LUKAS 6:25 - WUKE SUSI WATTI'U AL᷊AL᷊USASSA

²⁵ Nasilakate i yamiu apan mal᷊aida orassa indi; ana waugu i yamiu sarun amal᷊unusanna! Nasilakate i yamiu apan lullage orassa indi; ana waugu i yamiu sarun masusa wuṛṛu lumuai!

LUKAS 6:25 Iomraidhean Croise

DARALO 49:19

Ewe'e amungkangu pia sangkatou naauntunga sulal᷊ummu pabbiaṛṛanne, wuṛṛu mangke raddaloanna ana waugu naauntunga,

AMSAL 14:13

Pangillul᷊eannu lal᷊age asinungka pia lal᷊uai; al᷊al᷊uassa wotongnge muddussu asasusa.

AMSAL 30:9

Ana waugu, amungkangngu i ya'u ala, asinungka i ya'u sarun mabbisara manungku i ya'u tate mappandumma si'o. Wuṛṛu napawe i ya'u asiangnga, asinungka i ya'u sarun manna'o ma'oman sara mandal᷊eote aran-Nu.”

MANNANASE 2:2

I ya'u wukkute naatutukka manungku lal᷊agge udde awawoddo wuṛṛu lal᷊umanna'a tawe gunane.

MANNANASE 7:3

Asasusa mappianne wuassu lal᷊agge. Salaiwe hati lullal᷊o, sawal᷊iate naungnga maluassa.

MANNANASE 7:6

Lal᷊aggen taumata woddo tawe atappasanne, ere tingikku larangnga nasoṛṛobbu putungnga.

YESAYA 28:7

See lai manga nabi wuṛṛu manga imam wu'anna ana waugu tumanite manambo na'inumma anggore wuṛṛu tubba. I mangitou u'amatta lullallengge wuṛṛu mangke mattara ana waugu ṛingiranni mangitou nassongkakka. Manga nabi tate lai maasunna manga sondappa apan ia'onggollu Ruata si mangitou. Manga imam tate lai maaṛṛawessu manga hatto apan iappaola'a si mangitou.

YESAYA 65:13

Mangke atonna, taumata apan massubba si Ya'u sarun umanna, wuṛṛu i yamiu amal᷊unusanna. I mangitou sarun ma'inumma, arawe i yamiu amarouanna. I mangitou sarun lumuassa, arawe i yamiu pansilianna.

YESAYA 8:21

Manga taumata apan naṛṛiaannu susa wuṛṛu mal᷊unussa sarun mamal᷊intaddu wanua udde. Ana waugu mal᷊unussa, i mangitou mangke mandona na'oman sara mangnganen datu wuṛṛu Ruata mangitou. Suapan tampa i mangitou ma'ellega, tumatingngara,

YESAYA 9:20

Taumatan Manasye wuṛṛu taumatan Efraim uapapangalo, see na'aukka nilumawangnga Yehuda. Arawe Mawu ta'e massa'u wuṛṛu sidutu makkuumanna.

AMOS 8:10

Manga rameanu sarun Ta'u wal᷊uanna mabbal᷊i lullal᷊o, wuṛṛu manga aantarinu mabbal᷊i lal᷊uai. I Ya'u sarun ma'ola'a si yamiu mangiṛṛi utangngu wuṛṛu malluṛṛen laubba karongnga tattialan massusa. I yamiu sarun maola'a ere iamangnga inangnga apan lulluain papaten anangnge tinggassa. Allo udde sarun umuddussa ringannu lembon maasusa.”

NAHUM 1:10

I'o sarun soṛṛowanna ere laṛṛami apan namarate ere aputta ṛoaanna apan uaandongnga.

LUKAS 12:20

Arawe Ruata nabbisara si tou, ‘Ei taumata woddo! Ṛabbi indi lai i'o sarun mate, see isai sarun manahuanna paa'ala apan suete niammullu hunam badangngu?’

LUKAS 13:28

Su tempo i yamiu naasilo si Abraham, si Ishak wuṛṛu si Yakub wuṛṛu anambon manga nabi lulluassa sulal᷊ummu Runia Wakku Ruata, i yamiu sarun lumuai wuṛṛu matataṛṛangnga susa ana waugu i yamiu sassane nillimbuaṛṛanna watukku liudde!

LUKAS 6:24

Arawe nasilakate i yamiu taumata ala su orassa indi; ana waugu i yamiu naapendampe al᷊al᷊uassa!

LUKAS 6:26

Nasilakate i yamiu, amungkangngu anambon taumata maddalo si yamiu; ana waugu aroddi lai iupungnga al᷊amona mangitou maddalo manga nabi awusu su tempo rorone.”

LUKAS 8:53

I mangitou nilumage Mawu Yesus, ana waugu i mangitou masingkatta manungku ana'a wawine udde natete.

EFESUS 5:4

Tawe su lal᷊anne lai yamiu mapaasabbangngu manga wisara lal᷊eo wuṛṛu tawe su ṛinone. Ewe'e ṛinone i yamiu u'al᷊iomanna su Ruata.

1 TESALONIKA 5:3

Amungkangu taumata mabbisara, “Sarangkanambone mal᷊annabba wuṛṛu matammudda,” ne ete su tempo udde inaṛṛombanganne i mangitou sarun aṛṛiaannu papate wuṛṛu tawe saran sangkatou apan wotongnge maatal᷊angnga. Olangnge udde sarun mariaddi sangkaṛṛondapa, ere taddu'u sangkatou wawine apan sarun mangunsiwe.

YAKOBUS 4:9

Ṛinone atonna-tonna i yamiu sumassilla wuṛṛu lumuai lapiddu lumal᷊o; ṛinone lal᷊agenu maola'a lal᷊uai wuṛṛu al᷊al᷊uannu maola'a asasusa!

SONDAPPA 3:17

I yamiu mabbisara, ‘I yami ala wuṛṛu al᷊awo'a mangke pia; i yami tawe urangnge apa-apa.’ Arawe i yamiu wagga aroddi aasiangnge wuṛṛu aroddi maasusa ririnu! I yamiu asiangnga, tantol᷊e wuṛṛu wuta.

1 SAMUEL 2:5

Taumata apan dorone mal᷊aidda ana waugu manambo anna, orassa indi nabbal᷊ite allangnga sassewanna tumba'u ana waugu see maasomba anna. Taumata apan dorone mal᷊unussa, orassa indi nal᷊aidde, anna manambote. Awingnge tinna, orassa indi lullala'a, ana'a pitu buatte niasungkange! Arawe inangnga apan manambo anangnge, nitantangnga, niwalane massusa.