LUKAS 8:15 - WUKE SUSI WATTI'U AL᷊AL᷊USASSA

¹⁵ Wualanna nanawo su leta'a masuwukka isassumandingnga su taumata madaringikka watti'a udde, see sinahipunna sulal᷊ummu naungnge apan baresi wuṛṛu matul᷊ida. I mangitou natataṛṛangnga na'oman sara nabua.”

LUKAS 8:15 Iomraidhean Croise

DARALO 119:11

Al᷊aṛṛanang-Ngu ta'u sahipunanna sulal᷊ummu naungku, tadea'u i ya'u tawe marosa su saruan-Nu.

DARALO 51:10

Wala'ewe i ya'u maddaringikka watti'u al᷊al᷊uassa, tadea'u naungnga apan niṛṛimunsang-Ngu indi lumala'a apia.

AMSAL 3:1

Ariewe paabul᷊iane sarangkanambone apan buatte ta'u niaṛṛa'a si'o, ana'u. Naungewe sidutu parenta'u,

YEREMIA 15:16

I'o mabbisara si ya'u, wuṛṛu naddaringikka suapan iwisara-Nu. I ya'u tatahuanannu, oh Mawu Ruata Apan Lembontaṛṛino, ana waugu udde manga wisara-Nu ma'al᷊uassa wuṛṛu maalal᷊umanna'a si ya'u.

YEREMIA 31:33

Eteindi pa'aire wakku apan Ta'u niola'a ringannu umattu Israel: Manga tita-U sarun Ta'u iaddo sulal᷊ummu naungngi mangitou, wuṛṛu Ta'u iwoṛṛetta sulal᷊ummu ate mangitou. I Ya'u sarun maola'a Ruatan mangitou, wuṛṛu i mangitou sarun maola'a uma-U.

YEREMIA 32:29

wuṛṛu manoṛṛobba na'oman sara masue suadio'a ringannu manga wal᷊en manga taumata ma'asabbangngu asasa'u-U, ana waugu su wowon atuppu manga wal᷊en udde i mangitou mannambunnu amania si Baal wuṛṛu mallal᷊innu ua'e anggore ipassubba manga monganna.

MATIUS 24:13

Arawe taumata apan matataṛṛangnga saran pangudusanne, sarun masal᷊amatta.

LUKAS 11:28

Arawe Mawu Yesus sinumimbakka, “Nangillembon lal᷊umanna'a lai su taumata apan maddaringikka wisaran Ruata wuṛṛu mappaamattu al᷊aṛṛang-Nge!”

LUKAS 6:45

Taumata mapia mapasabangngu pallal᷊agu mapia ana waugu naungnge napenen apapia. Taumata pallal᷊agune lal᷊eo mapasabangngu inolaanne lal᷊eo ana waugu naungnge napenen al᷊al᷊eo. Ana waugu apa apan suete niwisara moṛṛongnga udde sinabanganne wuassu naungnga.”

LUKAS 8:14

Wualanna apan nanawo su tangngan ahuranganna ṛoaanna isassumandingnga su taumata madaringikka watti'a udde, arawe sussinggawangngu wiakki mangitou wuṛṛu maapulu mabbiakka nasuungnga wuṛṛu mal᷊uassa sulal᷊ummu runia indi. Sarangkanambone udde nangumpisanna si mangitou na'oman sara tawe nabua wua apan nal᷊aha.

LUKAS 8:16

“Tawe taumata mande'omma sol᷊o see luuwannu wensada, ara'e iaddo su al᷊ungngu antilla. I tou sarun mangadon sol᷊o udde su pangangadoanne, tadea'u taumata apan sumutta maasilo semakke.

YOHANES 14:15

“Amungkangngu i yamiu marangngu si Ya'u, i yamiu sarun tumuṛṛutta manga parenta-U.

YOHANES 15:10

Amungkangngu i yamiu tuttuṛṛutta manga parenta-U, i yamiu sidutu matammuda su darangngu-U ere lai sidutu matuṛṛutta su darangngun Iamangnga ana waugu tuttuṛṛutta manga parenta-Ne.

ROMA 2:7

Ruata mangonggolu wiakka tutune wuṛṛu saran mal᷊annu-l᷊annu si mangitou apan sidutu ma'ola'a apapia tadea'u maasomba apan awantuhanne, wuṛṛu apan aaddatanna wuṛṛu apan sarun uatialu.

ROMA 6:22

Arawe orassa indi yamiu buatte niapaal᷊iu wuassu rosa, wuṛṛu naola'e allangngu Ruata. Auntungannu eteudde manungku i'o mabbiakka tumba'u hunane su Ruata wuṛṛu su olangnge udde sarun mandantan wiakka tutune wuṛṛu saran mal᷊annu-l᷊annu.

ROMA 7:18

I ya'u masingkata manungku tawe saran sambau apan mapia sulal᷊ummu riri'u, eteudde su pallal᷊agu'u ere sangkatou taumata. Ana waugu i ya'u lai pia apulu ma'ola'a apapia, arawe i ya'u tawe maatuṛṛutta.

ROMA 7:4

Aroddi lai yamiu, manga tuṛṛangku. Su titan agama Yahudi yamiu natete, ana waugu i yamiu buatte niapaaukka ringannu wadangngi Kristus wuṛṛu naola'a pussa'a-Ne apan suete niapaawiakka apia wuassu papate. I Tou niapaawiakka wuassu papate tadea'u i ite maola'a pia gunane su lantakku hatin Duata su al᷊o'engngu pabbiaṛṛani ite.

ROMA 8:25

Arawe amungkangngu i ite mangngantimma apa apan taambe niasiloanni ite, ne i ite ṛinone uaraṛṛado ringannu asasabare.

1 KORINTUS 7:19

Ana waugu tuttuṛṛutta titan sunatta ara'e tawe tumuṛṛutta, sarangkanambone tawe gunane. Ahunanne tumba'u tumuṛṛutta manga titan Duata.

EFESUS 2:8

Ruata niumakkani yamiu, ana waugu udde i Tou nanal᷊amatta si yamiu, ana waugu i yamiu mangngimanna Mawu Yesus. Asasal᷊amatti yamiu udde wal᷊inewe asombangu asasahaddu sassane. Sarangkanambone udde aonggolu Ruata. Nariaddi, tawe saran sangkatou apan wotongnge mamungan watanganne su olangnge udde.

TAHIUL᷊E 30:6

I yamiu wuṛṛu papapulunnu sarun onggol᷊annu naungnga matuṛṛutta, ma'oman sara i yamiu marangngu Mawu Ruatanu ringannu ahewallu naungngu wuṛṛu wotongnge sidutu matana'a su wanua udde.

FILIPI 1:11

Wiakku sarun lumambalanna ringannu pallal᷊agu apan atonna-tonna mapia apan darantane tumba'u wuassi Yesus Kristus sassane; ne Ruata sarun wantuhanna wuṛṛu raloanna.

KOLOSE 1:10

Ringannu aroddi yamiu wotongnge mabbiakka tuttuṛṛuta apulun Duata, wuṛṛu sidutu malluassa naugnge, na'oman sara sulal᷊ummu al᷊awo'u inolaanna i yamiu wotongnge mamasilo manga inolaanna apan mapia. Wuṛṛu asingkati yamiu su ola'u Ruata sarun aatambanna lai.

KOLOSE 1:6

Watti'a wuassu Ruata udde nassal᷊iawukke su ahewallu runia, wuṛṛu wiakku taumata sidutu aal᷊amatannu watti'a udde, ere lai wiakku nial᷊amatanna ro'en su tempo i yamiu naaringikka ola'u darangngun Duata wuṛṛu atonna-tonna nusippa sulal᷊ummu naungngu.

IBRANI 10:36

I yamiu ṛinone masabare, tadea'u i yamiu wotongnge mapa'ola'a apulun Ruata wuṛṛu ringannu aroddi yamiu manengkamma apa apan suete nipa'iren Tou.

IBRANI 2:1

Ana waugu udde i ite ṛinone lembon mangaggasa atonna-tonna manga al᷊aṛṛa'a apan suete niaringiṛṛani ite, tadea'u i ite tawe manantangngu pangangimanni ite.

YAKOBUS 1:4

Riagai tadea'u asasabare naungngu udde siddutu aatambanna ma'oman sara atonna-tonna i yamiu maola'a masuungnga see tawe urangnge saran kadio'a.

1 YOHANES 2:3

Amungkangu i ite matuṛṛutta su manga parentan Duata, udde tatialane manungku i ite maaillal᷊a Ruata.