MANNANASE 3:11 - WUKE SUSI WATTI'U AL᷊AL᷊USASSA

¹¹ I tou nanantunnu tempo apan naṛṛino su al᷊awo'u saranapa. I tou nangonggolla si ite paapulu tadea'u maasingkatta allo addantane, arawe i ite tawe maasunna inolaannu Ruata wuassu panattaṛṛanne maddatingngu panguddusanne.

MANNANASE 3:11 Iomraidhean Croise

PANDARIADDI 1:31

Ruata na'ellega al᷊awo'a apan buatte niolang-Nge udde, wuṛṛu i Tou tumaniten mal᷊uassa. Ṛabbi nal᷊iudda wuṛṛu marua allote. Eteudde allo aiannumme.

AYUB 11:7

Tawe mariaddi ola'u Ruata wotongnge asunnannu? Tawe mariaddi taṛṛino-Ne wotongnge asingkatannu?

AYUB 37:23

Wahewalla atonna taṛṛinon Duatan kite; i ite tawe mapangundani-Ne, I Tou sidutu tawe awusune wuṛṛu matul᷊idda; tawe saran paassa i Tou mangallangnga taumata.

AYUB 5:9

Manga inolaannu Ruata tawe sul᷊ungnge; i ite mangke tawe maasunna. Manga al᷊aṛṛindu'a apan niolang-Nge, tawe iareengnga wuṛṛu tawe umuddussa.

DARALO 104:24

Aroddi anambone lanna'u manara-Nu, Mawu, sarangkanambone niolang-Ngu ringannu apande; runia napenen lanna'u lima-Nu.

AMSAL 16:4

Al᷊awo'a apan niola'u Mawu pia pandumanne; wuṛṛu pandumannu taumata lal᷊eo eteudde papate.

MANNANASE 1:13

I ya'u mappandumma manaṛṛasidda wuṛṛu massal᷊umma ringannu asingkatta al᷊awo'a apan nariaddi su runia indi. Pal᷊addu pabbiaṛṛanna apan nisaddian Duata si ite maasusa.

MANNANASE 11:5

Ruata na'ola'a manga al᷊awo'a, wuṛṛu taumata mangke tawe maasunna manara-Ne; aroddi lai i tou tawe maasunna tatuwon pabbiaṛṛanna wakku sulal᷊ummu illoṛṛon sangkatou inangnga.

MANNANASE 7:13

Panutukke manaran Duata. Isai apan wotongnge manul᷊idda apa apan niwengkollu Ruata?

MANNANASE 7:23

Sarangkanambone udde ta'u nissal᷊u'atannu asingka'u. Arawe lembon ta'u raddeaanna asingkatta udde, lembon marau i tou wuassia'u.

MANNANASE 7:29

Tumba'u indi apan niasombangangku: Ruata na'ola'a si ite tawe lembone wuṛṛu wiasa. Arawe ete i ite sassane apan na'ola'a watanganni ite masahadda passunnanne wuṛṛu mangke uawengkolla.

MANNANASE 8:17

i ite mangke tawe maasunna manaran Duata. Salaiwe ereapa i ite mattinsahadda, i ite tawe maasunna. Taumata pande mangnga'u manungku i tou masingkatta, arawe atonna i tou wagga.

MATIUS 11:27

See Mawu Yesus nabbisara, “Sarangkanambone suete tinantillu Mawu Iamangnga si Ya'u. Tawe sangkatou masingkattu Ana'a, tumba'u Mawu Iamangnga. Tawedu lai apan masingkattu Mawu Iamangnga, tumba'u Ana'a, wuṛṛu manga taumata, ete sisai Ana'a udde mamasingkattu Mawu Iamangnga.

MATIUS 13:22

Wualanna apan nanawo su tangngan ahuranganna ṛoaanna, isassumandingnga su taumata apan uararingikka watti'a udde, arawe sussinggawangnga su ola'u wiakki mangitou wuṛṛu maapulu mabbiakka su al᷊al᷊uassa. Ana waugu udde watti'a wuassu Ruata nawul᷊i wuassu naungngi mangitou na'oman sara tawe buane.

MARKUS 7:37

Wuṛṛu anambon taumata apan naaringikka udde naherangnga atonna. I mangitou nabbisara, “Sarangkanambone niolang-Nge ringannu mapia! Wuṛṛu lai i Tou na'ola'a taumata wengella naaringikka wuṛṛu taumata mou naawisara!”

ROMA 1:28

Ana waugu taumata maddirite lai ma'illal᷊a Ruata, ne Ruata namalaten ṛingiddi mangitou malal᷊eo, na'oman sara i mangitou ma'ola'a manga inolaanna apan ṛinone tawe wotongnge olaanna.

ROMA 11:33

Ala atonna Ruata! Wahewalla atonna apapande-Ne wuṛṛu asingka-Ne! Isai wotongnge maasingkata al᷊awo'u manga laṛṛawen-Ne? Isai wotongnge maasunna manga olangnge i Tou mammanara?

TAHIUL᷊E 32:4

Mawu mallal᷊u'addu apan matohassa, manara-Ne nasuungnga, wuṛṛu anambon dal᷊anne matul᷊idda. Ruatanu matammuda, tawe pallal᷊inga si Tou, I tou ma'ola'a apapia wuṛṛu mangke suṛṛinone.