LUKAS 7:13 - WUKE SUSI WATTI'U AL᷊AL᷊USASSA

¹³ Napawe Mawu Yesus naasilo wawine wal᷊u udde, i Tou inumakkannu wawine udde see nabbisara, “Arie palluai Inangnga!”

LUKAS 7:13 Iomraidhean Croise

DARALO 103:13

Ere sangkatou iamangnga mandangngu manga anangnge, aroddi lai Mawu mandangngu taumata ma'imanna.

DARALO 86:15

Arawe I'o, oh Mawu, Ruata marangngu wuṛṛu maakkanna, masabbare, napenen darangngu wuṛṛu tatuṛutta.

DARALO 86:5

I'o mapia, oh Mawu, wuṛṛu sidutu mangngampunga, taumata apan u'al᷊iomanna Si'o sidutu raddangnguan-Nu ringannu darangngu apan nilumambalanna.

YESAYA 63:9

i Tou sassane niaṛṛiaannu asasusa mangitou, Mawu tawe nandolokku daroloṛṛanna ara'e maṛṛinu; Ete i Tou sassane namallossi mangitou ana waugu darangngu wuṛṛu tatal᷊antum-Me. I Tou sidutu mammadul᷊i si mangitou ro'en al᷊amonane.

YEREMIA 31:20

Israel, i'o ana'a arangnguang-Ku, ana'a iaakkanna, tatuno naung-Ku. Suapawe i Ya'u mamakkamma si'o i Ya'u sidutu uanaungnga si'o ringannu ṛintulu. I'o sarun Ta'u olaanna ringannu ahewallu tatal᷊antuppa.

MARKUS 8:2

“I Ya'u u'akkannu taumata nambo indi. Tallute allo al᷊annune i mangitou su sampunna ringang-Ku, wuṛṛu orassa indi i mangitou tawe anna.

LUKAS 10:1

Wua'udde Mawu Yesus namile sire pitum pul᷊o mallal᷊aṛṛenggen-Ne lai, see nandolokki mangitou pattaṛṛa darua malliu ṛoro si Tou watukku al᷊awo'u soa wuṛṛu tampa apan rantanni Tou.

LUKAS 11:1

Su sambau allo Mawu Yesus inumal᷊iomanna su sambau tampa. Man napawe suete inumal᷊iomanna, sangkatou su wallattu manga mallal᷊aṛṛenggen-Ne nabbisara, “Mawu, aṛṛa'e i yami umal᷊iomanna ere lai Yohanes mangngaṛṛa'a mallal᷊aṛṛenggenne umal᷊iomanna.”

LUKAS 11:39

Ana waugu udde Mawu nabbisara si tou, “Atonna yamiu manga taumatan Farisi ninumaramma mammaresi mangko wuṛṛu lama'a tumba'u su liudde, arawe sulal᷊ummu watangannu napene lal᷊awangnga wuṛṛu al᷊al᷊eo.

LUKAS 12:42

Mawu Yesus sinumimbakka, “Isai mangangimbe apan matuṛṛutta wuṛṛu pande ma'oman sara pileannu mawune maola'a tembonannu mangangimbe waine tadea'u i tou mappaanni mangitou su tempone?

LUKAS 13:15

Mawu sinumimbakka, “Lilangkamal᷊e'a i yamiu indi! Su allon Sabatta anambon taumata mammallossu sapi ara'e keledai wuassu tandangnge wuṛṛu ia'apidda su liudde ana iapa'inumma.

LUKAS 17:5

Manga rasul nabbisara Mawu Yesus, “Mawu, tohassawe pangangimanni yami.”

LUKAS 17:6

Mawu Yesus sinumimbakka, “Amungkangngu i yamiu pia pangangimanna ere ahewallu watun sawi, yamiu wotongnge mabbisara su alu murbei indi, ‘Aabute i'o wuṛṛu tuwote su tahal᷊oangnga,’ alu indi sarun tumuṛṛutta parentanu.”

LUKAS 18:6

See Mawu Yesus nabbisara, “Inunue'o paapia apa apan iwabbisara mallaṛṛuungnga apan wengkolla udde!

LUKAS 19:8

Wua'udde su wal᷊ene i Zakheus nirumarisikka wuṛṛu nabbisara Mawu Yesus, “Mawu, sangkawageanganna wuassu rarotongku sarun ionggolla su taumata asiangnga; wuṛṛu su alawo'u taumata apan suete niawusuangku, sarun waeṛṛanna apia si tou paappatta wuassu paarorone!”

LUKAS 22:61

Mawu Yesus nanaile wuṛṛu na'ellega si Petrus. See i Petrus naanaungke Mawu Yesus suete nabbisara si tou, “Tantal᷊anna manu'a taambe inumu'u allo indi, i'o paatallute massina'a-U.”

LUKAS 24:3

See i mangitou sinumuttate sulal᷊ummu lal᷊abinganna udde, arawe tawe naasomba winal᷊unannu Mawu Yesus isudde.

LUKAS 24:34

I mangitou nabbisara, “Atonna-tonna Mawu nabbiakke apia! I Tou suete nattingkapasilon batangan-Ne si Simon!”

LUKAS 7:12

Su tempo Mawu Yesus na'omate marani ngara pasallungannu su soa udde, pia taumata manambo uapasanna asuangnga watukku liuddu soa. Taumata nate udde ana'a esakka man sambau wuassu sangkatou wawine wal᷊u. Manambo taumata lal᷊oṛṛon soa uaṛṛundingannu inangnge.

LUKAS 7:14

Wua'udde Mawu Yesus nangundaniten tampan asuangnga udde wuṛṛu namita. Ne manga mamamasanna nattaalle. Mawu Yesus nabbisara, “Ei umbasanna, i Ya'u mabbisara si'o pabbangunna!”

LUKAS 7:19

see nandoloke mangitou inai ringannu Mawu Yesus wuṛṛu niapaiwal᷊o, “Ete Iamangnga taumata apan sarun rumanta tumuṛṛuttu pa'aire Ruata, ara'e i yami maṛṛado sangkatou waine lai?”

LUKAS 8:52

Anambon taumata tantal᷊anna lulluai wuṛṛu massusa ana waugu apapaten ana'a udde. Arawe Mawu Yesus nabbisara, “Arie palluai. Ana'a udde tawe nate, i tou tumba'u mattiilla!”

YOHANES 11:2

I Maria eteudde wawine apan nallal᷊innu lana mawangngi su ledda Mawu Yesus, wuṛṛu see niapun uta'i tou. Su sambau allo i Lazarus nirumada'a.

YOHANES 11:3

Ruang katou tuṛṛangnge namasingkatta Mawu Yesus, “Mawu, tuṛṛangngi yami apan arangnguannu Mawu udde marada'a.”

YOHANES 20:13

Manga mala'ekatta udde naiwal᷊o, “Inangnga, anio lulluai?” I Maria sinumimbakka, “Mawu'u suete nianu, wuṛṛu i ya'u wagga i Tou niaddo suapa.”

YOHANES 20:15

Mawu Yesus naiwal᷊o si tou, “Inangnga, anio lulluai? Inangnga maddea'a sisai?” I Maria massunna manungku udde mabawailla, nariaddi i tou nabbisara, “Iamangnga, amungkangngu Iamangnga nangingkatti Tou wua isindi, tul᷊unga'a wal᷊o'a si ya'u suapa Iamangnga nangadon Tou, tadea'u i ya'u wotongnge mangal᷊appa si Tou.”

YOHANES 4:1

Manga taumatan Farisi naaringikka manungku Mawu Yesus naasomba wuṛṛu mannaṛṛani mannamboanne wuassu mallal᷊aṛṛenggenni Yohanes. (

YOHANES 6:23

Wua'udde manga pira ngassa saalanna wuassu Tiberias nirumanta wuṛṛu nabbal᷊ango maranin tampan taumata nambo udde u'anna roti napawe Mawu Yesus suete na'adiangkamanna.

1 KORINTUS 7:30

taumata apan lulluai, pabbiakke pailal᷊ihidda ere i tou tawe asasusa naungnga; taumata apan lullage, pailal᷊ihidda ere tawe lulluassa; taumata apan buatte namalli, pailal᷊ihidda ere i tou tawe uatahuanna apa-apa;

1 TESALONIKA 4:13

Manga tuṛṛangnga, i yami maapulu tadea'u i yamiu maasingkata apa apan ṛinone su ola'u manga taumata apan natete; tadea'u i yamiu tawe masusa naungnga ere manga taumata waine apan tawe antimme.

IBRANI 2:17

Indi atappasanne manungku i Tou ṛinone maola'a uasul᷊unga ringannu manga tuṛṛa-Nge sulal᷊ummu al᷊awo'a. Wuṛṛu ringannu udde i Tou wotongnge maola'a Imam Wahewa apan matuṛṛuta wuṛṛu marangngu. Ringannu manara-Ne udde rosan taumata wotongnge aampunganna.

IBRANI 4:15

Imam Bahewalli ite udde wal᷊inewe imam apan tawe maapendama manga al᷊allomeng kite. Arawe i Tou suete niwono'anna sulal᷊ummu al᷊awo'u inolaanna, ere i ite lai sassane; tumba'u i Tou tawe na'ola'a rosa!

MAL᷊AṚṚUUNGNGA 10:16

Wua'udde anambon paal᷊uanna sassubbanna nirammete si mangitou, ana see nassubbate Ruata. Ne Ruata nompo'a naung-Nge naasilo si mangitou sulal᷊ummu asasusa.