MANNANASE 10:12 - WUKE SUSI WATTI'U AL᷊AL᷊USASSA

¹² Wisaran taumata pande maaola'a si tou aaddatanna, arawe taumata woddo nate ana waugu manga wisarane sassane.

MANNANASE 10:12 Iomraidhean Croise

2 SAMUEL 1:16

I Daud nabbisara taumatan Amalek udde, “I'o sassane apan nangema'u ṛuumanna pateanna indi su ririnu ringannu nanga'u manungku ratu apan nipilen Mawu buatte nipatenu!”

AYUB 16:5

Naungngu sarun ta'u tohasanna ringannu al᷊awo'u tatantiro; manga wisara'u sarun mangonggollu al᷊al᷊uassa.

DARALO 140:9

Arie pa'utunge apulun taumata lal᷊eo, oh Mawu, arie pabbala'a hol᷊agi mangitou maola'a.

DARALO 37:30

Taumata mapia mabbisara ringannu apande, i tou sidutu matul᷊idda sulal᷊ummu wisarane.

DARALO 64:8

Arawe Ruata namiti'u anaan-Ne si mangitou, wuṛṛu inaṛombanganne i mangitou nal᷊essa.

AMSAL 10:10

Isai apan mammunin atatul᷊idda, mapasapputtu asasusa; isai apan mannagu ringannu uahahati, mattinsahadda atatahul᷊andimma.

AMSAL 10:8

Taumata apan pande, apulune mannengkamma al᷊aṛṛa'a; taumata apan wisarane woddo sarun ilamammiṛṛanna.

AMSAL 12:18

Walate wisarane wotongnge maal᷊essa naungnga ere niusu'u hal᷊ele; manga wisaran pande naal᷊ihidda undamma apan maapia.

AMSAL 15:2

Manga wisaran taumata pande maaola'a asingkatta maawol᷊engnga naungnga; manga wisaran taumata woddo lal᷊oṛṛone tumba'u awawoddo.

AMSAL 15:23

Manga wisara apan niwisara naṛṛino sutempone, mandantan al᷊al᷊uassa.

AMSAL 19:5

Taumata apan mammahia su pallaṛṛuunganna, tawe mal᷊iu wuassu ṛuumanna.

AMSAL 22:11

Taumata apan mappulun atatul᷊idda wuṛṛu mapia wisarane, sarun maola'a hawen datu.

AMSAL 26:9

Naal᷊ihidda taumata wu'anna mapasabbangngu tune wuassu limane, aroddi lai taumata woddo apan mabbisaran tatatinro.

AMSAL 31:26

Ringannu masaṛṛionto'a i tou mabbisara; manga wisarane maarega.

MANNANASE 12:11

Wisaran taumata pande udde naal᷊ihidda ta'innu sangkatou mallal᷊u'adda apan maṛṛoro, ta'inna apan nipaanne ipanahekku manga dombane. Ammul᷊annu sasanato'a wuṛṛu tatantiro, naal᷊ihidda pa'u apan uapansakka matohassa. Sarangkanambone udde aonggollu Ruata lai, mallal᷊u'addi ite apan sambau.

MANNANASE 4:5

Naudde, tumba'u taumata woddo apan ua'ianna uawangunna pul᷊a'i wuṛṛu namalan batanganne mate amal᷊unusanna.

MANNANASE 5:2

Lembon sussinggawanga, lembon bahewalla pendamanna maasomba wal᷊iawa lal᷊eo. Lembon manambo mabbisara, lembon wahewalla pendamanna mapasabbangngu manga wisara awusu.

MANNANASE 5:6

Su ereapa manambo wal᷊iawa udde tawe atappasanne, aroddi lai manambo wisara tawe gunane. Arawe ata'utten Mawu.

MANNANASE 9:17

Mappianne maddaringikka manga wisara maannudda sangkatou pande wuassu aintul᷊in sangkatou Tembonanne sulal᷊ummu ammul᷊annu manga taumata longonna.

MATIUS 12:35

Taumata apan mapia mannaggon inolaanna apan mapia, ana waugu i tou napenen apapia.

LUKAS 19:22

Ratu udde nabbisara si tou, ‘I'o mangangimbe lal᷊eo! Nassul᷊ungngu ere wisaranu sassane, i ya'u sarun maṛṛuumannu. I'o masingkatta i ya'u taumata maṛṛagissa: i ya'u mangnganu al᷊awoa apan tawe rarotongku, wuṛṛu mangngammulu auntunganna su tampa i ya'u tawe massuanna.

LUKAS 4:22

Manga wisara apan niwisara-Ne mapia atonna, na'oman sara i mangitou naherangnga wuṛṛu lapiddu nanamba'a si Tou. I mangitou nabbisara, “Wal᷊inewe i Tou indi ana'i Yusuf?”

EFESUS 4:29

Amungkangu i yamiu maggahatto, arie mappaattu wisara lal᷊eo. Pappaatten manga wisara apan mannantiro wuṛṛu mantul᷊ungnu taumata waine. Manga wisara ereudde sarun mapaarantan apapia su manga taumata apan naddaringikka.

KOLOSE 4:6

Ṛinone manga inolaanna apan iwabbisaran kamiu sidutu maal᷊uassa wuṛṛu apangimananna. Ṛinone i yamiu maasingkata ereapa ṛinone i yamiu sumimbakka manga aiwal᷊on taumata.