MANNANASE 3:19 - WUKE SUSI WATTI'U AL᷊AL᷊USASSA

¹⁹ Salaiwe ereapa lai, pal᷊adu pabbiaṛṛannu taumata wuṛṛu winatangnga uddewe uasul᷊ungnga. Iapa sambau sarun mate, aroddi lai iapa waine. Itarua udde suaddio'a riaddianna. Nariaddi taumata ta'e ma'untunganna wuassu winatangnga, ana waugu sitarua pabbiaṛṛanna udde tawe gunane.

MANNANASE 3:19 Iomraidhean Croise

2 SAMUEL 14:14

I ite sarangkanambone sarun mate; i ite indi naal᷊ihidda ua'e apan nabboso su leta'a wuṛṛu tate iaammulla apia. Ruata lai tawe mapaawiakku taumata apan natete; ana waugu udde ṛinone doronganna i Tuangku maṛṛingida tadea'u taumata niwuangnga udde sarun mapul᷊e apia.

DARALO 104:29

Napawe I'o manaile, i mangitou nata'utta; napawe I'o manganu sasangngone, i mangitou mate, wuṛṛu mawelengnga mabbal᷊i awu ere paarorone.

DARALO 49:12

I mangitou sarun matana'a su labbinga sarangkal᷊o'engnge; eteudde pamanuanni mangitou sarangkal᷊o'engnge, salaiwe dorone i mangitou uatahuanna manambo leta'a.

DARALO 49:13

Taumata tawe maawiakka sidutu sulal᷊ummu paa'ala; naal᷊ihidda winatangnga, i tou lai sarun nate.

DARALO 49:20

i tou sarun matuṛutta iupungngu al᷊amonane lai watukku tampa apan marandumma saran mal᷊annu-l᷊annu.

MANNANASE 1:14

I ya'u buatte naasilo al᷊awo'u inolaannu taumata su runia indi. Pangimante, sarangkanambone udde tawe gunane, ere manara mangangenggenna anginna.

MANNANASE 1:17

Ne mappandumma tadea'u maasingkatta paṛṛalane suwallattu asingkatta wuṛṛu awawoddo, suwallattu apande wuṛṛu al᷊allongonna. Arawe inauranna i ya'u indi tumba'u ere mangngenggenna anginna.

MANNANASE 2:14

Taumata pande wotongnge maasilo tampa apan tuddanne; taumata woddo ere u'amatta uasasaṛṛipo.” Arawe i ya'u masingkatta lai manungku paladdu pabbiṛṛanna apan uasul᷊ungnga sarun maṛṛia'a si mangitou sarangkanambone.

MANNANASE 2:16

Taumata woddo sarun mal᷊ihakka timbul᷊ianna, arawe taumata apan pia asingkatta lai tawe sidutu nannaunganna. Mal᷊annu-l᷊annu sarangkanambone sarun mawul᷊i wuassu naungnga. I ite sarangkanambone sarun mate, mawae taumata pande ara'e lai taumata longonna.

MANNANASE 7:2

Mapianne inai su wal᷊en taumata nate wuassu inai su tampan andeangnga. Ana waugu i ite ṛinone sidutu mannaungnga manungku papate uaṛṛaddo suapan taumata.

MANNANASE 9:12

Taumata wagga tingngera tempone rumanta. Ere manu'u winalanganna nasongnganna wuṛṛu inassa nasomanna, aroddi lai taumata aṛṛiaannu asasilaka sutempo apan niawagananna.

MANNANASE 9:2

Atonna, pal᷊addu pabbiaṛṛannu suapan taumata: Taumata matul᷊idda ara'e lai taumata lal᷊eo, taumata mapia ara'e taumata lal᷊eo, taumata waresi ara'e lai taumata kotore, taumata apan mangngonggollu sasamba ara'e lai tawe. Taumata mapia tawe mallal᷊umannaana wuassu taumata apan marosa, taumata apan massalu uasul᷊ungngu ringannu taumata apan maddiri massalu.

REENGANNA 16:29

Amungkangngu manga taumata udde mate ere su inanaramanne, tawe ṛuumanna wuassu Ruata, udde tatialane manungku i ya'u tawe nirolokku Mawu.