LUKAS 8:43 - WUKE SUSI WATTI'U AL᷊AL᷊USASSA

⁴³ Su wallatti mangitou pia sangkatou wawine apan mapul᷊ote dua su tonnane uapendamma rada'u wawine. I tou suete nanginsue manga darotongnge iapa'undamma su doktere, arawe tawedu sangkatou apan naapia si tou.

LUKAS 8:43 Iomraidhean Croise

2 TAWARIKH 16:12

Su tonna tallum pul᷊o Sio sutempo i tou uaparenta, i Asa namendamma radda'a apan masaddatta su leddane ruan ba'a. Salaiwe aroddite, i tou tawe maiontolla su Mawu, ewe'e su mangangundamma. Rua tonna wua'udde i tou natete.

AYUB 13:4

Ana waugu i yamiu mammunin awawoddon kamiu ringannu wawahia, tawe paṛṛalane ere manga tonaassa mammahia.

DARALO 108:12

Oh Ruata, I'o talawe tumantalonga suadio'a ringanni yami? I'o talawe inai suadio'a ringannu tantaran kami?

YESAYA 2:22

Nariaddi, ariete pangantimma su taumata apan mattate, ana waugu i tou tawe aregane.

MARKUS 12:44

Ana waugu i mangitou sarangkanambone suete nangonggolu leben darotongnge. Arawe wawine wal᷊u udde salaiwe tumaniten asiangnga nangonggolu sarangkanambone apan tatahuananne – eteudde apan pia gunane su pabiaṛṛanne.”

MARKUS 9:18

Amungkangngu ghaṛṛaho udde sumutta si tou, wadangnge iwabatingnge su leta'a, moṛṛongnge lullupa, isine ia'gaṛṛagitta wuṛṛu ahewallu wadangnge mannottoga. I ya'u nadorongnga mallal᷊aṛṛenggennu Iamangnga mallimbuakka ghaṛṛaho lal᷊eo udde, arawe i mangitou tawe maal᷊imbuakka.”

LUKAS 13:11

Isudde pia wawine mapul᷊ote ual᷊u su tonnane marada'a, ana waugu pia ghaṛṛaho lal᷊eo sulal᷊ummu wadangnge. Wawine udde uaal᷊udungnga wuṛṛu tawe maararisikka matul᷊ida.

LUKAS 13:16

Ne, orassa indi pia sangkatou wawine papapulunni Abraham, apan mapul᷊ote ual᷊u su tonnane al᷊annune aiitannu Setanna. Apa i tou tawe iapaapallossa wuassu aiitta udde su allon Sabatta?”

LUKAS 8:27

Napawe Mawu Yesus nilumintukke su ammaranne, i Tou nirantannu sangkatou esakka apan niasuttannu ghaṛṛaho lal᷊eo. Taumata udde wuassu soa. Mal᷊annute i tou uatantol᷊e wuṛṛu maddiri matana'a su wal᷊e. I tou tumba'u maapulu matana'a su manga liangnga tampam pallabinganna.

LUKAS 8:42

ana waugu anangnge wawine man sambau uukke mapul᷊o dua su tonnane maranite mate. Tantal᷊anna Mawu Yesus u'amatta watukku wal᷊en Yairus, manga taumata mangke mannesse'i Tou wuassu al᷊awo'u tampa.

LUKAS 8:44

Wawine udde nangundani Mawu Yesus wuassu liudde, see nangindingnga pentakku jubah-Ne. Orassa udde lai rada'u wawine udde napia.

YOHANES 9:1

Su tempo Mawu Yesus u'amatta, i Tou naasilo sangkatou wuta ro'eniariaddine.

YOHANES 9:21

Arawe ereapa i tou naasilote orassa indi, i yami wagga. Wuṛṛu isai apan nangundamma si tou wotongnge naasilo, udde lai yami wagga. Pa'iwal᷊ote si tou, i tou timmaddete; i tou wotongngete sumimbakka sassane.”

WATTI'U MANGA RASUL 3:2

Poiaroddi ngara wahewa apan isassago “Ngara Maṛṛamaga”, pia sangkatou esakka lome ro'en dariaddine. Miallo-miallo taumata udde ia'apidda isudde iaparorongnga su manga taumata apan sumutta su Wal᷊e Mawu.

WATTI'U MANGA RASUL 4:22

Taumata apan suete niapaapia udde appatem pul᷊o su tonnane pia lebene uukke.