LUKAS 8:10 - WUKE SUSI WATTI'U AL᷊AL᷊USASSA

¹⁰ Mawu Yesus sinumimbakka, “I yamiu suete nionggol᷊annu al᷊amatta tadea'u maasingkatta addapingnga su ola'u ereapa Ruata mamarenta ere sangkatou Ratu. Arawe manga taumata waine niaṛṛaannu sasumandingnga, tadea'u i mangitou madaringikka, arawe wagga apa apan mariaddi; wuṛṛu i mangitou madaringikka, arawe tawe maasunna.”

LUKAS 8:10 Iomraidhean Croise

DARALO 25:14

Mawu uddewe hawen taumata apan mangngimanna, I Tou namasingkattu panduman-Ne si mangitou.

YESAYA 29:14

Ana waugu udde i mangitou sarun Ta'u paṛṛindu'anna ringannu puul᷊anna masokka-sokka. Taumata pande sarun mabbal᷊i woddo, wuṛṛu anambon apapande mangitou udde tawe gunane.”

YESAYA 44:18

Tumaniten boddo manga taumata ereudde! I mangitou mannutubbu mata wuṛṛu naungngi mangitou na'oman sara tawe maasunna manga apa.

YESAYA 6:9

Ana see i Tou nandolo'u inai mangapiddu tanata indi su taumata: “I yamiu sidutu maddaringikka, arawe tawe maasunna. I yamiu sidutu mannutukka, arawe wagga apate apan sarun mariaddi.”

YEREMIA 5:21

“Paddaringikka, ei i yamiu taumata woddo wuṛṛu longonna! I yamiu pia mata arawe tawe maasilo, pia tal᷊inga arawe tawe maaringikka!

YEHEZKIEL 12:2

“Ei taumata apan mattate, i'o uatana'a suwallattu manga taumata mal᷊awangnga. I mangitou pia mata, arawe tawe maasilo; pia tal᷊inga, arawe tawe maaringikka, ana waugu i mangitou apulune lullawangnga.

MATIUS 11:25

Su tempo udde Mawu Yesus u'al᷊iomanna, “Iamangnga Mawu apan uataṛṛino langitta wuṛṛu runia! I Ya'u ma'adiangkamanna Si'o ana waugu sarangkanambone udde niadapping-Ngu wuassu manga taumata apan pande wuṛṛu pia asingkanne, arawe I'o mannualaga su manga taumata apan tawe si'ol᷊ane.

MATIUS 16:17

“Auntunganna si'o Simon ana'i Yona!” unnu Mawu Yesus, “Ana waugu wal᷊inewe taumata apan namasingkattu olangnge udde si'o, arawe Iamangku su surga.

MARKUS 4:11

Ne Mawu Yesus nabbisarate si mangitou, “I yamiu suete nionggol᷊annu al᷊amatta maasingkatta adappingnga su ola'u ereapa Ruata mamarenta. Arawe manga taumata su liudde aaṛṛaannu sasumandingnga,

MARKUS 4:12

tadea'u ‘I mangitou sidutu maatutukka arawe wagga apa apan sarun mariaddi, i mangitou sidutu maddaringikka arawe tawe maasunna, olangnge indi mariaddi tadea'u i mangitou tawe maasilo wuṛṛu tawe maasunna wuṛṛu arie i mangitou rumanta ringannu Ruata wuṛṛu Ruata mangampungnga si mangitou.’ ”

YOHANES 12:40

‘I Ya'u mapaawuta mata mangitou, maola'a naungngi mangitou maatikka; tadea'u i mangitou tawe maasilo, ṛingiṛṛanni mangitou tawe maasunna. Tadea'u i mangitou tawe mabelengnga ringang-Ku, see I Ya'u mapaapia mangitou.’ ”

ROMA 16:25

Daralo su Ruata! I Tou uataṛṛino mannohassa pangangimannu tuṛṛangnga nassul᷊ungngu Watti'u Al᷊al᷊uassa wuassu Ruata apan ta'u iapaasingkatta su ola'u Yesus Kristus. I ya'u namasingkatu watti'a udde nassul᷊ungngu ere apa apan niapaal᷊iatta'u Ruata; eteudde su ola'u paa'apulun Ruata apan mal᷊annute awaganannu taumata.

1 KORINTUS 12:11

Sarangkanambone udde mammanarannu Ghaṛṛaho apan sambau udde lai; sangkatou-sangkatou nionggol᷊annu al᷊amatta uapapaṛṛala tumuṛṛuttu apulun Ghaṛṛaho udde sassane.

TAHIUL᷊E 29:4

Arawe naddatingngu allo indi i Tou taambe namalan kamiu massunna sarangkanambone apan niapendamanni yamiu udde.

KOLOSE 2:2

Sarangkanambone indi ta'u olaanna tadea'u naungngi mangitou maola'a matohassa wuṛṛu i mangitou uararangngu ma'oman sara i mangitou uasampinunutanna. Ringannu aroddi i mangitou atonna-tonna maasunna wuṛṛu mangngimanna see lai maaillal᷊a addapingu Ruata, eteudde Kristus sassane.

1 TIMOTIUS 3:16

Taweddu saran sangkatou wotongnge massinaada, aroddi ahewalle addapingu agaman kite: I tou namasilon batanganne sulal᷊ummu lihiddu taumata, wuṛṛu niapaal᷊iatta'u Ghaṛṛahon Duata, see aellehannu manga mala'ekatta. Wattinge niapararingikka su wallatu manga walahanna, wuṛṛu i Tou apangimananna su ahewallu runia wuṛṛu niapaasengkenga su surga.