LUKAS 6:46 - WUKE SUSI WATTI'U AL᷊AL᷊USASSA

⁴⁶ “Anio i yamiu mammago si Ya'u, ‘Mawu, Mawu,’ arawe tawe tumuṛṛutta apa iwabbisara-U si yamiu?

LUKAS 6:46 Iomraidhean Croise

MALEAKHI 1:6

Mawu Apan Lembontaṛṛino nabbisara su manga imam, “Sangkatou ana'a mangngaddatta iamangnge, wuṛṛu sangkatou mangangimbe mangngaddatta mawune. I Ya'u indi Iamangngu; anio i yamiu tawe mangaddatta si Ya'u? I Ya'u indi Tuangngu; anio i yamiu tawe mata'u-U? I yamiu mallobbossa si Ya'u, arawe i yamiu ma'iwal᷊o, ‘Ringannu olangnge ereapa i yami mallobbossa Si'o?’

MATIUS 25:11

Wua'udde manga maṛṛuala apan boddo nabelengke. I mangitou uu'ite, ‘Mawu, Mawu, wu'awe ngara si yami.’

MATIUS 25:24

Wua'udde mangangimbe apan nanengkamma saṛṛiwu roitta wul᷊awanna udde nirumanta wuṛṛu nabbisara, ‘Mawu, i ya'u masingkatta i'o mawu sangkatou apan maṛṛagissa. Mawu mangngitingnga wuane su tampa mawu tawe nassuanna, wuṛṛu mammurutta wuane su tampa mawu tawe nangasi'u wualanna.

MATIUS 25:44

See i mangitou sarun mabbisara si Tou, ‘Mawu, su tempo suapa i yami naasilo Mawu mal᷊unussa, ara'e narou, ara'e ere sangkatou raho, ara'e tawe laubba, ara'e maradda'a ara'e su ṛuumanna, wuṛṛu i yami tawe nantul᷊ungngu Mawu?’

GALATIA 6:7

Arie awahianna. Ruata tawe ianalangnga! Apa apan isuanna eteudde lai apan itinganna.

YAKOBUS 1:22

Ṛinone i yamiu tumuṛṛutta apa apan niwisaran Duata, arie tumba'u maddaringikka, na'oman sara i yamiu mangawusu watanganni yamiu sassane.