LUKAS 9:43 - WUKE SUSI WATTI'U AL᷊AL᷊USASSA

⁴³ Awadaalla naherangnga naasilo taṛṛinon Ruata aroddi ahewalle. Su tempo manga taumata ta'e tuttiangnga naasilo sarangkanambone apan niolang-Nge, Mawu Yesus nabbisara su mallal᷊aṛṛenggen-Ne,

LUKAS 9:43 Iomraidhean Croise

DARALO 139:14

I ya'u maddalo Si'o ana waugu apapia-Nu si ya'u nipangillembo! Al᷊awo'u inolaan-Nu maaheranga wuṛṛu maatiangnga, i ya'u atonna-tonna naatutukke.

ZAKARIA 8:6

Olangnge udde aellehanna ere ola'u tawe masutta su ṛingirannu manga taumata apan ta'e mabbiakka wuassu walahanna indi, arawe udde atonna si Ya'u.

MATIUS 17:22

Napawe manga mallal᷊aṛṛenggennu Mawu Yesus naammulle su Galilea, Mawu Yesus nabbisara si mangitou, “Tate mal᷊annu lai Ana'u Taumata sarun itantilla su apulun taumata.

MARKUS 6:51

See i tou sinuma'ete saalanni mangitou, wuṛṛu anginna nol᷊ote. Mallal᷊aṛṛenggennu Mawu Yesus mangke naherangnga atonna.

LUKAS 18:43

Orassa udde lai i tou naasilote, see i tou tinumantalongke Mawu Yesus ringannu ma'adiangkamanna su Ruata. Napawe taumata nambo udde naasilote olangnge udde, i mangitou nambo nadalote Ruata.

LUKAS 4:36

Awada'alla naherangnga, wuṛṛu uahahattote sangkatou ringannu sangkatou, “Wal᷊ine hampa al᷊awo'u wisara-Ne. Ringannu saṛṛaungnga wuṛṛu taṛṛino, i Tou namarenta manga ghaṛṛaho lal᷊eo niapaasabangnga wuṛṛu i mangitou sinumabangke lai!”

LUKAS 5:26

I mangitou sarangkanambone naherangnga atonna see i mangitou nadalote Ruata. Wuṛṛu ringannu apendamma matta'utta, i mangitou mabbisara, “Maaṛṛindu'a atonna arariaddianna apan niasiloanni ite su allo indi!”

LUKAS 5:9

I Simon wuṛṛu anambon taumata ringanni tou naherangnga naasilo inassa manambo apan niahauanni mangitou udde.

LUKAS 8:25

See Mawu Yesus nabbisara mallal᷊aṛṛenggen-Ne, “Anio i yamiu tawe mangngimanna si Ya'u?” I mangitou naherangnga wuṛṛu nata'utta. Wuṛṛu uahahattote i mangitou sangkatou ringannu waine, “Isai ṛinone taumata indi na'oman sara namarenta anginna wuṛṛu lua'a, wuṛṛu parenta-Ne tinuṛṛutanna!”

LUKAS 9:42

Tantal᷊anna ana'a udde u'amatta mattuda Mawu Yesus, ghaṛṛaho lal᷊eo udde nangema'i tou wuṛṛu wadangnge iwabantikke. Arawe Mawu Yesus namarenta ghaṛṛaho lal᷊eo udde niapaasabangnga see napiate ana'a udde. See ana'a udde tinantille apia su iamangnge.

2 PETRUS 1:16

Su tempo i yami namasingkatta si yamiu aroddi awantuge daranta Mawun kite Yesus Kristus, i yami tawe uatundeetta su manga wa'e iaaṛṛa'u taumata. Awawantugi Kristus udde suete niasiloanni ami ringannu matan kami sassane.