LUKAS 7:14 - WUKE SUSI WATTI'U AL᷊AL᷊USASSA

¹⁴ Wua'udde Mawu Yesus nangundaniten tampan asuangnga udde wuṛṛu namita. Ne manga mamamasanna nattaalle. Mawu Yesus nabbisara, “Ei umbasanna, i Ya'u mabbisara si'o pabbangunna!”

LUKAS 7:14 Iomraidhean Croise

1 MARARATU 17:21

Wua'udde paatallu i Elia nirumarammanga su ana'a udde, lapiddu u'al᷊iomanna, “Oh Mawu, Ruata'u, sal᷊andeanna pasangngoa'awe ana'a indi!”

1 MARARATU 17:22

Mawu naddaringikka aal᷊iomanni Elia; ana'a udde mannattakke sussangngo wuṛṛu nabbiakke apia.

AYUB 14:12

aroddi lai taumata apan natete; i tou tate mapabbangunna apia. I tou tawe mapu'o tantal᷊anna ta'e pia langitta, tate lai mapabbangunna wuassu tattereanne.

AYUB 14:14

Ana waugu, napawe taumata mate, wotongngewe i tou mabbiakka apia? Allo uahahantin allo i ya'u uaṛṛaddo maddatingngu tempo asasusa'u indi mal᷊iudda.

DARALO 33:9

Ana waugu i Tou nakkengetta, ana see sarangkanambone nariaddi; i Tou nanita, ana see sarangkanambone piate.

YESAYA 26:19

Uman-Nu apan natete sarun mabbiakka apia, manga winal᷊unanni mangitou sarun mabbangunna apia. Taumata apan buatte nilabbinga sulal᷊ummu leta'a sarun mabbangunna wuṛṛu lumala'a. Naal᷊ihidda wal᷊angngukka apan ma'al᷊uassa runia, I'o napawiakku uman-Nu apan mal᷊annute nate.

MARKUS 5:41

Mawu Yesus namita limang kana'a udde see nabbisara si tou, “Talita kum,” atappasanne, “Ana'a wawine, i Ya'u mabbisara si'o: pabbangunte!”

LUKAS 7:13

Napawe Mawu Yesus naasilo wawine wal᷊u udde, i Tou inumakkannu wawine udde see nabbisara, “Arie palluai Inangnga!”

LUKAS 7:15

Umbasanna apan natete udde, nabangunna inuma'ianna wuṛṛu nanattakke uahahatto. Ne tinantille Mawu Yesus su inangnge.

LUKAS 7:17

Watti'a su ola'u Mawu Yesus indi nadingikke su ahewallu leta'u Yudea wuṛṛu su wanua maranine.

YOHANES 11:25

“Ete i Ya'u apan mangngonggolu wiakka wuṛṛu mapaawangunnu taumata nate,” wisara Mawu Yesus si Marta. “Taumata apan mangngimanna si Ya'u sarun mabbiakka, salaiwe i tou natete.

YOHANES 5:21

Iamangnga udde mapaawangunnu taumata nate, wuṛṛu mangngonggolu wiakka tutune wuṛṛu mal᷊annu-l᷊annu; aroddi lai Ana'a mangngonggolu wiakka tawe panginsueanne su taumata apan maapulu onggol᷊annu wiakka.

YOHANES 5:25

Pangimante: Sarun rumanta tempone – ewe'e nia'omante lai tempone – taumata nate sarun maddaringikka tingikku Ana'u Ruata. Wuṛṛu taumata apan maddaringikka sarun masal᷊amatta.

ROMA 4:17

Ana waugu Ruata nabbisara arendi si Abraham, “I Ya'u suete nandiaddi si'o iamangngu al᷊awo'u walahanna.” Aroddite Ruata nangonggolu paaire udde si Abraham. Wuṛṛu Abraham mangngimanna si Tou. Ete i Tou Ruata apan mapaawiakku taumata nate; ete i Tou lai Ruata apan ringannu tumba'u mabbisara ma'ola'a apa apan taambe naola'a su runia, mariaddi su runia.

EFESUS 5:12

Ana waugu inolaanni mangitou a'olaanna ringannu ma'immbuni udde ipagahatto lai maasilite.)