LUKAS 6:45 - WUKE SUSI WATTI'U AL᷊AL᷊USASSA

⁴⁵ Taumata mapia mapasabangngu pallal᷊agu mapia ana waugu naungnge napenen apapia. Taumata pallal᷊agune lal᷊eo mapasabangngu inolaanne lal᷊eo ana waugu naungnge napenen al᷊al᷊eo. Ana waugu apa apan suete niwisara moṛṛongnga udde sinabanganne wuassu naungnga.”

LUKAS 6:45 Iomraidhean Croise

DARALO 140:5

Oh Mawu, liuaawe i ya'u wuassu taṛṛinon taumata lal᷊eo, riagaiwe i ya'u su saruannu taumata apan mandantan pabbawawul᷊o apan pia pandumma mangema'u.

DARALO 59:12

Ariewe mamate si mangitou, oh Mawu, tadea'u walahangku tawe maabul᷊i. Sal᷊iawuṛṛa'e wuṛṛu waddoa'e i mangitou ringannu taṛṛino-Nu, oh Mawu mallal᷊u'addi yami.

DARALO 59:7

Sutempo wawallo i mangitou nabbelenga, tuttawanna naal᷊ihidda asu lapiddu mammal᷊iwutta soa.

AMSAL 12:18

Walate wisarane wotongnge maal᷊essa naungnga ere niusu'u hal᷊ele; manga wisaran pande naal᷊ihidda undamma apan maapia.

AMSAL 15:23

Manga wisara apan niwisara naṛṛino sutempone, mandantan al᷊al᷊uassa.

AMSAL 4:23

Paariagai mapia-pia naungngu, ana waugu ete naungngu apan manantunnu lal᷊annu pabbiaṛṛannu.

YOHANES 7:38

Su ola'u taumata apan mangngimanna si Ya'u, uawoṛṛetta sulal᷊ummu Wuke Susi, ‘Wuassu lal᷊ummu naungnge mangngelekka manga aeleṛṛannu ua'e apan mangngonggolu wiakka.’ ” (

WATTI'U MANGA RASUL 5:3

Ne i Petrus nabbisara si tou, “Ananias, anio i'o namalan Setanna namiaṛṛa'u naungngu, na'oman sara i'o nangawusu Ghaṛṛahon Ruata, ringannu mal᷊anna-l᷊annaba nama'ungnga roitta ipaannu sassane sambageanganna roitta la'unnu leta'a udde?

EFESUS 3:8

Su wallatu anambon al᷊aṛṛana'u Ruata, ete i ya'u aral᷊eoanne. Arawe Ruata nangonggolu al᷊amatta indi si ya'u: Manara mammasingkatu Watti'u Al᷊al᷊uassa su taumata wal᷊ine Yahudi su ola'u paa'alan Kristus apan tawe masue;

EFESUS 4:29

Amungkangu i yamiu maggahatto, arie mappaattu wisara lal᷊eo. Pappaatten manga wisara apan mannantiro wuṛṛu mantul᷊ungnu taumata waine. Manga wisara ereudde sarun mapaarantan apapia su manga taumata apan naddaringikka.

EFESUS 5:19

Pappaatte manga wisara Mazmur, antari daralo wuṛṛu antarin taumatan Saṛṛani sulal᷊ummu manga hattong kamiu. Ṛinone i yamiu ringannu naungnga apan mal᷊uassa, mangngantarin daralo su Mawu.

KOLOSE 3:16

Ṛinone manga al᷊aṛṛa'i Kristus apan napenen al᷊amatta umusippa sulal᷊ummu naungngu. Ṛinone i yamiu uatatantiro wuṛṛu uaaonggolu al᷊aṛṛa'a lembon apianne. Antaria'e Mazmur wuṛṛu manga daralo see manga antarin Saṛṛani; pangantarite hunan Duata ringannu apendamu aadiangkamanna sulal᷊ummu naungngu.

KOLOSE 4:6

Ṛinone manga inolaanna apan iwabbisaran kamiu sidutu maal᷊uassa wuṛṛu apangimananna. Ṛinone i yamiu maasingkata ereapa ṛinone i yamiu sumimbakka manga aiwal᷊on taumata.

IBRANI 8:10

Arawe orassa indi, ete indi paaire apan sarun olaangku su walahannu Israel su miallo-miallo apan sarun dumanta unnu Mawu: I Ya'u sarun mantaṛṛon tita-U sulal᷊ummu ṛingiṛṛanni mangitou wuṛṛu iwoṛṛeta su naungngi mangitou. I Ya'u sarun maola'a Ruata mangitou, wuṛṛu i mangitou sarun maola'a pabbawala-U.

YUDAS 1:15

ana waugu makkuumannu anambon taumata. Mawu sarun makkuumannu manga taumata lal᷊eo ana waugu manga inolaanni mangitou apan tawe matataṛṛino. Wuṛṛu i Tou sarun makkuumannu taumata marosa wuṛṛu lal᷊eo, ana waugu anambon manga wisarane apan ipangngal᷊uandaga.