MANNANASE 11:1 - WUKE SUSI WATTI'U AL᷊AL᷊USASSA

¹ Addoa'e roinnu salal᷊ummu manara su wanua waine. I'o sarun maasomba auntunganna su allo sal᷊immurine.

MANNANASE 11:1 Iomraidhean Croise

AMSAL 11:18

Auntungannu taumata lal᷊eo, auntunganna tawe gunane, auntungannu taumata inolaanne mapia eteudde auntunganna apan tutune.

AMSAL 19:17

Mantul᷊ungngu taumata asiangnga naal᷊ihidda ere nangonggollu awallassa su Mawu; ne ete Mawu lai apan sarun mabbal᷊issa.

AMSAL 22:9

Taumata apan naungnge mapia sarun al᷊amatannu Mawu, ana waugu i tou mattahia wiakka su taumata awussa.

MANNANASE 11:6

Pangasi'en bualanna sutempo marua allo wuṛṛu arie pangillol᷊o sutempo ṛabbi. Ana waugu i ite wagga wualanna suapa apan mapia tatuwone. Asinungka darua udde tinumuwo ringannu mapia.

MANNANASE 3:6

Ruata nanantunnu tempo maasomba wuṛṛu tempo awul᷊ianna, tempo mangngalludda wuṛṛu tempo mangnginsue,

YESAYA 32:8

Arawe taumata apan mapia buddine manggol᷊agu manga inolaanna apan mapia wuṛṛu pallal᷊agune lai mapia.

IMAMATTA 19:25

Su tonna al᷊imane wakkute udde i yamiu wotongnge umanna wuane. Amungkangngu i yamiu mappaamattu anambon atoranna udde, manga aaluanna pia buane sarun mabbua lembon anamboanne lai. Ete i Ya'u Ruatanu.

MATIUS 10:13

Amungkangngu manga taumata su wal᷊e udde manarimmatta si yamiu, wala'e tabeanu udde matatana'a ringanni mangitou. Arawe amungkangngu i mangitou tawe manarimmatta si yamiu, welenga'a apia tabeanu udde.

MATIUS 10:42

Isai-sai mappa'inumma, salaiwe tumba'u ua'e tallangnga, su sangkatou su wallattu manga taumata asiangnga indi, ana waugu i tou mallal᷊aṛṛenggeng-Ku, pangimanna i tou sarun manengkamma lal᷊antakke!”

MATIUS 25:17

Aroddi lai mangangimbe apan nanengkamma rua ṛiwu roitta wul᷊awanna udde, naasomba auntunganne lai rua ṛiwu.

MATIUS 25:40

Ratu udde sarun sumimbakka, ‘Asingkate: su tempo i yamiu ma'ola'a inolaanna udde, salaiwe su wallattu sangkatou taumata wuassu manga tuṛṛangku apan addio'anne, ere lai yamiu na'ola'a si Ya'u!’

LUKAS 14:14

I'o sarun al᷊amatanna, ana waugu manga taumata udde tawe maawal᷊issa apapianu. Apapiannu sarun bal᷊isannu Ruata su tempo manga taumata apan mapia iapaawangunna apia wuassu papate.”

2 KORINTUS 9:6

Paanaunge! Taumata apan mangngasi'u wualanna mampaadio'a, sarun mangitingnga hessine adio'a lai. Arawe taumata apan mangngasi'u wualanna manambo-nambo sarun mangitingnga lai hessine manambo.

IBRANI 6:10

Ruata wal᷊ine Ruata tawe matul᷊ida. I Tou tawe maabul᷊i apa apan mammanaranni yamiu si Tou, wuṛṛu darangngu apan niapaasilong kamiu si Tou su tempo nantul᷊ungu manga tuṛṛanga apan pangangimanna sambau, dorone wuṛṛu sara orassa indi.