LUKAS 6:30 - WUKE SUSI WATTI'U AL᷊AL᷊USASSA

³⁰ Amungkangngu taumata madorongnga sarannapa si yamiu, anggil᷊a'a lai udde si tou; wuṛṛu amungkangngu darotongngu aṛṛoanna, arie padoronge apia.

LUKAS 6:30 Iomraidhean Croise

DARALO 112:9

I Tou mattahia paa'alane, wuṛṛu nangonggolu darotonge su taumata asiangnga; i tou sidutu ma'ola'a apapia, ana waugu i tou uaparenta wuṛṛu aaddatanna.

DARALO 41:1

Su piaṛṛa'u mangangantari. Daralon Daud.

AMSAL 19:17

Mantul᷊ungngu taumata asiangnga naal᷊ihidda ere nangonggollu awallassa su Mawu; ne ete Mawu lai apan sarun mabbal᷊issa.

AMSAL 21:26

Su al᷊o'engngu allo i tou tumba'u maṛṛingidda su ola'u apa apan ipaapulune. Arawae mawal᷊i'a, taumata apan matul᷊idda wiakke wotongnge mangonggolla ringannu manambo-nambo.

AMSAL 22:9

Taumata apan naungnge mapia sarun al᷊amatannu Mawu, ana waugu i tou mattahia wiakka su taumata awussa.

MANNANASE 11:2

Addoa'e roinnu su al᷊awo'u hatin paddaganganna; paddea'e manara ringangu manambo-nambo. Ana waugu taumata ṛinone uaantagga tantal᷊anna asasilaka taambe naṛṛia'a.

MANNANASE 8:16

Sutempo i ya'u mattinsahadda maddea'a asingkatta, wuṛṛu i ya'u mannutukka al᷊awo'u arariaddianna su runia indi, ne i ya'u naatutukke manungku salaiwe i ite mattinsahadda allo ṛabbi ringangu tawe mangillol᷊o,

MATIUS 18:35

Mawu Yesus nanginsue watingnge ringannu wisara indi, “Aroddi lai Iamangku su surga sarun ma'ola'a si yamiu sangkatou-sangkatou ere udde, amungkangngu i yamiu tawe mangampunga tuṛṛangngu ringannu naungnga waresi.”

MATIUS 5:39

Arawe orassa indi Ya'u mabbisara si yamiu: arie pabbal᷊issa sangkatou taumata apan ma'ola'a al᷊al᷊eo si yamiu. Apianne amungkangngu taumata mamero wambalanu aikkatanna, wala'a lai i tou mamero wambalanu aiṛṛi.

MATIUS 6:12

Ampungewe i yami wuassu passasal᷊ang kami, ere lai yami suete nangampungnga taumata apan nassal᷊a si yami.

LUKAS 11:41

Apan sulal᷊ummu mangko wuṛṛu lamangngu udde, eteudde ṛinone ionggolli yamiu su taumata asiangnga. Ringannu olangnge aroddi, sarangkanambone sarun maola'a waresi hunane si yamiu.

LUKAS 12:33

Wal᷊ua'e darotongngu wuṛṛu anggil᷊a'e roinne su taumata asiangnga. Ola'e sulal᷊ummu ririnu tampan doitta apan tawe maṛṛenessa, eteudde darotongnga apan uaraddo su surga. Darotongnga udde tawe mawul᷊i ana waugu taṛṛa ta'o tawe maapanna'o wuṛṛu wiangnga tawe maahohakka.

LUKAS 18:22

Naaringikka udde, Mawu Yesus nabbisara, “Ta'e pia lai sambau sarun olaannu: Wal᷊ua'e anambon darotongngu, onggol᷊a'e roinne su taumata asiangnga, ne i'o sarun maasomba darotongnga su surga. Wua'udde rantate wuṛṛu tantalongke si Ya'u.”

LUKAS 6:29

Amungkangngu taumata mamero wambalanu samba'a, wala'a lai i tou mamero wambalanu samba'a. Amungkangngu jubahnu aṛṛoanna, anggil᷊a'a lai laungngu.

LUKAS 6:31

Ola'a su taumata waine ere lai yamiu ma'apulu olaanni mangitou mapia.

LUKAS 6:38

Pangonggolla su taumata waine, tadea'u Ruata lai mangonggolla si yamiu; i yamiu sarun manengkamma aonggolla nangillembo apan suete niuukka masada-sadatta maola'a wageangngu. Ana waugu auuṛṛanna apan ipanguukki yamiu su taumata waine sarun ipanguukku Ruata lai si yamiu.”

WATTI'U MANGA RASUL 20:35

Sulal᷊ummu al᷊awo'u hatto, i ya'u suete nanul᷊adda si yamiu manungku ringannu mammanara maṛṛimadda ereindi, i ite ṛinone mantul᷊ungngu manga taumata lome. Ana waugu i ite ṛinone mannaungnga apa apan suete niwal᷊o Mawu Yesus, ‘Lembon su lal᷊umanna'a i ite mangonggolla, wuassu i ite manengkamma.’ ”

2 KORINTUS 8:9

Ana waugu i yamiu masingkata atonna manungku i ite lembon arangnguanni Yesus Kristus Mawun kite. I Tou ala, arawe i Tou nattingkaola'a asiangnga ana waugu i ite, tadea'u ringannu paa'asiangnge udde i yamiu maola'a ala.

EFESUS 4:28

Taumata apan inanaramanne manna'o ṛinone i tou mangillol᷊o manna'o. Mappianne i tou mammanara tadea'u maasomba anna ringannu su ṛinone wuṛṛu wotongnge mantul᷊ungngu taumata apan pia awunne.