MANNANASE 2:10 - WUKE SUSI WATTI'U AL᷊AL᷊USASSA

¹⁰ Al᷊awo'u apulun naungku, ta'u niwatu'anna. Tawe sarana paassa i ya'u maṛṛaddannu waddangku mattemma al᷊awo'u al᷊al᷊uassa. I ya'u lullala'a wuasu al᷊awo'u inasaharangku, wuṛṛu eteudde lal᷊antakke si ya'u.

MANNANASE 2:10 Iomraidhean Croise

PANDARIADDI 3:6

Wawine udde na'ellega manungku alu udde maṛṛansangnga, wuṛṛu wuane ellehanna matemangnga annananna. Ne i tou naṛṛingidda apiawe eteapa amungkangngu i tou mabbal᷊i pande. Ana waugu udde i tou nani'o wuan kalu udde, ana see niumanna, wuṛṛu awingnge lai nionggol᷊anna, ana see awingnge lai niumante.

PANDARIADDI 6:2

al᷊aṛṛana'u Ruata ma'ellega manungku mangka maṛṛuala udde mangkaṛṛamaga. Ana see i mangitou na'awingke manga maṛṛuala apan ipaapulu mangitou.

AYUB 31:1

Ringannu sasalu i ya'u buatte naddiandi maṛṛuala wakku tawe aellehangku ringannu paapulu.

DARALO 119:37

Riagaiwe i ya'u tadea'u tawe mangenggenna pawangnge, onggol᷊ewe i ya'u wiakka tumuṛuttu apulu-Nu.

DARALO 128:2

I'o sarun umanna hessin inasaharannu, mabbiakka mal᷊uassa wuṛṛu su lal᷊umanna'a.

AMSAL 23:5

Ana waugu tumba'u sulal᷊ummu sangkaṛṛondappa darotongngu sarun mawul᷊i, ereola'u i tou pia papaidde wuṛṛu tumalla'a su winabbawa ere manu'a rajawali.

MANNANASE 11:9

Paata'e temponu dario'a, ei umbasanna! Lalluasse tantal᷊anna i'o ta'e saṛṛentumuwo. Loṛṛoite al᷊awo'u hol᷊aggu ṛimuuddu, amata'e anambon apulun naungngu. Arawe naunge, Ruata apan su surga, sarun makkuungngu anambon manaranu.

MANNANASE 2:1

I ya'u nakkawessa tadea'u mapaal᷊uassu waddangnga tadea'u maasingkatta apa udde lal᷊umanna'a. Inauranna udde lai tawe gunane.

MANNANASE 2:22

Su al᷊o'engngu pabbiaṛṛanne taumata mammanara masahadda wuṛṛu mattinsahadda; wua'udde suapate hessin inasaharanne apan wotongnge ipammungane?

MANNANASE 2:24

Taweddu mappianne su taumata wuassu anna, ua'e wuṛṛu mappaattu hessin inasaharanne. I ya'u natutukka manungku udde lai aonggollu Ruata.

MANNANASE 3:22

Ana waugu udde i ya'u naatutukke manungku taweddu mappianne su taumata wuassu mattemma hessin manarane. Wal᷊ine wua isudde taweddu apan wotongnge olaanne. Tawe mariaddi i tou maasingkatta apa apan sarun mariaddi napawe i tou natete.

MANNANASE 5:10

Lembon manambo paa'alan sangkatou lembon manambo taumata waine ṛinone onggol᷊anni tou anna. Tawe auntunganna su tatahuanne, i tou tumba'u masingkatta manungku i tou ala.

MANNANASE 5:17

Ne i ya'u naasunnate manungku apa apan apianne si ite tumba'u anna, ua'e wuṛṛu mattemma hessin inasaharanni ite su al᷊o'engngu paabiaṛṛanna maautta apan nionggollu Ruata si ite; eteudde pal᷊addu paabbiaṛṛanni ite.

MANNANASE 5:18

Amungkangngu sangkatou manengkamma paa'ala wuṛṛu darotongnga wuassu Ruata, wuṛṛu iwala mappaattu paa'ala udde, i tou ṛinone maadiangkamanna wuṛṛu mattemma al᷊awo'u hessin manarane. Udde lai aonggollu Ruata.

MANNANASE 6:2

Pattaṛṛa paassa Ruata mangonggollu paa'ala, aaddatta wuṛṛu darotongnga su sangkatou, na'oman sara tateddu lai apan ipaapulune. Arawe Ruata tawe namalan tou mappaattu anambon aonggolla udde. Arawe nawal᷊i'a, taumata apan awaganan-Ne sarun mappaattu paa'ala udde. Nariaddi, sarangkanambone udde tawe gunane wuṛṛu maasusa.

MANNANASE 6:9

Sarangkanambone udde tawe gunane manara mangngenggenna anginna. Mappianne i ite mal᷊uassa ringannu apa apan piate si ite sul᷊ungnge maapulu lembon anamboanne lai.

MANNANASE 8:15

Inaappuangku eteudde manungku taumata ṛinone lumala'a. Ana waugu sulal᷊ummu pabbiaṛṛanne su runia tawe al᷊al᷊uassa waine si tou tumba'u u'anna, ma'inumma wuṛṛu lullala'a. Tumba'u udde apan nipaanne su pattangngannu inasaharanne, su al᷊o'engngu pabbiaṛṛanna apan nionggollu Ruata si tou.

MANNANASE 9:6

Apendamma mandangngu, maddantinna see apulune sarangkanambone mate suaddio'a ringanni tou. I tou tate lai manganu wageangnge apa-apa su al᷊awo'u arariaddianna su runia.

MANNANASE 9:9

Pattemmate pabbiaṛṛannu ringannu awingngu apan arangnguannu su al᷊o'engngu pabbiaṛṛannu apan tawe gunane, apan nionggollu Ruata si'o su runia. Pattemmate suapan allo salaiwe tawe gunane. Ana waugu lal᷊antakku inasaharannu tumba'u udde.

1 YOHANES 2:16

Al᷊awo'u saranapa sulal᷊ummu runia indi – apan ipaapulun pallal᷊agun taumata marosa, apan a'ellehanna see iannemma wuṛṛu ipamarabunga – sarangkanambone udde manga inolaanna apan tawe wuassu Ruata, ewe'e wuassu runia.

MAL᷊AṚṚUUNGNGA 14:2

Ana see i tou napul᷊ete wuṛṛu nabbisara su hagurangnge, “I ya'u niumanggangu sangkatou maṛualan Filistin su Timna. I tou maddorongnga iamanga wuṛṛu inangnga inai mangono'u si tou.”