LUKAS 9:44 - WUKE SUSI WATTI'U AL᷊AL᷊USASSA

⁴⁴ “Paatutuṛṛe pa'apia-pia wuṛṛu arie paabul᷊iane manga wisara-U indi: Ana'u Taumata sarun itantilla su taṛṛinon taumata.”

LUKAS 9:44 Iomraidhean Croise

2 SAMUEL 24:14

I Daud sinumimbakka, “Uare! Nasilakate i ya'u! Arawe wuassu i ya'u iṛṛuumannu taumata, mappianne i ite sarangkanambone iṛṛuumannu Mawu, ana waugu wahewalla darangngu-Ne.”

MATIUS 16:21

Nanattakka wuassu orassa udde, Mawu Yesus nabbisara ringannu uahahati su mallal᷊aṛṛenggen-Ne, manungku i Tou sarun inai su Yerusalem wuṛṛu mamendamma anambon asasusa wuassu manga piaṛṛangnge, manga imam tembonanne, wuṛṛu manga hurun agama. I Tou sarun pateanna, arawe su allo atallune i Tou sarun mabangunna apia.

MATIUS 26:2

“I yamiu masingkatta tillorege Allo Wahewam Paskah, wuṛṛu Ana'u Taumata sarun itantilla iapaarussa!”

MARKUS 8:31

Wua'udde, Mawu Yesus nanattakke mangngaṛṛa'a mallal᷊aṛṛenggen-Ne manungku Ana'u Taumata sarun matataṛṛangngu anambon asasusa, wuṛṛu ipaseettu manga tembonanne, manga imam tembonanne wuṛṛu manga hurun agama. I Tou sarun pateanna, arawe su allo atallune i Tou sarun mabangunna apia.

MARKUS 9:31

ana waugu i Tou tantal᷊anna mangngaṛṛa'a mallal᷊aṛṛenggen-Ne. “Ana'u Taumata sarun itantilla su taṛṛinon taumata,” aroddi unnu Mawu Yesus, “wuṛṛu i Tou sarun pateanna, arawe su allo atallune i Tou sarun mabangunna apia!”

LUKAS 1:66

Anambon taumata apan naaringikka olangnge udde naiwal᷊o sulal᷊ummu naungnge, “Maola'e apa ana'a udde sal᷊immurine?” Ana waugu Mawu uaṛṛundinganna si tou.

LUKAS 18:31

Mawu Yesus nangammullu sire mapul᷊o dua mallal᷊aṛṛenggen-Ne su sambau see nabbisara, “Padaringikka! I ite orassa indi mabatukku Yerusalem. Poiaroddi, sarangkanambone apan niwoṛṛettu manga nabi su ola'u Ana'u Taumata sarun matipussa.

LUKAS 2:19

Arawe i Maria nanahipunna sarangkanambone udde sulal᷊ummu naungnge wuṛṛu iraṛṛingida.

LUKAS 2:51

Wua'udde Mawu Yesus napul᷊ete su sampunna ringanni mangitou watukku Nazaret, wuṛṛu uararingikka si mangitou. Anambon inolaanna udde sasahipunannu inangnge sulal᷊ummu naungnge.

LUKAS 24:44

Wua'udde i Tou nabbisara si mangitou, “Ete indi manga inolaanna apan suete Ta'u niwal᷊o si yamiu su tempo i Ya'u ta'e su sambau ringanni yamiu manungku manga inolaanna apan uawoṛṛetta matataṛṛino si Ya'u sulal᷊ummu manga wuke Musa, Manga Nabi, wuṛṛu Mazmur, ṛinone matipussa.”

LUKAS 9:22

Mawu Yesus nabbisara apia, “Ana'u Taumata sarun matataṛṛangnga wuṛṛu ipasseettu manga piaṛṛangnge wuṛṛu manga imam tembonanne, see manga hurun agama. I Tou sarun pateanna, arawe su allo atallune sarun iapawangunna apia.”

YOHANES 16:31

Mawu Yesus sinumimbakka si mangitou, “Nariaddi orassa indi yamiu mangngimanna?

YOHANES 16:4

Arawe orassa indi iwal᷊o-U olangnge udde si yamiu, tadea'u amungkangngu udde mariaddi murine, i yamiu maanaungnga manungku i Ya'u suete namasingkatta si yamiu.” “Hatto indi tawe Ta'u niwal᷊o si yamiu ro'en paarorone, ana waugu i Ya'u ta'e su sampunna ringanni yamiu.

YOHANES 19:11

Mawu Yesus sinumimbakka, “Amungkangngu Ruata tawe mangonggolu taṛṛino udde si'o, i'o atonna-tonna tawe taṛṛino su riri-U. Ana waugu udde taumata apan nanantillu riri-U si'o, magewal᷊anna rosane wuassu rosanu.”

WATTI'U MANGA RASUL 2:23

Ere su ṛingiṛṛan-Ne sassane, Ruata naṛṛawessa, i Tou manantillu Mawu Yesus si yamiu. Wuṛṛu su tempo i Tou tinantilla, i yamiu namate si Tou ringannu namala manga taumata lal᷊eo nangarussan Tou.

IBRANI 2:1

Ana waugu udde i ite ṛinone lembon mangaggasa atonna-tonna manga al᷊aṛṛa'a apan suete niaringiṛṛani ite, tadea'u i ite tawe manantangngu pangangimanni ite.