LUKAS 9:34 - WUKE SUSI WATTI'U AL᷊AL᷊USASSA

³⁴ Tantal᷊anna i Petrus ta'e uahahatto, nirumantate winabbawa, wuṛṛu nangooppa si mangitou na'oman sara i mangitou nata'utta.

LUKAS 9:34 Iomraidhean Croise

YESAYA 19:1

Eteindi tanata su ola'u Mesir. Mawu nirumanta su Mesir uasa'e winabbawa apan mal᷊ihakka. Manga paal᷊uannu Mesir mangngiladda su saruan-Ne wuṛṛu taumata Mesir naurangnga naungnge.

DANIEL 10:8

I ya'u nitantanga isudde sassane, lapidu mannutukka aellega apan maatiangnga udde. I ya'u nallomete wuṛṛu hati'u namikkassa.

LUKAS 9:33

Su Tempo ruang katou udde manantangke Mawu Yesus, i Petrus nabbisara Mawu Yesus, “Iamangnga Huru, mapia atonna i ite isindi. Mappianne i yami mapararisikku rasanna tatallu; sambau si Tuangnga, sambau si Musa wuṛṛu sambau lai si Elia.” (I Petrus nabbisara aroddi arawe tawe maasunna wisarane udde.)

LUKAS 9:35

Wua'udde wuassu winabbawa udde niaringiṛṛanna tinggikka mabbisara, “Ete indi Ana'u apan Ta'u pinile. Padaringikka si Tou!”

SONDAPPA 1:17

Su tempo i ya'u naasilo, i ya'u nassumaga su saruan-Ne ere taumata nate. Arawe i Tou namitan lima-Ne aikkatanna si ya'u see nabbisara, “Arie paata'utta! Ete i Ya'u apan paarorone wuṛṛu pangudusanne.

MAL᷊AṚṚUUNGNGA 13:22

Ana see i Manoah nabbisara awingnge, “Iaddua sarun mate ana waugu iaddua buatte naasilo Ruata!”

MAL᷊AṚṚUUNGNGA 6:22

I Gideon naatutukka manungku apan nirumanta ringanni tou udde mala'ekattu Mawu sassane. Ne ringannu matta'utta i Gideon nabbisara, “Nasilakate i ya'u, oh Mawu Apan Atanggaṛṛanne! Ana waugu i ya'u buatte nasasaruannu mala'ekan-Nu!”