6 Asinungka udde atonna, arawe mappianne darotongnga addio'a rarundinganannu atatammuddu naungnga wuassu mammanara masahadda mappaattu ta'iakka darua wuṛṛu mangngenggenna anginna.
Saranapa addio'a apan tatahuannu taumata mapia maareganna wuassu paa'alan taumata lal᷊eo.
Mappianne asombangnga matul᷊ungnga sulal᷊ummu atatul᷊idda, wuassu asombangnga rial᷊u ringannu mallinga.
Mappianne sangkawo'o nasi rarundinganannu paddarame, wuassu anna matemangnga manambo arawe rarundinganannu pattatiakka.
I ya'u buatte naasilo al᷊awo'u inolaannu taumata su runia indi. Pangimante, sarangkanambone udde tawe gunane, ere manara mangangenggenna anginna.
Ne mappandumma tadea'u maasingkatta paṛṛalane suwallattu asingkatta wuṛṛu awawoddo, suwallattu apande wuṛṛu al᷊allongonna. Arawe inauranna i ya'u indi tumba'u ere mangngenggenna anginna.
Ta'e pia lai apan tawe gunane sulal᷊ummu pabbiaṛṛanna indi.