LUKAS 8:6 - WUKE SUSI WATTI'U AL᷊AL᷊USASSA

⁶ Pia lai nanawo su tampa manambo watune. Su tempo wualanna udde tuttuwote, sinuananna udde tinumolangnga ana waugu letangnge mamara.

LUKAS 8:6 Iomraidhean Croise

YEREMIA 5:3

Mangke atonna raddorongannu Mawu eteudde tatuṛṛutta. Mawu namuulla si yamiu, arawe i yamiu ma'ielen bagga. I tou nakkimunsa'a si yamiu, arawe i yamiu maddiri aṛṛaanna. I yamiu puane maattikka, wuṛṛu maddiri mawal᷊u wuassu manga rosanu.

YEHEZKIEL 11:19

I mangitou sarun Ta'u onggol᷊annu naungnga apan bakku wuṛṛu pallal᷊agu apan bakku. Naungngi mangitou apan aatikke ere watu sarun Ta'u anuanna wuṛṛu Ta'u hantiannu naungnga apan matuṛṛutta si Ya'u.

YEHEZKIEL 36:26

Ne i yamiu Ta'u onggol᷊annu naungnga apan bakku wuṛṛu ṛingiṛṛanna apan bakku. Naungngu apan maatikka ere watu udde sarun Ta'u hantiannu naungnga apan matuṛṛutta.

AMOS 6:12

Wotongngewe awal᷊o tumal᷊angnga su wuiddu watu? Apa buatte taumata mammajeko tahal᷊oangnga ringannu sapi? Arawe i yamiu buatte namal᷊elongngu atatul᷊idda naola'a sukkatta apan naapate, wuṛṛu iapa naṛṛino maola'a nassal᷊a.

LUKAS 8:13

Wualanna apan nanawo su leta'a pia batune isassumandingnga su taumata napawe naaringikka watti'a udde, nanengkamma ringannu naungnge mal᷊uassa. Arawe watti'a udde tawe naṛṛamutta sulal᷊ummu naungnge. I mangitou mangngimanna tal᷊ang kadio'a, wuṛṛu napawe wawono'a nirumanta, i mangitou nassinaada.

LUKAS 8:5

“Sangkatou mabawailla inai mangasi'u wualanna. Su tempo i tou mangngasi'a, pia bualanna nanawo su lal᷊anna. Sangkawageanganna nisal᷊edanannu taumata wuṛṛu waine lai niannu manu'a.

LUKAS 8:7

Pia lai bualanna nanawo su tangngan ahuranganna ṛoaanna. Ahuranganna ṛoaanna udde tinumuwo su sambau ringannu wualanna udde, wuṛṛu nangangkuba na'oman sara nate.

IBRANI 3:15

Ete indi apan uawoṛṛetta sulal᷊ummu Wuke Susi, “Amungkangu su allo indi yamiu naaringikka tingikku Ruata, imbaṛṛanga i yamiu tawe madaringikka, ere iupungngu al᷊amona, su tempo i mangitou lullawangnga Ruata.”