LUKAS 6:7 - WUKE SUSI WATTI'U AL᷊AL᷊USASSA

⁷ Sire pira hurun agama wuṛṛu taumatan Farisi maddea'a pasasal᷊a Mawu Yesus tadea'u wotongnge i Tou ialae. Nariaddi i mangitou sidutu mannutukka tanne i Tou mapaapian taumata su allon Sabatta.

LUKAS 6:7 Iomraidhean Croise

DARALO 38:12

Manga hawe'u mallinda'a ana waugu radda'u, ewe'e manga tuṛṛangku mangngindauute lai.

YESAYA 29:21

taumata apan apulune mangngal᷊uandaga, taumata apan tawe mapaṛṛuumannu taumata lal᷊eo, wuṛṛu taumata apan mannal᷊iawukku manga watti'a awusu tadea'u taumata mapia tawe maasomba atatul᷊idda.

YEREMIA 20:10

Niaringiṛṛanna taumata sussal᷊imburunga suapan tampa, “Atata'utta suapan tampa! Wette alaea'e udde siapa pia taṛṛinone!” Ewe'e lai anambon hawe'u ate uaṛṛaddo ananawo'u. Unni mangitou, “Asinungka ringannu sasal᷊o'a, i tou wotongnge iawaddo, tadea'u wotongngete i ite mabbal᷊issa atataddu'u naungnga si tou.”

MATIUS 5:39

Arawe orassa indi Ya'u mabbisara si yamiu: arie pabbal᷊issa sangkatou taumata apan ma'ola'a al᷊al᷊eo si yamiu. Apianne amungkangngu taumata mamero wambalanu aikkatanna, wala'a lai i tou mamero wambalanu aiṛṛi.

MARKUS 3:2

Isudde lai pia taumata apan maddea'a pasasal᷊a Mawu Yesus, tadea'u wotongnge mangalaen Tou. Nariaddi i mangitou sidutu ua'ellega si Tou, apa I tou mapaapian taumata su allon Sabatta.

LUKAS 13:14

Piaṛṛa'u wal᷊em pattataṛṛamawuanna udde namul᷊o, ana waugu Mawu Yesus napaapian taumata su allon Sabatta, ana waugu udde i tou nabbisara su manga taumata, “Pia annummu allo ipammanara; rantate su miallo-miallo udde see iapaapia, imabaṛṛangnga su allon Sabatta!”

LUKAS 20:20

Nariaddi i mangitou maddea'a tempone mapia. I mangitou nangonggolu roitta su taumata iapaatanno lihiddu taumata matul᷊ida, wuṛṛu nandolokku manga taumata udde mapaasal᷊a Mawu Yesus ringannu manga aiwal᷊o, tadea'u i mangitou wotongnge manantilli Tou su apulu wuṛṛu taṛṛinon gubernure.

YOHANES 9:16

Manga pira su wallattu manga taumatan Farisi udde nabbisara, “Tawe mariaddi taumata na'ola'a indi darantane wuassu Ruata, ana waugu i Tou tawe mallaghun allon Sabatta.” Arawe taumata waine lai mabbisara, “Tawe mariaddi taumata marosa wotongnge maaola'a manga al᷊aṛṛindu'a ereindi?” See nasapputte patatatiakka su wallattu addapatti mangitou.