LUKAS 8:39 - WUKE SUSI WATTI'U AL᷊AL᷊USASSA

³⁹ Arawe Mawu Yesus nandolokki tou napul᷊e, wisara-Ne, “Apul᷊ete wuṛṛu wattia'e apa apan suete niola'u Ruata si'o.” Ne taumata udde napul᷊ete wuṛṛu nabbatti'e su ahewallu soa, al᷊awo'u inolaanna apan suete niola'u Mawu Yesus si tou.

LUKAS 8:39 Iomraidhean Croise

DARALO 66:16

Rantate wuṛṛu paddaringikke, ei anambon taumata apan ma'imanna, i ya'u sarun mabbatti'u sarangkanambone apan niola'u Ruata si ya'u.

MARKUS 1:45

Arawe taumata udde inaite, wuṛṛu mangke tawe illol᷊one mabatti'u inolaanna udde su al᷊awo'u tampa, na'oman sara Mawu Yesus tate naasutta su soa ringannu mal᷊uassa. I Tou tumba'u uatana'a su liuddu soa su tampa apan mal᷊annaba. Arawe taumata sidutu lai rudanta ringanni Tou wuassu al᷊awo'u tampa.

MARKUS 5:18

Su tempo Mawu Yesus sinuma'ete su saalanna, taumata apan tanginna paparentannu ghaṛṛaho lal᷊eo udde sinumal᷊ande Mawu Yesus, tadea'u i tou wotongnge tumantalongnga.

MARKUS 5:19

Arawe Mawu Yesus maddiri, wisara-Ne, “Apul᷊ete wuṛṛu wal᷊oa'e su manga tuṛṛangngu apa apan suete niola'u Mawu si'o wuṛṛu aroddi apiane i Tou si'o!”

LUKAS 8:38

Taumata apan napallosse wuassu ghaṛṛaho lal᷊eo udde sinumal᷊ande Mawu Yesus tadea'u i tou wotongnge tumantalongnga.

LUKAS 8:40

Napawe Mawu Yesus nabelengke su samba'an rano, i Tou nisal᷊ohoannu manga taumata ringannu al᷊al᷊uassa ana waugu i mangitou tantal᷊anna ual᷊aṛṛado si Tou.

YOHANES 4:29

“Wette pa'ellega taumata apan suete namasingkatta si ya'u al᷊awo'u arariaddianna apan suete niola'u. Asinungka i Tou Ratum Punnu Sal᷊amatta?”

TAHIUL᷊E 10:21

Paddalote si Tou, ana waugu i Tou Mawu Ruatanu. Ringannu mata wuṛṛu puanu sassane i yamiu naasilote manga inolaanna apan bahewalla wuṛṛu ma'ata'utta apan niola'i Tou si yamiu.

1 TIMOTIUS 5:8

Arawe amungkangu pia taumata apan tawe mamaddul᷊i manga tuṛṛange, nangillembo ete lal᷊oṛṛon bal᷊ene sassane, taumata udde nassinaaddu pangangimanne; i tou maddal᷊eoanne wuassu taumata apan tawe mangngimanna.