LUKAS 8:25 - WUKE SUSI WATTI'U AL᷊AL᷊USASSA

²⁵ See Mawu Yesus nabbisara mallal᷊aṛṛenggen-Ne, “Anio i yamiu tawe mangngimanna si Ya'u?” I mangitou naherangnga wuṛṛu nata'utta. Wuṛṛu uahahattote i mangitou sangkatou ringannu waine, “Isai ṛinone taumata indi na'oman sara namarenta anginna wuṛṛu lua'a, wuṛṛu parenta-Ne tinuṛṛutanna!”

LUKAS 8:25 Iomraidhean Croise

AMSAL 30:4

Taumata suapane apan buatte napapal᷊ele su surga? Buattewe i tou nakkangkumma anginna sulal᷊ummu limane, wuṛṛu nami'unna ua'e sulal᷊ummu laungnge, ara'e nanantunnu manga passarannu runia? Isai i tou, wuṛṛu isai anangnge? I'o sarun masingkatta!

AMSAL 8:29

sutempo i Tou namarenta ua'en tahal᷊oangnga tadea'u imbaṛṛangnga lumewessa manga passaranne. I ya'u lai isudde sutempo apampakku runia niwilan-Ne.

MATIUS 14:31

Mawu Yesus lapiddu nangul᷊ukku limane wuṛṛu nanametta si tou, wuṛṛu nabbisara, “Petrus, Petrus, pangangimannu lome atonna. Anio i'o sussinggawangnga si Ya'u?”

MATIUS 17:20

Mawu Yesus sinumimbakka, “Ana waugu pangangimanni yamiu lome. Naunge! Amungkangngu i yamiu pia pangangimanna ere ahewallu watun sawi, i yamiu wotongnge mabbisara wuidda indi, ‘Pangingkatta poiaroddi!’ Ne atonna tonna wawone udde sarun ma'ingkatta. Tawe saran sambau manara apan tawe ia'ola'i yamiu! [

MATIUS 6:30

Wal᷊abukka su wadda'a allo indi tumuwo wuṛṛu tiṛṛabbine tutunganna ma'oman sara masue. Arawe Ruata mamedetta wal᷊abukka udde aroddi aṛṛamage. Lembonete i yamiu! Arawe pangangimanni yamiu mattul᷊ungnga!

MATIUS 8:10

Su tempo Mawu Yesus naaringikka apa apan niwal᷊on tembonannu tantara udde, i Tou mangke naherangnga. Wua'udde i Tou nabbisara su manga taumata uatantalongnga si Tou, “Wal᷊ine hampa taumata indi. Su wallattu taumatan Israel i Ya'u taambe naasomba taumata pangangimanne aroddi ahewalle!

MATIUS 8:26

“Anio i yamiu matta'utta?” unnu Mawu Yesus. “Pangangimanni yamiu si Ya'u mattul᷊ungnga!” Wua' udde Mawu Yesus dirumarisikka wuṛṛu nandona anginna wuṛṛu rano udde. See rano udde nabbal᷊ite nal᷊enakka atonna.

MARKUS 4:35

Su allo wawallo udde lai, Mawu Yesus nabbisara su mallal᷊aṛṛenggen-Ne, “Wette i ite massenggote su samba'an dano.”

LUKAS 12:28

Wal᷊abukka su wadda'a tumuwo allo indi wuṛṛu tiṛṛabbine masue tutunganna. Arawe Ruata mammedetta wal᷊abukka udde aroddi aṛṛamage. Nangillembote i yamiu! Arawe pangangimanni yamiu matul᷊ungnga!

LUKAS 8:24

Mallal᷊aṛṛenggennu Mawu Yesus inaite ringan-Ne wuṛṛu namu'o si Tou. I mangitou nabbisara, “Iamangnga Huru, Iamangnga Huru, i ite masilakate!” Mawu Yesus napu'o see nandona anginna wuṛṛu lua'a apan mattandi'a udde. Anginna wuṛṛu lua'a udde nol᷊ote, see rano nabbal᷊ite mal᷊enakka atonna.

LUKAS 8:26

Mawu Yesus wuṛṛu mallal᷊aṛṛenggen-Ne lapiddu nassaalanna na'oman sara leta'u Gerasa su samba'an Ranon Galilea.

YOHANES 11:40

Mawu Yesus nabbisara si Marta, “Wal᷊inewe suete niwal᷊o-U si'o: amungkangngu i'o mangngimanna, i'o sarun maasilo aroddi ahewalle taṛṛinon Ruata!”