu si Tou ringannu naungnga matul᷊idda wuṛṛu mal᷊uassa.

TAHIUL᷊E 8:3

I tou mamalan kamiu niamal᷊unusanna, ana see i tou nangonggolu manna iapaanna si yamiu. I yamiu wuṛṛu al᷊amonanu taambe niumanna anna udde paarorone. Mawu na'ola'a aroddi tadea'u ipangaṛṛa'a si yamiu manungku taumata tawe tumba'u mabbiakku anna sassane; ewe'e wuassu al᷊awo'u wisaran Mawu.

TAHIUL᷊E 8:5

Naungete, manungku Mawu Ruatanu mannantiro si yamiu naal᷊ihidda iamangnga mannantiro anangnge.

YAKOBUS 5:13

Amungkangu su wallatti yamiu pia sangkatou apan tantal᷊anna massusa, ṛinone i tou umal᷊iomanna. Amungkangu piaddu lulluassa, ṛinone i tou mangantari maddalo Ruata.