LUKAS 9:41 - WUKE SUSI WATTI'U AL᷊AL᷊USASSA

⁴¹ Mawu Yesus sinumimbakka, “Wal᷊ine hampa i yamiu indi! I yamiu atonna manga taumata apan maṛṛusal᷊a wuṛṛu tawe mangngimanna! Ma'oman sara tingngera i Ya'u matana'a suadio'a ringanni yamiu wuṛṛu manabare si yamiu? Apira'e anangngu udde isindi!”

LUKAS 9:41 Iomraidhean Croise

2 MARARATU 5:8

I Nabi Elisa naaringikka olange udde, lapiddu nananata su ratun Israel, “Anio sussinggawanga? Doloṛṛa'a taumata udde inawarendi ringangku tadea'u i tou maasingkatta manungku su Israel indi pia sangkatou nabi!”

DARALO 78:8

tadea'u i mangitou tawe mangaṛussa iupungngu al᷊amonan mangitou apan apulune mammangalo wuṛṛu mandal᷊eo; pallal᷊awanna apan matul᷊u pangangimanne, wuṛṛu tawe maddaringikka Ruata.

SASABANGNGA 10:3

Ana see i Musa wuṛṛu i Harun inaite sinumaruanna ratu wuṛṛu nabbisara si tou, “Mawu, Ruatan balahannu Ibrani, nabbisara, ‘Sara tingngera i'o tawe massuṛṛubawa si Ya'u? Wala'awe al᷊aṛṛana'U inai, tadea'u i mangitou wotongnge mattaṛṛamawu si Ya'u.

SASABANGNGA 16:28

Ana see Mawu nabbisara si Musa, “Ma'oman sara tingngera i yamiu tawe tumuṛutta manga parenta-U?

YEREMIA 4:14

Yerusalem, rammea'e al᷊al᷊eonu wuassu naungngu tadea'u i'o masal᷊amatta. Ma'oman sara tingngera manga ṛingiranna lal᷊eo udde sahipunanna sulal᷊ummu naungngu?

REENGANNA 14:11

Mawu nabbisara si Musa, “Ta'e pira tempo lai al᷊annune manga taumata indi lullawangnga si Ya'u? Sara tingngera i mangitou maddiri mangimanna si Ya'u, salaiwe i Ya'u buatte na'ola'a aroddi anambone al᷊aṛṛidu'a su wallati mangitou?

REENGANNA 14:27

“Sara tingngera manga taumata lal᷊eo udde sussamboṛṛe si Ya'u? Anambon sasal᷊iomanni mangitou i Ya'u na'aringikke.

MATIUS 11:28

Rantate ringang-Ku i yamiu sarangkanambone apan nal᷊otakke, wuṛṛu uapendamma winabbawa mawakkatta; i Ya'u sarun mappaaul᷊eng kamiu.

MATIUS 12:39

“Aral᷊eo wuṛṛu al᷊awangnga eteapa, manga taumata su tempo indi!” sasimbakku Mawu Yesus. “I yamiu maddorongnga i Ya'u ma'ola'a al᷊aṛṛindu'a? I yamiu tawe onggol᷊annu sambau al᷊aṛṛindu'a udde, tumba'u al᷊aṛṛindu'a wuassi Nabi Yunus.

MATIUS 12:45

See i tou inaite wuṛṛu nangapiddu pitu ghaṛṛaho waine apan nangillembon aral᷊eone wuassi tou. Wua'udde i mangitou sinumuttate sulal᷊ummu taumata udde, see natana'a isudde. Wuṛṛu panginsueanne taumata udde niatambanna aral᷊eone wuassu paarorone. Udde lai sarun mariaddi su manga taumata lal᷊eo su tempo indi.”

MATIUS 16:4

“Tumaniten dal᷊eo manga taumata tempo indi. I yamiu maddorongnga i Ya'u ma'ola'a al᷊aṛṛindu'a. I yamiu tawe onggol᷊anna saran sambau al᷊aṛṛindu'a, tumba'u al᷊aṛṛindu'i Nabi Yunus.” Napawe suete nabbisara aroddi, Mawu Yesus nanantangke mangitou, see napul᷊ete.

MATIUS 17:17

Mawu Yesus sinumimbakka, “Wal᷊ine hampa i yamiu indi! I yamiu atonna tonna taumata apan wengkolla wuṛṛu tawe mangngimanna. Ma'oman sara tingngera i Ya'u ṛinone uatana'a ringanni yamiu wuṛṛu manabare su al᷊al᷊eong kamiu? Apira'e ana'a udde inawarea!”

MATIUS 23:36

Pangimante: sarangkanambone udde sarun maola'a winabbawa manga taumata su tempo indi!”

MATIUS 3:7

Manambo lai taumatan Farisi wuṛṛu Saduki nirumanta ringanni Yohanes maisaṛṛani. Arawe su tempo i tou naasilo si mangitou nirumanta, i tou nabbisara si mangitou, “I yamiu taumata lal᷊eo! Isai suete nabbal᷊o manungku i yamiu mal᷊iudda wuassu ṛuumannu Ruata apan sarun rumanta?

MARKUS 10:14

Naasilo olangnge udde Mawu Yesus namul᷊o see i Tou nabbisara mallal᷊aṛṛenggen-Ne, “Wala'e al᷊aṛṛana'a udde rumanta ringang-Ku! Arie passingara'a i mangitou, ana waugu ete taumata ereindi maola'a lal᷊oṛṛon araratuannu Ruata.

MARKUS 10:49

Ne Mawu Yesus nattaalle see nabbisara, “Wagoite i tou.” Nariaddi i mangitou namagote taumata wuta udde. I mangitou nabbisara si tou, “Paal᷊annabe! I'o wabagoannu Mawu Yesus, pabbuatte!”

MARKUS 9:19

Ne Mawu Yesus nabbisara si mangitou, “Tawe hampa i yamiu indi! I yamiu atonna-tonna taumata apan tawe mangngimanna. Ma'oman sara tempo suapa i Ya'u sarun matana'a su sampunna ringanni i yamiu wuṛṛu manabare su al᷊al᷊eong kamiu? Apira'e ana'a udde isindi!”

LUKAS 8:25

See Mawu Yesus nabbisara mallal᷊aṛṛenggen-Ne, “Anio i yamiu tawe mangngimanna si Ya'u?” I mangitou naherangnga wuṛṛu nata'utta. Wuṛṛu uahahattote i mangitou sangkatou ringannu waine, “Isai ṛinone taumata indi na'oman sara namarenta anginna wuṛṛu lua'a, wuṛṛu parenta-Ne tinuṛṛutanna!”

LUKAS 9:40

I ya'u suete naitul᷊ungnga su mallal᷊aṛṛenggenni Iamangnga mallimbuakka ghaṛṛaho udde, arawe i mangitou tawe naal᷊imbuakka.”

LUKAS 9:42

Tantal᷊anna ana'a udde u'amatta mattuda Mawu Yesus, ghaṛṛaho lal᷊eo udde nangema'i tou wuṛṛu wadangnge iwabantikke. Arawe Mawu Yesus namarenta ghaṛṛaho lal᷊eo udde niapaasabangnga see napiate ana'a udde. See ana'a udde tinantille apia su iamangnge.

YOHANES 14:9

Arawe Mawu Yesus sinumimbakka, “Mal᷊annute i Ya'u su sambau ringanni yamiu, i yamiu taambe lai naaillal᷊a si Ya'u, Filipus? Taumata apan naasilote si Ya'u, naasilote lai Iamangnga. Ereapa i'o wotongnge mabbisara, ‘Ta'ea'a Iamangnga si yami’?

YOHANES 20:27

Wua'udde Mawu Yesus nabbisara si Tomas, “Pa'ellege lima-U, wuṛṛu addoa'e tal᷊imadonu isindi. Ul᷊uṛṛa'e limanu wuṛṛu addoa'e su sandiṛṛang-Ku. Arie mapapadua lai ewe'e pangimante!”

WATTI'U MANGA RASUL 13:18

I Tou masabare su pallal᷊agu mangitou su wadda'a appattu pul᷊o su tonnane al᷊annune.

WATTI'U MANGA RASUL 2:40

Ete aroddi i Petrus mannal᷊a'a si mangitou. Wuṛṛu ringannu wisara apan manambo waine lai i tou nandolokki mangitou tadea'u i mangitou mapaal᷊iun watanganne wuassu walahanna apan dal᷊eo indi apan sarun iṛṛuumannu Ruata.

ROMA 2:4

Ara'e i yamiu mangngadio'a darangngu Duata wuṛṛu ahewallu naung-Nge see asasabare-Ne apan aroddi ahewalle? I yamiu masingkatta manungku Ruata mapaal᷊iatta'u apapia naung-Nge ana waugu i Tou maapulu tadea'u i yamiu mawal᷊u wuassu manga rosanu.

TAHIUL᷊E 32:5

Arawe ete i yamiu walahanna apan mal᷊awangnga, wuṛṛu tate lai sulal᷊anne maola'a al᷊aṛṛanang-Nge, walahanna apan napenen pallal᷊inga wuṛṛu rosa.

IBRANI 3:19

Orassa indi i ite naasunnate manungku i mangitou tawe maasutta, ana waugu i mangitou tawe mangngimanna Ruata.

IBRANI 4:11

Ana waugu udde, wette i ite maddea'a ringannu atonna-tonna ana see maasengkamma allom pangangillol᷊oanna apan suete nipa'iren Ruata udde. Arie pia sangkatou wuassi ite tawe maasomba ere i mangitou rorone, ana waugu tawe mangngimanna Ruata.

IBRANI 4:2

Ana waugu Watti'u Al᷊al᷊uassa udde suete niapaasingkata si ite ere lai si mangitou. Arawe si mangitou watti'a udde tawe gunane. Ana waugu su tempo i mangitou naaringikka, i mangitou tawe mangngimanna.

IBRANI 7:25

Ana waugu udde saran mal᷊annu-l᷊annu Mawu Yesus wotongnge manal᷊amatta manga taumata apan nirumanta ringannu Ruata sulal᷊ummi Tou, ana waugu i Tou mabbiakka saran mal᷊annu-l᷊annu ipangapiddu sasal᷊ande su Ruata, hunane su manga taumata udde.