LUKAS 9:19 - WUKE SUSI WATTI'U AL᷊AL᷊USASSA

¹⁹ I mangitou sinumimbakka, “Piaddu nabbisara i Yohanes Mananaṛṛani. Piaddu lai mabbisara i Elia, waine lai nabbisara su wallattu sangkatou nabi su tempon al᷊amona apan nabbiakke apia.”

LUKAS 9:19 Iomraidhean Croise

MALEAKHI 4:5

Arawe tantal᷊anna taambe allo apan wahewalla wuṛṛu masaddata apan Ta'u tinantunna udde a'omanna, sarun irolokka ringanni yamiu Nabi Elia.

MATIUS 14:2

I Herodes nabbisara su manga tepellene, “Natantunte indi Yohanes Mananaṛṛani nabbiakke apia wuassu papate! Ana waugu udde i tou pia taṛṛino ma'ola'a al᷊aṛṛindu'a.”

MATIUS 3:1

Su tempo udde nirumantate i Yohanes Mananaṛṛani su wadda'u Yudea wuṛṛu nanattakke mannase.

MARKUS 6:14

Manga watti'a su ola'u anambon arariadianna udde na'omate lai ringanni Ratu Herodes, ana waugu arannu Mawu Yesus niasingkatante su al᷊awo'u tampa. Pia taumata mabbisara, “I Yohanes Mananaṛṛani nabbiakke apia! Ana waugu udde i tou pia taṛṛino ma'ola'a al᷊aṛṛindu'a udde.”

MARKUS 6:15

Arawe manga taumata waine mabbisara, “I tou i Elia.” Pia lai mabbisara, “I tou nabi, ere sangkatou su wallattu manga nabi su tempo paarorone.”

LUKAS 9:18

Su sambau allo, napawe Mawu Yesus tantal᷊anna u'al᷊iomanna sassane, mallal᷊aṛṛenggen-Ne nirumanta ringanni Tou. Mawu Yesus naiwal᷊o si mangitou, “Tumuṛṛuttu wisaran taumata, i Ya'u indi isai?”

LUKAS 9:20

“Arawe tumuṛṛutta si yamiu sassane, i Ya'u indi isai?” aiwal᷊o Mawu Yesus. I Petrus sinumimbakka, “Iamangnga eteudde Ratu Punnu Sal᷊amatta apan pina'iren Ruata.”

YOHANES 1:21

“Amungkangngu aroddi, i'o isai?” aiwal᷊o mangitou. “Apa i'o i Elia?” “Wal᷊ine,” sasimbakki Yohanes. “Apa i'o sangkatou Nabi?” aiwal᷊o mangitou apia. “Wal᷊ine,” sasimbakki tou.

YOHANES 1:25

naiwal᷊o, “Amungkangngu i'o wal᷊ine Ratun Punnu Sal᷊amatta, wal᷊ine i Elia, wal᷊ine lai sangkatou Nabi, anio i'o mannaṛṛani?”

YOHANES 7:40

Manambo taumata ma'aringikka apa apan niwisara Mawu Yesus, wuṛṛu su wallatti mangitou piaddu mabbisara, “Taumata indi natantunna ete Nabi udde!”

YOHANES 9:17

Ne manga taumatan Farisi udde naiwal᷊o apia su taumata udde, “Apa addapannu su ola'i Tou apan naapia si'o na'oman sara naasilo?” “I Tou sangkatou nabi,” sasimbakku taumata udde.