MANNANASE 11:9 - WUKE SUSI WATTI'U AL᷊AL᷊USASSA

⁹ Paata'e temponu dario'a, ei umbasanna! Lalluasse tantal᷊anna i'o ta'e saṛṛentumuwo. Loṛṛoite al᷊awo'u hol᷊aggu ṛimuuddu, amata'e anambon apulun naungngu. Arawe naunge, Ruata apan su surga, sarun makkuungngu anambon manaranu.

MANNANASE 11:9 Iomraidhean Croise

PANDARIADDI 3:6

Wawine udde na'ellega manungku alu udde maṛṛansangnga, wuṛṛu wuane ellehanna matemangnga annananna. Ne i tou naṛṛingidda apiawe eteapa amungkangngu i tou mabbal᷊i pande. Ana waugu udde i tou nani'o wuan kalu udde, ana see niumanna, wuṛṛu awingnge lai nionggol᷊anna, ana see awingnge lai niumante.

PANDARIADDI 6:2

al᷊aṛṛana'u Ruata ma'ellega manungku mangka maṛṛuala udde mangkaṛṛamaga. Ana see i mangitou na'awingke manga maṛṛuala apan ipaapulu mangitou.

1 MARARATU 18:12

Amungkangngu i ya'u inai wua' isindi, Ghaṛṛaho Mawu asinungka sarun mangapiddu Iamangnga watukku tampa apan awaganangku! Wuṛṛu amungkangngu i ya'u mamasingkatta si Ahab manungku Iamangnga isindi, wua'udde i tou tawe naasomba Iamangnga, i tou sarun mamate si ya'u. Ṛinone Iamangnga masingkatta, i ya'u indi atonna-tonna mattaṛṛamawu su Mawu ro'en addio'a!

1 MARARATU 18:27

Su allattune i Elia mannattakke mangngal᷊uandaga si mangitou. “Aal᷊iomante lembon maikkatta lai! I tou mawu, are? Asinungka i tou tantal᷊anna maṛṛingidda, ara'e niumuru. Wotongnge mariaddi lai i tou tantal᷊anna sinumal᷊ele! Ara'e asinungka i tou tantal᷊anna mattiilla, wuṛṛu i yamiu ṛinone mamu'o si tou!”

1 MARARATU 22:15

Napawe i Mikha na'omate su saruanni Ratu Ahab, ratu naiwal᷊o, “Wotongngewe i ya'u wuṛṛu Ratu Yosafat inai mamangalo Ramot, ara'e tawe?” “Pamangalote!” sasimbakki Mikha. “Mawu sarun mangonggollu auntunganna si Tuangnga.”

AYUB 31:7

Unnuwisara i ya'u buatte sinumewadda wuassu lal᷊anna apan naṛṛino, ara'e naungku ninumemman al᷊al᷊eo, napawe lima'u nappeta'u rosa,

DARALO 81:12

Arawe al᷊aṛṛana-U maddiri maddaringikka si Ya'u, Israel maddiri tumuṛṛutta si Ya'u.

MANNANASE 12:1

Pannaungke Mandariaddinu tantal᷊anna i'o ta'e saṛṛentumuwo, tantal᷊anna taambe nia'omanna manga tonna napenen asasansara. Sutempo udde i'o sarun mabbiasara, “Pabbiaṛṛangku tawe al᷊al᷊uassa.”

MANNANASE 12:14

Ruta sarun makkuungngu al᷊awo'u inolaanni ite; apan mapia wuṛṛu apan lal᷊eo, ewe'e apan uawuni lai.

MANNANASE 2:10

Al᷊awo'u apulun naungku, ta'u niwatu'anna. Tawe sarana paassa i ya'u maṛṛaddannu waddangku mattemma al᷊awo'u al᷊al᷊uassa. I ya'u lullala'a wuasu al᷊awo'u inasaharangku, wuṛṛu eteudde lal᷊antakke si ya'u.

MANNANASE 3:12

I ya'u masingkatta manungku si ite taweddu mappianne wuassu lullala'a wuṛṛu mammendamma pabbiaṛṛanna su al᷊o'engngu uukki ite.

MANNANASE 3:17

I ya'u naṛṛingidda, Ruata sarun makkungngu taumata apan mapia ara'e lai taumata lal᷊eo, ana waugu suapan inolaanna wuṛṛu suapan manara sarun mariaddi sutempo apan buatte nitantunna Ruata.

MANNANASE 6:9

Sarangkanambone udde tawe gunane manara mangngenggenna anginna. Mappianne i ite mal᷊uassa ringannu apa apan piate si ite sul᷊ungnge maapulu lembon anamboanne lai.

MANNANASE 7:14

Nariaddi, lalluasse amungkangngu i'o tantal᷊anna su lal᷊umanna'a. Arawe amungkangngu i'o niaṛṛiannu asasilaka, arie paabbul᷊iane manungku Ruata nangonggollu darua udde. I ite wegga apa apan sarun mariaddi manansunna.

YEREMIA 23:17

Su manga taumata apan maddiri maddaringikka manga wisara-U, i mangitou sidutu mabbisara, ‘I yamiu sarun masal᷊amatta.’ Wuṛṛu suapan taumata apan maatikka puane i mangitou mabbisara, ‘I'o sarun tawe maasomba silaka.’ ”

YEREMIA 7:24

Arawe i mangitou maddiri maddaringikka wuṛṛu maddiri massunna. Ewe'e lai i mangitou tuttuṛṛutta apulu naungngi mangitou sassane apan maattikka wuṛṛu lal᷊eo udde. I mangitou wal᷊inewe nabbal᷊i mapia ewe'e nabbal᷊i lembon maddal᷊eoanna.

LAL᷊ALLU 3:27

mappianne i ite massal᷊umma maola'a maaddunna sutempo ta'e saṛṛen tumuwo.

REENGANNA 15:30

Arawe amungkangngu sangkatou taumatan Israel ara'e sangkatou taumata raho ringannu nipattatudda na'ola'a rosa, i tou nallobbossa Mawu. Taumata udde ṛinone pateanna,

REENGANNA 15:39

Manga wawungkele uddewe maola'a pananaunganna: Suapan i yamiu maasilo, i yamiu maanaungnga al᷊awo'u parenta-U wuṛṛu tuttuṛṛuttanna. Wuṛṛu ana waugu udde i Ya'u tawe abbul᷊iananni yamiu su ipamatu'a apulu naungngu wuṛṛu ira-iranu sassane.

REENGANNA 22:32

Mala'ekattu Mawu naiwal᷊o, “Anio i'o namuulla keledainu na'oman sara paatallu? I Ya'u nirumanta mangampangnga si'o, ana waugu tumuṛṛuttu addapa'u, dal᷊eo amungkangngu i'o inai.

MATIUS 5:28

Arawe tempo indi Ya'u mabbal᷊o si yamiu: Isai-sai ma'ellega sangkatou wawine see ninumemman tou, taumata udde sueten sinumandaga ringannu wawine udde sulal᷊ummu naungnge.

LUKAS 12:19

Wua'udde sarun iwisara su riri'u sassane: I'o naauntungnga! Al᷊awo'u apa apan mapia naola'e pussaanu wuṛṛu tawe masue sulal᷊ummu pira tonna al᷊annune. Pangillol᷊ote orassa indi! Ante wuṛṛu pa'inumpe, wuṛṛu pamendammpe lal᷊umanna'u wiakku!’

WATTI'U MANGA RASUL 14:16

Su tempo nal᷊iu Mawu namala manga walahanna tuttuṛṛutta apulune sassane.

WATTI'U MANGA RASUL 24:25

Arawe napawe i Paulus nanassukku wisarane su ola'u atatul᷊idda wuṛṛu asasabare wuṛṛu su ola'u pallaṛṛuumanna su allong kiamatta, i Feliks nata'utta see nabbisara, “I'o wotongngete mapul᷊e orassa indi. I ya'u sarun mamago si'o apia amungkangngu pia tempone.”

ROMA 14:10

Nariaddi, manga tuṛṛangnga! Apa hunane mapaasal᷊an tuṛṛangngu apan su pangangimanna sambau? Wuṛṛu apa hunane tuṛṛangnga mangngadio'a si tou? I ite sarangkanambone sarun sumaruanna Ruata tadea'u parikisanna.

1 KORINTUS 4:5

Ana waugu udde, amungkangu taambe tempone, arie i yamiu mal᷊iha-l᷊ihakka manantunna manungku sangkatou nassal᷊a ara'e tawe. Paṛṛadote Ruata rumanta. Ete i Tou sarun mamu'a al᷊awo'u addapingnga apan uawuni sulal᷊ummu ararandumma. Ete i Tou apan mamongkakku anambon pandumanna apan uawuni sulal᷊ummu naungngu taumata. Su tempo udde suapan taumata wakkute udde maasengkamma daralo wuassu Ruata apan wotongnge sengkamanni tou.

2 KORINTUS 5:10

Ana waugu atonnate i ite sarangkanambone sarun iapaasaruanna pamamarikisanni Kristus, wuṛṛu sangkatou-sangkatou sarun maasomba wawal᷊inne uasul᷊ungngu inolaanne su runia indi – ala'uanna mapia ara'e ala'uanna lal᷊eo.

TAHIUL᷊E 29:19

Suwallatti yamiu apan naaringikka atoranna apan masahadda udde, imbaṛṛangnga piaddu maṛṛingidda manungku ola'u pabbiaṛṛanne sidutu mapia, salaiwe i tou ringannu apulun naungnge niumamatta su lal᷊anne sassane. Olangnge udde sarun maawinasa si yamiu sarangkanambone, manga taumata lal᷊eo ara'e lai taumata mapia.

IBRANI 9:27

Ruata suete nanantuna manungku taumata mate tumba'u paassa wuṛṛu wua'udde parikisannu Ruata.

YOSUA 7:21

Su wallatu manga saranapa apan niapiddi ite, i ya'u naasilo sambau juba apan mapia atonna, niola'a su Babilonia, wuṛṛu lai sal᷊a'a awakkane iraṛṛangngo dua kilo, wuṛṛu sambua wul᷊awanna satenga kilo pia lebbene. I ya'u ma'apulu atonna manga saranapa udde, ne ta'u nianu wuṛṛu niwuni sulal᷊ummu leta'a su rasangku: sal᷊aane niaddo al᷊iu wowane.”

2 PETRUS 3:7

Arawe langitta wuṛṛu runia apan sara orassa indi, nipadul᷊ianannu ṛengetannu Ruata udde lai, ana see tutungannu putungnga su tempo addantane. Orassa indi langitta wuṛṛu runia ta'e papadul᷊iananna ma'oman sara allo manga taumata apan lal᷊eo udde iṛṛuumanna wuṛṛu pateanna.