LUKAS 7:12 - WUKE SUSI WATTI'U AL᷊AL᷊USASSA

¹² Su tempo Mawu Yesus na'omate marani ngara pasallungannu su soa udde, pia taumata manambo uapasanna asuangnga watukku liuddu soa. Taumata nate udde ana'a esakka man sambau wuassu sangkatou wawine wal᷊u. Manambo taumata lal᷊oṛṛon soa uaṛṛundingannu inangnge.

LUKAS 7:12 Iomraidhean Croise

PANDARIADDI 22:12

“Imbaṛṛangnga mamate ana'a udde ara'e olaannu ereapa i tou,” unnu Mawu sulal᷊ummu mala'ekata udde. “Orassa indi i Ya'u masingkatta manungku i'o maadatta wuṛṛu matuṛṛutta si Ya'u, ana waugu i'o tawe nanol᷊a'a manantillu anangngu tinggassa udde si Ya'u.”

PANDARIADDI 22:2

Unnu Ruata, “Roote watukku leta'u Moria su sambau ringanni Ishak, anangngu tinggassa udde, apan lembon arangnguannu. Isudde, su sambau wowone apan Ta'u ita'e si'o, onggol᷊a'e si ya'u anangu maola'a sambau sasamba itattambunna.”

2 SAMUEL 14:7

Ne orassa indi, ṛuangangku sarangkanambone nasaseettu allangngu wuṛṛu maddorongnga tadea'u allangngu manantillu ana'u apan namate udde si mangitou, tadea'u i mangitou makkuumanna ringannu ṛuumanna pateanna, ana waugu i tou buatte namate tuṛṛangnge. Amungkangu allangngu manantillu ana'a udde, allangngu mabbiakka ete sassane. I mangitou sarun mamappassa aantimannu allangngu apan tumba'u sambau wuṛṛu tate ana'a esakka lai su awingku ipanassukku papapulunne.”

1 MARARATU 17:12

Wawine wal᷊u udde sinumimbakka, “Ringannu arannu Mawu apan biakka, Ruata apan sassubannu Iamangnga, i ya'u massalu manungku i ya'u tawe roti. I ya'u tumba'u uatahuanna sangkangkumma taponna sulal᷊ummu mangko, wuṛṛu addio'a lanan zaitun sulal᷊ummu wotolla. I ya'u tantal᷊anna mangngammullu alu anutungnga ipallaha taponna addio'a udde, tadea'u i ya'u wuṛṛu ana'u wotongnge umanna. Ete udde anni ambua apan panginsueanne; wua'udde iambua ete uaṛṛaddo mate.”

1 MARARATU 17:18

Ana see unnu wawine wal᷊u udde si Elia, “Allangngu Ruata, anio Iamangnga na'ola'a olangnge indi su saruangku? Apa Iamangnga rumanta tadea'u Ruata manaungnga rosa'u, na'oman sara ana'u rinone mate?”

1 MARARATU 17:23

Ana see i Elia sinumossokka wuassu wabbo'ane lapiddu nangapiddu ana'a udde su inangngene wuṛṛu nabbisara, “Inangnga, indete ana'u Inangnga! I tou nabbiakke apia!”

1 MARARATU 17:9

“Orassa indi i'o ṛinone inai watukku soan Sarfat, maranin Sidon wuṛṛu matana'a poiaroddi. I ya'u buatte nandolokku sangkatou wawine wal᷊u poiaroddi tadea'u mangonggollu anna si'o.”

2 MARARATU 4:16

Ana see i Elisa nabbisara si tou, “Tonna suhati, sutempo ereindi, i Mama uasal᷊urute sangkatou ana'a esakka.” “Papa, ariewe pangawusu!” unnu wawine udde. “I Papa indi allangu Ruata!”

2 MARARATU 4:20

Ana'a udde niapidda ringannu inangnge, ana see inangnge nakkiwa si tou. Su wawallone ana'a udde nate.

AYUB 29:13

I ya'u raddaloannu taumata apan tumaniten massusa, i ya'u natul᷊ungngu wawine wal᷊u na'oman sara i mangitou matammudda.

ZAKARIA 12:10

Wua'udde papapulunni Daud see tumana'u Yerusalem sarun Ta'u onggol᷊annu naungnga masingkatta umakkanna wuṛṛu mappulu umal᷊iomanna. I mangitou sarun ma'ellega si tou apan buatte niusu'i mangitou wuṛṛu lumallu ere taumata lulluain anangnge man sambau. I mangitou sarun lumallu ringannu sussangitta, naal᷊ihidda ere taumata apan niawul᷊iannu ana'a pahul᷊u.

LUKAS 7:11

Tawe nal᷊annu wua'udde, Mawu Yesus inaite su soa Nain. Mallal᷊aṛṛenggen-Ne wuṛṛu taumata nambo inaite lai su sampunna ringanni Tou.

LUKAS 7:13

Napawe Mawu Yesus naasilo wawine wal᷊u udde, i Tou inumakkannu wawine udde see nabbisara, “Arie palluai Inangnga!”

LUKAS 8:42

ana waugu anangnge wawine man sambau uukke mapul᷊o dua su tonnane maranite mate. Tantal᷊anna Mawu Yesus u'amatta watukku wal᷊en Yairus, manga taumata mangke mannesse'i Tou wuassu al᷊awo'u tampa.

LUKAS 8:52

Anambon taumata tantal᷊anna lulluai wuṛṛu massusa ana waugu apapaten ana'a udde. Arawe Mawu Yesus nabbisara, “Arie palluai. Ana'a udde tawe nate, i tou tumba'u mattiilla!”

YOHANES 11:19

Manambo taumatan Yahudi nirumanta nattembo si Marta wuṛṛu si Maria malluassa naungngi mangitou ana waugu apapaten tuṛṛangnge.

WATTI'U MANGA RASUL 9:39

I Petrus lapiddu dirumarisikka wuṛṛu tinumantalongnga si mangitou. Na'oma poiaroddi, i tou niapidda su wabbo'a ṛengkenne rosone. Anambon bawine wal᷊u isudde naṛṛimpulunna si Petrus lapiddu lulluai wuṛṛu manta'e si tou manga laubba wuṛṛu manga jubah apan nitabbi'i Dorkas si mangitou su tempo i tou ta'e wiakka.

WATTI'U MANGA RASUL 9:41

See i Petrus namita limane wuṛṛu nantul᷊ungngi tou dirumarisikka. Wua'udde i Petrus namaggo manga taumata apan mangngimanna isudde suadio'a ringannu manga wawine wal᷊u udde, see nanantilli Dorkas apan nabbiakke udde si mangitou.

YAKOBUS 1:27

Tatuṛṛuta su agama apan waresi wuṛṛu tutune su aellegu Ruata Iamangnga eteudde: mantul᷊ungngu al᷊aṛṛana'a asisin pal᷊ussa wuṛṛu manga wawine wal᷊u apan susa, wuṛṛu uariagga wadangnge sassane tadea'u tawe lal᷊eoannu runia indi.