MANNANASE 2:23 - WUKE SUSI WATTI'U AL᷊AL᷊USASSA

²³ Al᷊awo'u apa apan niolangnge su al᷊o'engngu pinabbiaṛṛanne, mangngapiddu asasusa wuṛṛu taddu'u naungnga si tou. Sutempo ṛabbi lai naungnge massusa. Nariaddi sarangkanambone udde atonna tawe gunane.

MANNANASE 2:23 Iomraidhean Croise

PANDARIADDI 3:17

Ana see Ruata nabbisara su esakka udde, “I'o uararingikka manga wisaran awingngu ana see niumanna wua apan Ta'u nisingadda annanannu. Ana waugu pallal᷊agunu udde, niawontohante leta'a. I'o sarun mammanara masahadda su al᷊o'engngu pabbiaṛṛannu tadea'u leta'a indi wotongnge mangonggollu anna apan uatimu si'o.

PANDARIADDI 47:9

sasimbakki Yakub, “Allangngu nabiakka maṛṛasutta tallun pul᷊o su tonnane naola'a mamamal᷊intadda. Allangngu mabbiakka napenen asasusa wuṛṛu maautta amungkangngu isul᷊ungngu uukku al᷊amonan allangngu ere mamamal᷊intadda.”

ESTER 6:1

Su ṛabbi udde lai ratu tawe naatiilla. Ana waugu udde i tou nandolokka niapaanu wuke woṛṛettu watti'u araratuanna wuṛṛu nandolokku taumata mabbasan wuke udde.

AYUB 14:1

Ro'en niasungkangnga taumata udde lome, tawe maal᷊ore; uukke maautta see lai napenen asasusa.

AYUB 5:7

Wal᷊ine! Ewe'e ete taumata udde sassane apan nandantan asasilaka su waddangnge, naal᷊ihidda ṛente'u bunga api nilumapputta wuassu putungnge sassane.

DARALO 127:2

Tawe gunane i ite mattinsahadda maddea'a wiakka, mapu'o marua allo wuṛṛu matiilla allorane; ana waugu Mawu mananaddiane si mangitou apan arangnguan-Ne, tantal᷊anna i mangitou ta'e mattiilla.

DARALO 32:4

Allo ṛabbi I'o mannasa'u, Mawu, i ya'u niasueannu ikkata niiṛṛuppu matannallo.

DARALO 90:15

Onggol᷊aawe si yami al᷊al᷊uassa uasul᷊ungngu asasusa apan papasannanni yami sulal᷊ummu manga tempon asasusa.

MANNANASE 1:13

I ya'u mappandumma manaṛṛasidda wuṛṛu massal᷊umma ringannu asingkatta al᷊awo'a apan nariaddi su runia indi. Pal᷊addu pabbiaṛṛanna apan nisaddian Duata si ite maasusa.

MANNANASE 1:18

Ana waugu lembon manambo asingkatti ite, lembon manambo lai asasinggawangngi ite. Lembon aatambanna apanden kite, lembon manambo lai asasusan kite.

MANNANASE 2:11

Arawe wua'udde i ya'u nanaṛṛassidda al᷊awo'u manara'u wuṛṛu lai al᷊awo'u inasaharangku su ipanginsue manga manara'u udde, ne i ya'u natutukke manungku sarangkanambone udde tawe atappasanne. Inasaharangku udde tawe gunane tumba'u ere mangngenggenna anginna.

MANNANASE 5:12

I ya'u naasilo su runia indi pia sambau apan maasusa; sangkatou apan mangngombon darotongnge ipangantagga ṛutumma.

MANNANASE 5:17

Ne i ya'u naasunnate manungku apa apan apianne si ite tumba'u anna, ua'e wuṛṛu mattemma hessin inasaharanni ite su al᷊o'engngu paabiaṛṛanna maautta apan nionggollu Ruata si ite; eteudde pal᷊addu paabbiaṛṛanni ite.

MANNANASE 8:16

Sutempo i ya'u mattinsahadda maddea'a asingkatta, wuṛṛu i ya'u mannutukka al᷊awo'u arariaddianna su runia indi, ne i ya'u naatutukke manungku salaiwe i ite mattinsahadda allo ṛabbi ringangu tawe mangillol᷊o,

DANIEL 6:18

Wua'udde sambau watu wahewalla nipanappinga moṛṛongngu liangnga udde, wuṛṛu ratu nangarussa watu udde ringannu arussan araratuanna wuṛṛu arussan manga tembonanne, na'oman tawe saran sangkatou lai apan wotongnge mamallossi Daniel wuassu manga singa udde.

WATTI'U MANGA RASUL 14:22

Su manga soa udde i mangitou mannohassa naungngu mallal᷊aṛṛenggennu Mawu Yesus wuṛṛu mannantiro mallal᷊aṛṛenggenna udde tadea'u sidutu mangngimanna Mawu Yesus. “I ite ṛinone matataṛṛangnga rorone, wakkute udde i ite wotongnge mamendamma al᷊al᷊uassa su Runian Wakku Ruata,” aroddi manga rasul udde mangngaṛṛa'a manga mallal᷊aṛṛenggennu Mawu Yesus su soa udde.