LUKAS 6:19 - WUKE SUSI WATTI'U AL᷊AL᷊USASSA

¹⁹ Anambon taumata maddea'a suapan wotongnge maaggassa Mawu Yesus, ana waugu pia taṛṛino sussabangnga wuassu wadangnge apan maapia si mangitou sarangkanambone.

LUKAS 6:19 Iomraidhean Croise

2 MARARATU 13:21

Su allo sambau napawe sira pira taumata tantal᷊anna malabbingu taumata nate, inaṛṛombanganne i mangitou naasilo ammul᷊annu tantaran Moab nirumanta. I mangitou lapiddu namareta manga winal᷊unanna udde sulal᷊ummu labbingi Elisa ana see tinumal᷊angnga. Aroddi asuangnga udde naṛe'etta su duṛṛin Elisa, asuangnga udde nabiakka apia ana see dirumarisikka.

MATIUS 14:36

Wuṛṛu i mangitou sinumal᷊ande si Tou tadea'u wotongnge mangindingnga jubah-Ne, salaiwe tumba'u pentakke. See sarangkanambone apan nangindingnga udde napiate.

MARKUS 3:10

I Tou napaapian taumata nambo, na'oman sara manga taumata marada'a uasasesse'a maddea'a tadea'u maa'agassa si Tou.

MARKUS 5:30

Su orassa udde lai Mawu Yesus naapendamma manungku pia auatanna apan nasabangnga wuassu wadang-Nge. Ne i Tou nanaile taumata nambo udde wuṛṛu naiwal᷊o, “Isai nangindingnga jubah-U?”

MARKUS 6:56

Suapan tampa Mawu Yesus rumanta – mapia ete su ampungnga, su soa ara'e su ampungnga maradio'a – isudde sidutu taumata rudanta wuṛṛu mangngaddon rumarada'a su pasakka. See i mangitou sussal᷊ande tadea'u manga taumata marada'a udde iwala mangindingnga jubah Mawu Yesus, salaiwe tumba'u pentakke. Sarangkanambone apan naaindingnga jubah udde mangke mapia.

MARKUS 8:22

I mangitou na'omate su Betsaida. Isudde taumata nangapiddu sangkatou wuta ringannu Mawu Yesus, wuṛṛu nadorongnga tadea'u i Tou mamita taumata udde see mapia.

LUKAS 5:17

Su sambau allo, tantal᷊anna Mawu Yesus mangngaṛṛa'a, pia manga pirang katou taumatan Farisi wuṛṛu manga hurun agama ua'ianna isudde. I mangitou nirumanta wuassu Yerusalem, wuṛṛu wuassu manga soa su leta'u Galilea wuṛṛu Yudea. Taṛṛinon Ruata uaṛṛundinganna Mawu Yesus mapaapian taumata marada'a.

LUKAS 6:18

I mangitou nirumanta madaringikka Mawu Yesus, wuṛṛu see iapa'apia wuassu manga rada'i mangitou. I mangitou apan niasuttannu ghaṛṛaho lal᷊eo nirumanta lai see niapa'apia.

WATTI'U MANGA RASUL 19:12

Amungkangngu leso, ara'e wawa'issa lawassa apan suete nipaatti Paulus iapidda su manga taumata marada'a, rada'i mangitou mawul᷊i wuṛṛu ghaṛṛahon setanna lai sumabangnga wuassi mangitou.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.