MANNANASE 2:22 - WUKE SUSI WATTI'U AL᷊AL᷊USASSA

²² Su al᷊o'engngu pabbiaṛṛanne taumata mammanara masahadda wuṛṛu mattinsahadda; wua'udde suapate hessin inasaharanne apan wotongnge ipammungane?

MANNANASE 2:22 Iomraidhean Croise

DARALO 127:2

Tawe gunane i ite mattinsahadda maddea'a wiakka, mapu'o marua allo wuṛṛu matiilla allorane; ana waugu Mawu mananaddiane si mangitou apan arangnguan-Ne, tantal᷊anna i mangitou ta'e mattiilla.

AMSAL 16:26

Apulu umanna mannasa tadea'u taumata mattinsahadda; ana waugu tianne, i tou ṛinone mammanara.

MANNANASE 1:3

Su al᷊o'engngu pabbiaṛṛanna i ite mammanara, mappasabbangu liaha. Arawe, suapa hessine apan wotongnge ipamungan kite?

MANNANASE 2:11

Arawe wua'udde i ya'u nanaṛṛassidda al᷊awo'u manara'u wuṛṛu lai al᷊awo'u inasaharangku su ipanginsue manga manara'u udde, ne i ya'u natutukke manungku sarangkanambone udde tawe atappasanne. Inasaharangku udde tawe gunane tumba'u ere mangngenggenna anginna.

MANNANASE 3:9

Apate hessin al᷊awo'u inasaharanni ite?

MANNANASE 4:6

Asinungka udde atonna, arawe mappianne darotongnga addio'a rarundinganannu atatammuddu naungnga wuassu mammanara masahadda mappaattu ta'iakka darua wuṛṛu mangngenggenna anginna.

MANNANASE 4:8

Pia taumata apan mabbiakka sassane tawe ana'a, ara'e lai tuṛṛangnga. Salaiwe aroddi, i tou sidutu mammanara masahadda wuṛṛu naungnge tawe saran paasa mal᷊uassa ringangu darotongnge. Ionggolla sisai i tou tumaniten mattinsahadda wuṛṛu mannola'u al᷊awo'u lal᷊umanna'a? Udde lai tawe gunane, wuṛṛu sambau ola'u pabbiaṛṛanna apan susa.

MANNANASE 5:17

Ne i ya'u naasunnate manungku apa apan apianne si ite tumba'u anna, ua'e wuṛṛu mattemma hessin inasaharanni ite su al᷊o'engngu paabiaṛṛanna maautta apan nionggollu Ruata si ite; eteudde pal᷊addu paabbiaṛṛanni ite.

MANNANASE 8:15

Inaappuangku eteudde manungku taumata ṛinone lumala'a. Ana waugu sulal᷊ummu pabbiaṛṛanne su runia tawe al᷊al᷊uassa waine si tou tumba'u u'anna, ma'inumma wuṛṛu lullala'a. Tumba'u udde apan nipaanne su pattangngannu inasaharanne, su al᷊o'engngu pabbiaṛṛanna apan nionggollu Ruata si tou.

MATIUS 16:26

Apa auntunganne su sangkatou taumata, amungkangngu ahewallu runia indi maola'a darotongnge arawe i tou awul᷊iannu wiakke? Wotongnge wiakka udde sal᷊iuannu sambau darotongnga?

MATIUS 6:11

Onggol᷊a'awe si yami su allo indi pabbawiakka apan ipaapulung kami.

MATIUS 6:25

Ana waugu udde naunge; arie passinggawangnga su ola'u wiakki yamiu, eteudde apa apan sarun annananna wuṛṛu inumanni yamiu, ara'e apa sarun iluṛṛeng kamiu. Wal᷊inewe wiakka nangillembo wuassu anna, wuṛṛu wadangnga nangillembo wuassu peddetta?

MATIUS 6:34

Ana waugu udde arie suminggawangnga su ola'u allo tiṛṛabbi. Ana waugu tiṛṛabbi lai pia asasinggawangnge sassane. Allo indi natipusse asasusane, walasa'e tambanna apia.”

LUKAS 12:22

See Mawu Yesus nabbisara su manga mallal᷊aṛṛenggen-Ne, “Ana waugu udde i Ya'u mabbisara, ‘Arie pa'asinggawangnga su ola'u wiakki yamiu, eteudde apa apan sarun annananni yamiu, ara'e apa sarun iluṛṛeng kamiu.’

LUKAS 12:29

Nariaddi, arie pa'asinggawangnga wuṛṛu umal᷊iwu su ola'u apa apan sarun annananna wuṛṛu inumanni yamiu.

1 KORINTUS 16:16

I ya'u maddorongnga ringannu atonna-tonna tadea'u i yamiu tumuṛṛutta papiaṛṛa'u manga taumata ereudde, wuṛṛu manga taumata waine apan mammanara suadio'a wuṛṛu mangngimbe suadio'a ringanni mangitou.

FILIPI 4:6

Arie paasinggawanga su ola'u manga apa. Sulal᷊ummu al᷊awo'u inolaanna, aal᷊iomante wuṛṛu paddorongke su Ruata. Apa apan ipaapulun kamiu, wal᷊oa'e udde sidutu su Ruata ringannu wisara aadiangkamanna.

1 TIMOTIUS 6:8

Nariaddi amungkangu pia anna wuṛṛu laubba, udde wotongngete.

1 PETRUS 5:7

Tantila'e anambon asasinggawangngu su Ruata, ana waugu i Tou uapaddul᷊i si yamiu.