LUKAS 6:8 - WUKE SUSI WATTI'U AL᷊AL᷊USASSA

⁸ Arawe Mawu Yesus naasingkatta ṛingiṛṛanni mangitou. Ne i Tou nabbisarate su taumata limane lome samba'a udde, “Wette darisikke isindi su saruanne!” Taumata udde nabangunte, see dirumarisikke isudde.

LUKAS 6:8 Iomraidhean Croise

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

1 TAWARIKH 29:17

I ya'u masingkatta I'o mannal᷊u'atta naungngu taumata wuṛṛu maapulun taumata apan naungnge waresi. Ringannu asasaṛṛionto'a wuṛṛu al᷊al᷊uassu naungnga sarangkanambone indi ta'u ionggolla Si'o. I ya'u buatte na'ellega ereapa al᷊aṛṛanang-Ngu apan uasemodda isindi uaapiddu aonggolli mangitou Si'o ringannu al᷊al᷊uassu naungnga.

DARALO 44:21

Unnu wisara i yami tate lai massubba Ruata, ewe'e u'al᷊iomante su mawu waine,

YESAYA 42:4

ringannu tawe singgawange ara'e awul᷊iannu antimma, ma'oman sara atatul᷊idda ipasi'a su runia. Manga wanua apan marau lukkintul᷊un al᷊aṛṛangne.”

MATIUS 9:4

Mawu Yesus masingkattu ṛingiṛṛanni mangitou, ne i Tou nabbisarate, “Anio ṛingiṛṛannu aral᷊eone aroddi?

MARKUS 3:3

Mawu Yesus nabbisara su taumata apan limane lome samba'a udde, “Wette darisikke isindi, su saruanne.”

LUKAS 13:12

Napawe Mawu Yesus naasilo si tou, winagoante i tou, “Inangnga i'o mapia wuassu radangngu!”

LUKAS 5:22

Mawu Yesus naasingkatta aiwal᷊o mangitou. Nariaddi i Tou nabbisara, “Anio i yamiu ma'iwal᷊o aroddi sulal᷊ummu naungngu?

LUKAS 6:9

Wua'udde Mawu Yesus naiwal᷊o su manga taumata isudde, “Tumuṛṛuttu agama, i ite wotongnge mammanara apa su allon Sabatta? Ma'ola'a apapia ara'e ma'ola'a al᷊al᷊eo? Mandalukka taumata ara'e manilaka?”

YOHANES 2:25

Taumata salaiwe tate manal᷊a'a si Tou su ola'u isai-sai, ana waugu i Tou sassane masingkatta apa apan uataṛṛo su naungngu taumata.

YOHANES 21:17

Su atallune Mawu Yesus naiwal᷊o si tou, “Simon ana'i Yona, atonna i'o marangngu si Ya'u?” I Petrus nasusa naungnge ana waugu Mawu Yesus naiwal᷊o si tou na'oman sara atallune. Ne i Petrus sinumimbakka apia, “Mawu, Mawu masingkattu sarangkanambone. Mawu masingkatta manungku i ya'u marangngu Mawu!” See Mawu Yesus nabbisara si tou, “Padul᷊ianete manga domba-U.

YOHANES 9:4

Tantal᷊anna ta'e allo, i ite ṛinone mammanara manaran Tou apan nandolo-U. Ṛabbi sarun dumanta, wuṛṛu tawe saran sangkatou apan wotongnge maapammanara.

WATTI'U MANGA RASUL 20:24

Arawe i ya'u ma'ielem bagga ringannu wia'u indi, sambal᷊iate i ya'u napanginsue manara apan tinantillu Mawu Yesus si ya'u wuṛṛu sambal᷊iate i ya'u maatuṛṛutta na'oman sara pangudusannu wia'u ipammasingkattu Watti'u Al᷊al᷊uassa udde su ola'u darangngun Ruata.

WATTI'U MANGA RASUL 26:26

Tuangnga Agripa sassane lai masingkattu manga hatto udde. Ana waugu udde i ya'u waṛṛani mabbisara su saruanni Tuangnga ringannu masema-semakka. I ya'u mangngimanna manungku tawe saran sangkapaddi wuassu hatto udde apan awagananni Tuangnga, ana waugu sarangkanambone udde tawe nariaddi su manga tampa apan uawuni.

FILIPI 1:28

Ṛinone i yamiu siddutu waṛṛani; arie matta'uttu manga seennu. Ringannu aroddi yamiu mapaal᷊iatta'a manungku i mangitou sarun maruggi, wuṛṛu i yamiu sarun maauntunga, ana waugu Ruata sassane apan mangonggolu auntunganna si yamiu.

IBRANI 4:13

Taweddu sambau riadianna apan uawuni su aellegu Ruata. Al᷊awo'u sarannapa uatantol᷊e wuṛṛu wawu'anna su saruan-Ne. Wuṛṛu i ite sarun mangonggolu sasimbakka si Tou.

1 PETRUS 4:1

Ana waugu Kristus suete natataṛṛanga su ola'u wadanga, i yamiu lai ṛinone mannohassa ririnu ringannu apulu naugnga ereudde. Ana waugu taumata apan uatataṛṛanga su ola'u wadanga, tate lai ma'ola'a rosa.

SONDAPPA 2:23

Manga mallal᷊aṛṛenggenne sarun Ta'u pateanna lai tadea'u anambon jamaatta maatutukka manungku ete i Ya'u, i Tou apan masingkatu ṛingiranna wuṛṛu naungngu taumata. I yamiu sarun Ta'u wal᷊isanna tumuṛṛuttu inolaannu sangkatou-sangkatou.