LUKAS 9:59 - WUKE SUSI WATTI'U AL᷊AL᷊USASSA

⁵⁹ See Mawu Yesus nabbisara su sangkatou waine, “Tantalongke si Ya'u.” Arawe taumata udde nabbisara, “Iamangnga wala'a i ya'u mapul᷊e asuene mallabingngu iamangku.”

LUKAS 9:59 Iomraidhean Croise

1 MARARATU 19:20

Ne i Elisa nanantangngu manga sapine wuṛṛu tinumal᷊angnga nangenggenna si Elia, lapiddu nabbisara, “Wala'e i ya'u mabbal᷊o asuene hagurangku, wua'udde i ya'u tumantalongnga si Papa.” I Elia sinumimbakka, “Roote. I ya'u tawe maningaddu.”

HAGAI 1:2

Mawu Apan Lembontaṛṛino nabbisara si Hagai, “Walahanna indi mabbisara manungku taambe tempone ipamangunna apia Wal᷊e-U.”

MATIUS 16:24

Wua'udde Mawu Yesus nabbisara su mallal᷊aṛṛenggen-Ne, “Taumata apan mallal᷊aṛṛenggenna si Ya'u, ṛinone tawe mannaungnga manarane, mamasanna arussane, wuṛṛu sidutu uatantalongnga si Ya'u.

MATIUS 6:33

Nariaddi paddea'e dorone tadea'u Ruata mamarenta sulal᷊ummu wiakku wuṛṛu tuṛṛutte apulu-Ne. Ne al᷊awo'u darotongnga waine lai sarun ionggolu Ruata si yamiu.

MATIUS 9:9

Wua'udde Mawu Yesus nanantangken tampa udde. Tantal᷊anna u'amatta i Tou naasilo sangkatou maddarorongnga wose, aranne i Matius, tantal᷊anna ua'ianna su tampa mallal᷊uṛṛu wose. Mawu Yesus nabbisara si tou, “Wette tantalongke si Ya'u!” Ne i Matius nirumarisikke wuṛṛu tinumantalongke Mawu Yesus.

LUKAS 9:60

Mawu Yesus sinumimbakka, “Wala'e taumata nate mallabingngu taumatane nate sassane. Arawe i'o roote wuṛṛu wal᷊oa'e watti'a manungku Ruata mannattakke mammarenta.”