MANNANASE 1:11 - WUKE SUSI WATTI'U AL᷊AL᷊USASSA

¹¹ Taumata tawe mannaungnga arariaddinna sutempo nanangkal᷊iu. Aroddi lai arariaddianna orassa indi wuṛṛu addantane, tawe naungannu taumata sutempo addantane.

MANNANASE 1:11 Iomraidhean Croise

DARALO 9:6

I'o buatte nakkuumannu manga walahanna wuṛṛu namate manga taumata lal᷊eo; i mangitou timbul᷊iananna saran mal᷊annu-l᷊annu.

MANNANASE 1:10

Pia taumata mabbisara, “Pa'ellege, indi wakku!” Arawe udde piate tantal᷊anna i ite taambe niasungkanga.

MANNANASE 2:16

Taumata woddo sarun mal᷊ihakka timbul᷊ianna, arawe taumata apan pia asingkatta lai tawe sidutu nannaunganna. Mal᷊annu-l᷊annu sarangkanambone sarun mawul᷊i wuassu naungnga. I ite sarangkanambone sarun mate, mawae taumata pande ara'e lai taumata longonna.

MANNANASE 8:10

Su paassa i ya'u naasilo taumata lal᷊eo nate wuṛṛu nilabbinga. Arawe sutempo manga taumata napul᷊e wuassu pallal᷊abbinge, i mangitou maddalo si tou su soa su tampa i tou ma'ola'a al᷊al᷊eo. Nariaddi, udde lai tawe gunane.

MANNANASE 9:5

Suapan wotongnge, taumata wiakka masingkatta manungku papate uaṛṛaddo si tou, wuṛṛu taumata nate waggan apa-apa. Si tou tawe baweakke ara'e lal᷊antakke, wuṛṛu aranne tinimbul᷊ianante.

YESAYA 42:9

Orassa indi apan Ta'u ilaṛṛangngo nilumiatta'e; i Ya'u mappulu mamasingkattu manga hatto apan bakku; tantal᷊anna udde taambe nariaddi, buatte Ta'u niwal᷊o si yamiu.”