MANNANASE 4:4 - WUKE SUSI WATTI'U AL᷊AL᷊USASSA

⁴ I ya'u masingkatta lai manungku taumata mammanara aroddi asahadde, tumba'u ana waugu naungnge lal᷊eo maasilo hessin manaran al᷊indonganne. Sarangkanambone udde atonna tawe gunane ere manara mangngenggenna anginna.

MANNANASE 4:4 Iomraidhean Croise

PANDARIADDI 26:14

Taumatan Filistin naungnge lal᷊eo si tou ana waugu i tou uatahuanna manambo allangnga, ammul᷊annu domba wuṛṛu sapi.

PANDARIADDI 31:1

I Yakub naaringikka al᷊aṛṛana'i Laban nabbisara arendi, “I Yakub buatte nanganu al᷊awo'u darotongngu iamangngi ite. Anambon pa'a'alane punnene wuassu darotongngu iamangngi ite.”

AMSAL 27:4

Asasa'u udde maṛṛaggissa wuṛṛu maasongkakka, arawe sumaruanna lu'adda isai maataṛṛangnga?

MANNANASE 1:14

I ya'u buatte naasilo al᷊awo'u inolaannu taumata su runia indi. Pangimante, sarangkanambone udde tawe gunane, ere manara mangangenggenna anginna.

MANNANASE 1:17

Ne mappandumma tadea'u maasingkatta paṛṛalane suwallattu asingkatta wuṛṛu awawoddo, suwallattu apande wuṛṛu al᷊allongonna. Arawe inauranna i ya'u indi tumba'u ere mangngenggenna anginna.

MANNANASE 2:21

Ana waugu taumata mammanara maṛṛimadda ringangu nappaattu al᷊awo'u asingkatta, apande wuṛṛu apapian manarane su ipaddea'a sambau saranapa. Arawe panginsueanne i tou ṛinone manantangngu liaha pinaddea'a saranapa udde. Nariaddi, udde lai tawe gunane, wuṛṛu lai atonna udde tawe su atatul᷊idda!

MANNANASE 2:26

Ruata nangonggollu apande, asingkatta wuṛṛu lal᷊umanna'a taumata apan maal᷊uassa naung-Nge. Arawe taumata marosa nirolokku Mawu mammanara maddea'a anna mangngombon hessine tadea'u itantilla su taumata apan maal᷊uassa naungngu Ruata. Nariaddi, sarangkanambone udde tawe gunane ere manara mangngenggenna anginna.

MANNANASE 4:16

Tumana'a apan nipiaṛṛangnge wotongnge mariaddi tawe iareengnga anambone, arawe napawe i tou tate baddi'a, taweddu saran sangkatou apan maadiangkamana ara'e mannaungnga inasaharanne. Atonna, sarangkanambone sia-sia ere manara mangngenggenna anginna.

MANNANASE 6:11

Mallannu i tou sussimbakka, lembon tate atappasanne manga wisarane, ewe'e lai i tou tawe naasomba auntunganna apa-apa.

MANNANASE 6:9

Sarangkanambone udde tawe gunane manara mangngenggenna anginna. Mappianne i ite mal᷊uassa ringannu apa apan piate si ite sul᷊ungnge maapulu lembon anamboanne lai.

MATIUS 27:18

I Pilatus nabbisara aroddi ana waugu i tou masingkatta manungku manga tembonannu Yahudi nanantillu Mawu Yesus si tou ana waugu i mangitou tawe mal᷊uassa si tou.

WATTI'U MANGA RASUL 7:9

Manga iamangngu al᷊amonang kite udde massa'u si Yusuf, na'oman sara i mangitou nabal᷊u'i tou naola'a allangnga su Mesir. Arawe Ruata sidutu uatantalongnga si tou,

YAKOBUS 4:5

Arie massunna manungku Wuke Susi tawe pinangiananne mabbisara, “Sulal᷊ummu wadangi ite Ruata nangaddon Ghaṛṛaho apan matohassa apulune.”

1 YOHANES 3:12

Ariewe i ite ere Kain, apan naola'a ana'u Setanna wuṛṛu namate tuṛṛangnge sassane. Anio Kain namate tuṛṛangnge? Ana waugu manga inolaanna apan niolange udde nassal᷊a, arawe inolaannu tuṛṛange udde naṛṛino.