LUKAS 9:55 - WUKE SUSI WATTI'U AL᷊AL᷊USASSA

⁵⁵ Mawu Yesus nanaile, see namul᷊o si mangitou.

LUKAS 9:55 Iomraidhean Croise

2 SAMUEL 19:22

Arawe i Daud nabbisara si Abisai wuṛṛu si Yoab iaangnge, “Ariete pallo'a su hatto indi. Anio i yamiu mapasusa'u? Su allo indi ya'u naola'e ratu apia su Israel, wuṛṛu tate wotongnge pia taumatan Israel apan iṛṛuumanna pateanna.”

AYUB 2:10

Sasimbakki Ayub, “I'o mabbisara naal᷊ihidda taumata longonna! Ṛatadde i ite tumba'u mappulu manengkamma apa apan apianne wuassu Ruata, wuṛṛu al᷊eoanne i ite maddiri?” Nariaddi, salaiwe i Ayub uapasanna anambon asasilaka udde, i tou tawe mapasabbangngu wisara apan lullawangnga Ruata.

AYUB 26:4

Wisaranu udde iwabbisara sisai? Isai nangaṛṛa'a si'o mabbisara ereudde?”

AYUB 42:6

Ana waugu udde i ya'u massili mannaungnga al᷊awo'u wisara'u wuṛṛu ringannu sussasilla i ya'u niuma'ianna sulal᷊ummu awu wuṛṛu leta'a.”

AMSAL 9:8

Imbaṛṛangnga mapasal᷊an taumata apan maddiri aṛṛaanna, i tou sarun maisaseennu. Arawe amungkangngu taumata pande ipantingidda pasasal᷊ane, i tou sarun mangaddatta si'o.

YEREMIA 17:9

Naungngu taumata tawe iaṛṛangngo, mappandeanna wuassu al᷊awo'a wuṛṛu tumaniten bahewalla raddangnge.

MATIUS 16:23

Mawu Yesus nanaile see nabbisara si Petrus, “Roote passal᷊iu wua isindi, Mamamono'a! I'o mannal᷊are si Ya'u. Ṛingiddu udde ṛingiṛṛannu taumata; wal᷊ine ṛingiṛṛannu Ruata!”

MATIUS 26:33

I Petrus nabbisara Mawu Yesus, “Wala'e i mangitou nambo manantangngu Iamangnga, i ya'u tawe manantangnga!”

MATIUS 26:41

Paariagate wuṛṛu aal᷊iomante tadea'u i yamiu tawe maasomba wawono'a. Atonna ghaṛṛahonu maapulu ma'ola'a apapia, arawe i yamiu tawe maataṛṛangnga ana waugu pallal᷊agun taumata udde lome.”

MATIUS 26:51

Su wallattu mallal᷊aṛṛenggen-Ne pia sangkatou isudde lai ringannu Mawu Yesus, nanawutta hal᷊elene wuṛṛu namilitta allangngu imam bahewa udde na'oman sara tal᷊ingane nattal᷊ei.

LUKAS 9:54

Ne su tempo manga mallal᷊aṛṛenggennu Mawu Yesus, eteudde i Yakobus wuṛṛu i Yohanes naasingkatta olangnge udde, i mangitou nabbisara, “Mawu, apa Mawu ma'apulu, i yami madorongnga putungnga sumossokka wuassu langitta ipamate manga taumata indi?”

LUKAS 9:56

Wua'udde i mangitou inaite su ampungnga waine.

YOHANES 16:9

I Tou sarun mapaal᷊iatta'a manungku tawe mangngimanna si Ya'u, udde lai rosa;

YAKOBUS 3:10

Wuassu moṛṛongnga apan sambau sumabanga manga wisara aadiangkamanna wuṛṛu lai wisara a'ane. Ṛinone tawe aroddi!

1 PETRUS 3:9

Arie mabbal᷊issu al᷊al᷊eo ringannu al᷊al᷊eo, ara'e lal᷊ela wal᷊isannu lai lal᷊ela; arawe wal᷊isete ringannu maddorongnga al᷊amatta wuassu Ruata. Ana waugu Ruata namaggo si yamiu tadea'u i yamiu manengkamma al᷊amatta wuassi Tou.

SONDAPPA 3:19

Manga taumata apan arangnguang-Ku, ete i mangitou apan Ta'u tagguanna wuṛṛu wabbal᷊anna. Ana waugu udde ṛinone i yamiu maṛṛimadda mammanara, wuṛṛu awal᷊ute wuassu manga rosanu.