LUKAS 8:29 - WUKE SUSI WATTI'U AL᷊AL᷊USASSA

²⁹ Taumata udde nabbisara aroddi ana waugu Mawu Yesus namarenta ghaṛṛaho lal᷊eo udde sinumabangnga wuassi tou. Masokkate i tou suttannu ghaṛṛaho lal᷊eo udde, ma'oman sara salaiwe limane wuṛṛu leddane suete niṛṛapussu ṛate wuṛṛu i tou rariaganna mapia-pia, i tou ta'e lai maawassutta ṛate udde see iaapiddu ghaṛṛaho lal᷊eo watukku wadda'a.

LUKAS 8:29 Iomraidhean Croise

MARKUS 5:8

Taumata udde nabbisara aroddi ana waugu Mawu Yesus nabbisara si tou, “Ghaṛṛaho lal᷊eo, sabbangke wuassu taumata indi!”)

LUKAS 8:28

Napawe naasilo Mawu Yesus, i tou nangintul᷊i see inumal᷊intuda su saruannu Mawu Yesus wuṛṛu nabbisara, “Mawu Yesus, Ana'u Ruata Apan Atanggaṛṛanne! Sarun olaannu ereapa i ya'u indi? I ya'u sumal᷊ande ariewe manansara si ya'u!”

LUKAS 8:30

Mawu Yesus naiwal᷊o taumata udde, “Isai arannu?” “Arangku ‘Legiun’,” sasimbakku taumata udde – ana waugu manambo ghaṛṛaho lal᷊eo sinumutta sulal᷊ummu wadangnge.

LUKAS 9:39

Amungkangngu ghaṛṛaho lal᷊eo sumutta si tou, inaṛṛombanganne i tou umui wuṛṛu awangnge iwabantikke ma'oman sara moṛṛongnge lullupa. Ghaṛṛaho udde sidutu mannansara si tou wuṛṛu maddiri sumabangnga wua dinganni tou.

LUKAS 9:42

Tantal᷊anna ana'a udde u'amatta mattuda Mawu Yesus, ghaṛṛaho lal᷊eo udde nangema'i tou wuṛṛu wadangnge iwabantikke. Arawe Mawu Yesus namarenta ghaṛṛaho lal᷊eo udde niapaasabangnga see napiate ana'a udde. See ana'a udde tinantille apia su iamangnge.