MANNANASE 6:2 - WUKE SUSI WATTI'U AL᷊AL᷊USASSA

² Pattaṛṛa paassa Ruata mangonggollu paa'ala, aaddatta wuṛṛu darotongnga su sangkatou, na'oman sara tateddu lai apan ipaapulune. Arawe Ruata tawe namalan tou mappaattu anambon aonggolla udde. Arawe nawal᷊i'a, taumata apan awaganan-Ne sarun mappaattu paa'ala udde. Nariaddi, sarangkanambone udde tawe gunane wuṛṛu maasusa.

MANNANASE 6:2 Iomraidhean Croise

1 MARARATU 3:13

Ewe'e lai apa apan tawe nirorongannu lai sarun Ta'u ionggola si'o; su al᷊o'engngu pabbiaṛṛamnnu i'o sarun maala wuṛṛu a'addatanna nangillembo wuassu al᷊awo'u ratu waine suapan tampa.

1 TAWARIKH 29:25

Mawu na'ola'a anambon tumanangnge tinumiangnga si Ratu Salomo wuṛṛu na'ola'a si tou ratu apan lembon matohassa wuassu anambon datu apan buatte namarenta Israel.

1 TAWARIKH 29:28

I tou ala wuṛṛu a'addatanna wuṛṛu nate timmadete. I Salomo anangnge naola'a ratu nallol᷊ossa si tou.

2 TAWARIKH 1:11

Ruata sinumimbakka si Salomo, “Darorongngu udde mapia. I'o tawe naddorongnga paa'ala ara'e darotongnga ara'e aaddata ara'e papaten manga seennu ara'e uukka mal᷊o'engnga su waddangngu sassane, ewe'e apande wuṛṛu asingkatta ipamarenta al᷊aṛṛana-U apan buatte Ta'u itantilla si'o.

DARALO 17:14

Liuaawe i ya'u wuassu manga taumata apan mangngundu'u darotongngu runia. Ṛuumana'ewe i mangitou ringannu asasilaka apan buatte nissadia-Nu si mangitou. Wala'ewe ana'a papapulunni mangitou iṛṛuumanna lai.

DARALO 39:6

Aroddi al᷊ihakke I'o nanantunnu auuṛṛangku! Ete Si'o al᷊o'engngu pabbiaṛṛangku tawe gunane. Atonna, taumata naal᷊ihidda sasabbangu singangu,

DARALO 73:7

Wuassu naungngi mangitou sinumabbanga al᷊al᷊eo; i mangitou tawe illol᷊one ringannu hol᷊aga lal᷊eo.

MANNANASE 4:4

I ya'u masingkatta lai manungku taumata mammanara aroddi asahadde, tumba'u ana waugu naungnge lal᷊eo maasilo hessin manaran al᷊indonganne. Sarangkanambone udde atonna tawe gunane ere manara mangngenggenna anginna.

MANNANASE 4:8

Pia taumata apan mabbiakka sassane tawe ana'a, ara'e lai tuṛṛangnga. Salaiwe aroddi, i tou sidutu mammanara masahadda wuṛṛu naungnge tawe saran paasa mal᷊uassa ringangu darotongnge. Ionggolla sisai i tou tumaniten mattinsahadda wuṛṛu mannola'u al᷊awo'u lal᷊umanna'a? Udde lai tawe gunane, wuṛṛu sambau ola'u pabbiaṛṛanna apan susa.

MANNANASE 5:13

Arawe darotongnga udde nawul᷊i ana sambau asasilaka, na'oman sara taweddu itantilli tou su manga anangnge.

MANNANASE 5:16

Su al᷊o'engngu pabbiaṛṛanna, i ite uasasaṛṛipo sulal᷊ummu ararandumma, i ite mattinsahadda, sussinggawangnga, massa'u wuṛṛu pia tuddu'u naungnga.

MANNANASE 5:18

Amungkangngu sangkatou manengkamma paa'ala wuṛṛu darotongnga wuassu Ruata, wuṛṛu iwala mappaattu paa'ala udde, i tou ṛinone maadiangkamanna wuṛṛu mattemma al᷊awo'u hessin manarane. Udde lai aonggollu Ruata.

MANNANASE 5:19

Ruata namene naungngu taumata udde ringannu al᷊al᷊uassa, ne i tou tawe suminggawangnga maṛṛingiddu ola'u pabbiaṛṛanna apan maautta indi.

YESAYA 55:2

Apa hunane mamalli sambau saranapa apan tawe maal᷊uassa naungnga, wuṛṛu mammanara hunan apa apan tawe maal᷊aidda? Tuṛṛutte parenta-Ku, ne i yamiu sarun umanna anna apan mapia, wuṛṛu mattemma anna uaimbe apan matemangnga.

LAL᷊ALLU 5:2

Pussa'an kami nanawote su liman taumata waine, manga wal᷊en kami niatanaannu taumata lo'a.

DANIEL 5:18

Ruata Apan Atanggaṛṛanne na'ola'a si Nebukadnezar, Iamangngi Tuangku nabbal᷊i ratu mawantuga wuṛṛu nangonggolla si tou ahahewalla wuṛṛu atatelengnga.

HOSEA 7:9

I mangitou tawe maatutukka manungku ete ana waugu pasasanggaal᷊oma ringannu manga walahanna udde, ne nawul᷊ite atatohassi mangitou. Panginsuenannu pabbiaṛṛanni mangitou maranite, arawe i mangitou wagga.

TAHIUL᷊E 28:33

Walahanna raho sarun manahuanna anambon hessin leta'a apan niasombanganni yamiu ringannu mammanara masahadda, arawe i yamiu sassane tawe maasomba manga apa tumba'u sidutu naiola'a allangnga wuṛṛu papparentanna ringannu maṛṛagissa.

TAHIUL᷊E 28:43

Manga taumata raho apan uatana'a su wanuanu sarun lembon mattohassa, arawe atatohannu lembon magaingnga.