LUKAS 8:42 - WUKE SUSI WATTI'U AL᷊AL᷊USASSA

⁴² ana waugu anangnge wawine man sambau uukke mapul᷊o dua su tonnane maranite mate. Tantal᷊anna Mawu Yesus u'amatta watukku wal᷊en Yairus, manga taumata mangke mannesse'i Tou wuassu al᷊awo'u tampa.

LUKAS 8:42 Iomraidhean Croise

AYUB 4:20

Riadianna sussangngo udde wiakka su marua allo, wua'udde mate maṛṛangu sutempo wawallo, wuṛṛu saran mal᷊annu-l᷊annu tate lai naunganna.

MANNANASE 6:12

Ereapa taumata maasingkatta apa apan apianne si tou sulal᷊ummu pabbiaṛṛanne apan maautta wuṛṛu tawe gunane, wuṛṛu apan sinumabbi ere lintau? Ereapa sangkatou taumata wotongnge maasunna apa apan sarun mariaddi su runia indi napewe i tou natete?

YEHEZKIEL 24:16

“Ei taumata apan mattate, ringannu mamaṛṛoro i Ya'u sarun mangal᷊appa taumata apan arangnguang-Ku. Arawe i'o tawe wotongnge lumallu wuṛṛu lumuai, ara'e lai mamalan allom matanu ual᷊aikka.

YEHEZKIEL 24:25

Mawu nabbisara si ya'u, “Ne, taumata apan mattate, sarun Ta'u anuanna wuassi mangitou Wal᷊e-U apan matohassa udde, apan buatte naola'a ilalluassa wuṛṛu ilallala'i mangitou, wuṛṛu apan a'ellehanna wuṛṛu tattemboanni mangitou ringannu al᷊al᷊uassu naungnga. See i Ya'u sarun manganu al᷊aṛṛana'i mangitou.

ZAKARIA 12:10

Wua'udde papapulunni Daud see tumana'u Yerusalem sarun Ta'u onggol᷊annu naungnga masingkatta umakkanna wuṛṛu mappulu umal᷊iomanna. I mangitou sarun ma'ellega si tou apan buatte niusu'i mangitou wuṛṛu lumallu ere taumata lulluain anangnge man sambau. I mangitou sarun lumallu ringannu sussangitta, naal᷊ihidda ere taumata apan niawul᷊iannu ana'a pahul᷊u.

MARKUS 5:24

Ne Mawu Yesus inaite su sampunna ringanni Yairus. Manambo taumata uatantalongnga si Tou wuṛṛu mannesse'i Tou wuassu al᷊awo'u tampa.

LUKAS 7:12

Su tempo Mawu Yesus na'omate marani ngara pasallungannu su soa udde, pia taumata manambo uapasanna asuangnga watukku liuddu soa. Taumata nate udde ana'a esakka man sambau wuassu sangkatou wawine wal᷊u. Manambo taumata lal᷊oṛṛon soa uaṛṛundingannu inangnge.

LUKAS 8:41

See nirumanta sangkatou tembonannu wal᷊em pattataṛṛamawuanna isudde. Aranne i Yairus. I tou nassubba su saruannu Mawu Yesus wuṛṛu sinumal᷊ande tadea'u Mawu Yesus rumanta su wal᷊ene,

LUKAS 8:43

Su wallatti mangitou pia sangkatou wawine apan mapul᷊ote dua su tonnane uapendamma rada'u wawine. I tou suete nanginsue manga darotongnge iapa'undamma su doktere, arawe tawedu sangkatou apan naapia si tou.

LUKAS 8:45

Mawu Yesus naiwal᷊o, “Isai nangindingnga si Ya'u?” Anambon taumata nassinaada. See i Petrus nabbisara, “Iamangnga, manambo atonna taumata uapal᷊iwutta su Iamangnga; i mangitou mangke mannesse'i Iamangnga!”

ROMA 5:12

Rosa sinumutta sulal᷊ummu runia wuassu sangkatou taumata, wuṛṛu wuassu rosa udde nilumappute papate. Sombangnge, papate udde nangeṛṛoten anambon taumata, ana waugu sarangkanambone marosate.