LUKAS 8:2 - WUKE SUSI WATTI'U AL᷊AL᷊USASSA

² Aroddi lai sire pira wawine apan suete niapaapia wuassu ghaṛṛaho lal᷊eo wuṛṛu rada'a. I mangitou eteudde i Maria apan isassago Magdalena (pitu ghaṛṛaho lal᷊eo apan suete niapaasabangnga wuassi tou);

LUKAS 8:2 Iomraidhean Croise

MATIUS 4:24

Watti'a su ola'u Mawu Yesus udde naddingikke su al᷊awo'u wanua su Siria, na'oman sara taumatanambo rudanta ringanni Tou. I mangitou uaapiddu manga taumata apan uatataṛṛangnga al᷊awo'u hatin radda'a wuṛṛu asasusa. Manga taumata apan niasuttannu ghaṛṛaho lal᷊eo, apan raddangnge pua, wuṛṛu lome, sarangkanambone udde niapaapia Mawu Yesus.

MARKUS 16:1

Napawe allon Sabatta nal᷊iute, i Maria Magdalena, Maria inangngi Yakobus, wuṛṛu i Salome inaite namalli rampa-rampa ipallana winal᷊unannu Mawu Yesus.

MARKUS 16:9

Napawe Mawu Yesus nabangunte wuassu papate, rua'allo atonna su allo Misa, i Tou paarorone nattingkapasilom batangan-Ne si Maria Magdalena. (Wuassi Maria udde Mawu Yesus suete napasabangngu sire pitu ghaṛṛaho lal᷊eo.) Manga wawine udde inaite ringanni Petrus wuṛṛu manga hawene, see nabbati'a ringannu maautta anambon apa apan suete niapasingkattu taumata umbasanna udde si mangitou.

LUKAS 23:27

Manambo taumata uatantuṛṛutta liuddu Mawu Yesus – su wallatti mangitou pia sire pira wawine. Manga wawine udde lulluai wuṛṛu massusa Mawu Yesus.

LUKAS 23:49

Wuṛṛu manga hawe Mawu Yesus, nareengnga lai manga wawine apan uatantalongnga si Tou wuassu Galilea uarisikka marau wuṛṛu na'ellega sarangkanambone udde.

LUKAS 23:55

Manga wawine apan nirumanta ringannu Mawu Yesus wuassu Galilea tinumantalongnga si Yusuf na'ellega lal᷊abinganna udde. I mangitou na'ellega lai ereapa winal᷊unannu Mawu Yesus niaddo sulal᷊ummu lal᷊abinganna.

LUKAS 8:30

Mawu Yesus naiwal᷊o taumata udde, “Isai arannu?” “Arangku ‘Legiun’,” sasimbakku taumata udde – ana waugu manambo ghaṛṛaho lal᷊eo sinumutta sulal᷊ummu wadangnge.

YOHANES 19:25

Maranin arussa Mawu Yesus uarisikka inangngu Mawu Yesus, wuṛṛu tuṛṛangngu inang-Nge wawine, i Maria awingngi Klopas, wuṛṛu i Maria Magdalena.

WATTI'U MANGA RASUL 1:14

sarangkanambone sidutu ringannu naungnga uasampinunutanna uaammulla u'al᷊iomanna. I mangitou lai u'al᷊iomanna suadio'a ringannu manga wawine nasutta i Maria inangngu Mawu Yesus, wuṛṛu manga tuṛṛangngu Mawu Yesus.