MAL᷊AṚṚUUNGNGA 2:3 - WUKE SUSI WATTI'U AL᷊AL᷊USASSA

³ Nariaddi, orassa indi paddaringikka! I Ya'u sarun tawe mallimbuakka manga taumatam banua indi napawe i yamiu mapapangalon mangitou. I mangitou sarun maola'a manga seennu, wuṛṛu i yamiu sarun awono'anna ma'oman sara i yamiu lai massubbate manga monganni mangitou.”

MAL᷊AṚṚUUNGNGA 2:3 Iomraidhean Croise

DARALO 106:36

Ana see i mangitou nassubba manga paal᷊uanna, wuṛṛu pinangianannu ananawon mangitou.

SASABANGNGA 23:33

Arie pabbala'a manga taumata udde matana'a su wanuanu, tadea'u i yamiu tawe massubba manga mawun mangitou wuṛṛu ma'ola'a rosa su saruang-Ku. Amungkangngu i yamiu massubba manga mawun mangitou, i yamiu nanawote sulal᷊ummu loṛṛangngu papate.”

SASABANGNGA 34:12

Imbaṛṛangnga ma'ola'a pa'aire ringannu manga taumata apan rantanni yamiu, ana waugu olangnge udde wotongnge maola'a wal᷊ati'a apan maapate si yamiu.

REENGANNA 33:55

Arawe amungkangngu tumana'u wanua udde tawe limbuaṛṛanni yamiu, manga taumata apan sidutu uatana'a isudde sarun mapaasusanu ere anne su matanu wuṛṛu ere larangnga su leddanu. Ne ete i mangitou udde mamangalo si yamiu.

TAHIUL᷊E 7:16

Suapan balahanna apan itantillu Mawu Ruatanu sulal᷊ummu taṛṛinonu ṛinone pateanna; arie umakkanni mangitou. Imbaṛṛangnga massubba manga Mawu mangitou, ana waugu pallal᷊aghu udde mandantan asasilaka si yamiu.

YOSUA 23:13

paanaunge, Mawu Ruatanu sarun tate mallimbuakka manga walahanna udde lai ana waugu i yamiu. Arawe mawal᷊i'a, i mangitou sarun maasilaka atonna si yamiu, ana waugu i mangitou sarun maola'a ere wal᷊ati'a ara'e sedda si yamiu. I mangitou lai sarun mapaasusan kamiu; ana waugu i mangitou sarun maola'a ere sambokka su liuddi yamiu ara'e ere duṛṛi su lal᷊ummu matanu i yamiu sidutu uatataṛaṛangnga ma'oman sara tawe saran sangkatou su wallati yamiu apan matantangnga su wanua mapia indi apan nionggolu Mawu Ruatanu si yamiu.

MAL᷊AṚṚUUNGNGA 2:21

Orassa indi Ya'u maddirite lai mallimbuakka al᷊awo'u walahanna apanta'e uatana'a su wanua indi su tempo i Yosua natete.

MAL᷊AṚṚUUNGNGA 2:4

Napawe mala'ekatta udde buatte namasingkattu watti'a udde, walahannu Israel sarangkanambone nilumuai ringannu ma'ikkata.

MAL᷊AṚṚUUNGNGA 3:6

Walahannu Israel naawingken manga walahanna udde, wuṛṛu massubbate lai manga monganni mangitou.

MAL᷊AṚṚUUNGNGA 8:27

Wuassu wul᷊awanna udde, i Gideon na'ola'a sambau paal᷊uanna sassubbanna, ana see niaddo su ampungnge, eteudde su Ofra. Anambon taumatan Israel inaite poiaroddi massubba paal᷊uanna udde, na'oman sara i mangitou naabul᷊iten Ruata. Wuṛṛu olangnge udde maola'a sambau wal᷊ati'a si Gideon wuṛṛu al᷊aṛanangnge.