LUKAS 7:7 - WUKE SUSI WATTI'U AL᷊AL᷊USASSA

⁷ Ana waugu udde i ya'u sassane tawe waṛṛani sumaruanna su Iamangnga. Nariaddi pangagilem parenta tadea'u mangangimbe'u mapia.

LUKAS 7:7 Iomraidhean Croise

DARALO 107:20

I Tou napaapian mangitou ringannu parenta-Ne, wuṛṛu nalliun mangitou wuassu loṛṛangngu labbinga.

DARALO 33:9

Ana waugu i Tou nakkengetta, ana see sarangkanambone nariaddi; i Tou nanita, ana see sarangkanambone piate.

SASABANGNGA 15:26

Unnu Mawu, “Paatuṛṛutte si Ya'u ringannu atonna-tonna, wuṛṛu pa'ola'e apa apan aellehang-Ku mapia; paatuṛṛutte anambon parenta-U. Amungkangngu i yamiu ma'ola'a aroddi, yamiu tawe Ta'u iṛṛuumanna ringannu manga radda'a apan Ta'u niaparanta su taumata Mesir. Ete i Ya'u Mawu apan nangapia si yamiu.”

MARKUS 1:27

Anambon taumata mangke naherangnga, na'oman sara i mangitou nabbisara sangkatou ringannu sangkatou, “Wah apa indi? Sambau al᷊aṛṛa'a apan wakku! Ringannu saṛṛaungnga wuṛṛu taṛṛino i Tou namarenta manga ghaṛṛaho lal᷊eo udde sinumabangnga, wuṛṛu i mangitou tinumuṛṛutta si Tou!”

LUKAS 4:36

Awada'alla naherangnga, wuṛṛu uahahattote sangkatou ringannu sangkatou, “Wal᷊ine hampa al᷊awo'u wisara-Ne. Ringannu saṛṛaungnga wuṛṛu taṛṛino, i Tou namarenta manga ghaṛṛaho lal᷊eo niapaasabangnga wuṛṛu i mangitou sinumabangke lai!”

LUKAS 5:13

Mawu Yesus namita taumata udde lapiddu nabbisara, “I Ya'u maapulu, apiate!” Orassa udde lai radangnge nawul᷊i.

LUKAS 7:6

Ne Mawu Yesus inaite su sampunna ringanni mangitou. Napawe Mawu Yesus maranite ma'oma su wal᷊e udde, tembonannu tantara udde nandolokku manga hawene iapaawal᷊o, “Ariete Iamangnga matingkasahadda madumatingngu wal᷊e'u. I Ya'u tawe ṛinone manarimmattu Iamangnga su wal᷊e'u.

LUKAS 7:8

Ana waugu i ya'u lai tuttuṛṛutta parentan tembonangku wuṛṛu wuassia'u lai pia tantara pangkanne mabbawoanna apan tuttuṛṛutta parenta'u. Amungkangngu ya'u mandolokku sangkatou, ‘Inaite!’ i tou sarun inai; wuṛṛu amungkangngu ya'u mamago lai waine, ‘Wette isindi!’ i tou lai sarun rumanta. Wuṛṛu amungkangngu i ya'u mamarenta allangku, ‘Ola'a indi!’ i tou sarun tumuṛṛutta ma'ola'a udde.”

TAHIUL᷊E 32:39

Pa'ellege, i Ya'u Ruata Apan Tinggassa, tawe Duata wal᷊ine tumba'u i Ya'u. I Ya'u mammate wuṛṛu mappaawiakka mallessa wuṛṛu mangngapia. Napawe i Ya'u mammanarate, tawe saran sangkatou apan botongnge lumawangnga.

1 SAMUEL 2:6

Mawu wotongnge mamate, i Tou lai mapawiakka. Watukku runian taumata nate i Tou nanossokku taumata. Wuṛṛu ete i Tou lai apan mangal᷊appa wua poiaroddi.