LUKAS 5:5 - WUKE SUSI WATTI'U AL᷊AL᷊USASSA

⁵ “Iamangnga Huru,” sasimbakki Simon, “su al᷊o'engngu ṛabbi yami mammanara maṛṛimadda, arawe tawe naahau saran sambua! Arawe ana waugu Iamangnga nandolokka, aroddite; i ya'u sarun mallombon soma apia.”

LUKAS 5:5 Iomraidhean Croise

YEHEZKIEL 47:10

Wuassu manga al᷊imatang kua'e su En-Gedi maddatingngu al᷊imatang kua'e su En-Eglaim, manga winggine sarun marame ringannu manga samakka apan mammatin soma mangitou isudde. Al᷊awo'u hatin inassa sarun pia sulal᷊ummu ua'e udde, ere apan pia sulal᷊ummu Tahal᷊oangnga Tangngane.

LUKAS 17:13

wuṛṛu mangngintul᷊i, “Mawu Yesus! Tuangnga! Akkanaawe i yami!”

LUKAS 8:24

Mallal᷊aṛṛenggennu Mawu Yesus inaite ringan-Ne wuṛṛu namu'o si Tou. I mangitou nabbisara, “Iamangnga Huru, Iamangnga Huru, i ite masilakate!” Mawu Yesus napu'o see nandona anginna wuṛṛu lua'a apan mattandi'a udde. Anginna wuṛṛu lua'a udde nol᷊ote, see rano nabbal᷊ite mal᷊enakka atonna.

LUKAS 8:45

Mawu Yesus naiwal᷊o, “Isai nangindingnga si Ya'u?” Anambon taumata nassinaada. See i Petrus nabbisara, “Iamangnga, manambo atonna taumata uapal᷊iwutta su Iamangnga; i mangitou mangke mannesse'i Iamangnga!”

LUKAS 9:33

Su Tempo ruang katou udde manantangke Mawu Yesus, i Petrus nabbisara Mawu Yesus, “Iamangnga Huru, mapia atonna i ite isindi. Mappianne i yami mapararisikku rasanna tatallu; sambau si Tuangnga, sambau si Musa wuṛṛu sambau lai si Elia.” (I Petrus nabbisara aroddi arawe tawe maasunna wisarane udde.)

LUKAS 9:49

I Yohanes nabbisara, “Mawu, i yami naasilo taumata mallimbuakka setanna ringannu arannu Mawu, wuṛṛu i yami naningaddi tou, ana waugu i tou wal᷊ine wua dinganni ite.”

YOHANES 15:14

Ete i yamiu manga hawe-U, amungkangngu i yamiu tuttuṛṛutta apa apan ipaparenta-U si yamiu.

YOHANES 2:5

Arawe inangngu Mawu Yesus nabbisara su mangangimbe, “Tuṛṛutte apa apan irolokki Tou si yamiu.”

YOHANES 21:3

Wisaran i Simon Petrus singana'a waine, “I ya'u ma'apulu inai tumondo.” “I yami tumantalongnga”, unni mangitou si Petrus. Ne inaite i mangitou sinuma'e saalanna. Arawe saṛṛabbi tuudda udde i mangitou tawe naahau saran sambua.